მნიშვნელოვანი ინფორმაცია
25
აპრილიდღის ზოგადი ასტროლოგიური პროგნოზი
პარასკევი, მთვარის ოცდამეშვიდე დღე დაიწყება 05:13-ზე, მთვარე 11:20-ზე ესტუმრება ვერძს
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის. მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად, ყვავილების დასარგავად; ქორწინებისა და ნიშნობისათვის. თავის ტკივილი რომ აირიდოთ, არ გადაიღალოთ გონებრივი სამუშაოთი. მოერიდეთ დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
თურქი სექს-სიმბოლოს სასიყვარულო თამაშები - საჭურისის როლი, დევნილობა, შიმშილი და რთული გზის შემდეგ მიღწეული წარმატება: ვინ არის სელიმ ბაირაქთარი
11:06 / 18-06-2023
ცნობილი "საჭურისი" სერიალ "დიდებული საუკუნიდან“ ყოველთვის პოპულარული იყო, განსაკუთრებით საპირისპირო სქესში. 45 წლის სელიმ ბაირაქთარი თურქეთში ერთ-ერთი ყველაზე ცნობილი მსახიობია, რომლის შესახებ ხშირად წერს ადგილობრივი მედია.
სელიმ ბაირაქტარს მართალია, საჭურისის როლი ჰქონდა, თუმცა ამის მიუხედავად, სექს-სიმბოლოს სტატუსის მოპოვება მოახერხა.
მისმა გმირმა, სუმბულ აღამ, პირველივე ეპიზოდებიდან მოიგო მაყურებლის გული და მისი პერსონაჟის ქარიზმამ "დიდებული საუკუნის“ ერთ-ერთ ყველაზე მნიშვნელოვან გმირად აქცია.
- სახლის დაკარგვა და ახალი სამშობლოს პოვნა
ალბათ, გულშემატკივარების მხოლოდ მცირე რაოდენობამ იცის, რომ სელიმ ბაირაქთარი ერაყში დაიბადა. მსახიობის მამა ნავთობის ინდუსტრიაში მუშაობდა, დედა კი დიასახლისი იყო. ოჯახი საკმაოდ შეძლებულად ითვლებოდა და, შესაძლოა, თურქეთში არასოდეს გადმოსახლებულიყვნენ რომ არა ომი.
მოგვიანებით, ინტერვიუში, სელიმმა აღიარა, რომ ომის დროს ოჯახმა თურქეთში გაქცევა გადაწყვიტა. "ეს იყო ჩვენი წინაპრების სამშობლო. გზა რთული და გრძელი აღმოჩნდა. მახსოვს, როგორ მივდიოდით ცხენებში შებმული ეტლით თურქეთში და ამ დროს ჭურვები ჩვენს თავზე დაფრინავდა".
თურქეთში ჩასულმა სკოლა ქალაქ ესქიშეჰირში დაამთავრა, რის შემდეგაც ოჯახი ანკარაში გადავიდა საცხოვრებლად. იქ ბაირაქტარი შევიდა თეატრალურ უნივერსიტეტში. ის ბავშვობიდანვე ამჟღავნებდა სამსახიობო ნიჭს, ბაძავდა სხვადასხვა პერსონაჟებს. დედა ყოველთვის მხარში ედგა, მამას კი გაუჭირდა შვილის არჩევანის მიღება.
"თეატრალურში რომ ჩავაბარე, მამაჩემმა მითხრა: "დაასრულებ და უმუშევრად დაჯდები, რით გამოიმუშავებ საარსებო მინიმუმს? ამისთვის მადლობელი ვარ მისი. მამაჩემი ასეთი წინააღმდეგი რომ არ ყოფილიყო, მე ალბათ ვერ მივაღწევდი ასეთ წარმატებას“, - ამბობს მსახიობი.
მამა მართალი აღმოჩნდა. თეატრში სამსახურის პოვნა არც ისე ადვილი იყო. კასტინგებზე ხეტიალის შემდეგ, სელიმმა გადაწყვიტა ცირკში ეცადა ბედა. გარკვეული პერიოდი მუშაობდა ჯამბაზად და ჯგუფთან ერთად მოგზაურობდა მსოფლიოში. კინემატოგრაფიული სიმაღლეების დაპყრობა გაცილებით გვიან, 2000-იანი წლებიდან დაიწყო.
- გზა დიდი წარმატებისკენ
2000-იანი წლების დასაწყისი ყველაზე რთული პერიოდი იყო ბაირაქთარის ცხოვრებაში. მაღაზიაში მუდმივად საჭმლის ვალი ჰქონდა, რისი გადახდაც ძალიან უჭირდა. მისი შემოსავალი თურქეთის სახელმწიფო თეატრში მწირი იყო, მაგრამ არ ნებდებოდა და მუდმივად კასტინგებზე დადიოდა. კარიერაში პირველი მნიშვნელოვანი პროექტი იყო სერიალი "ხიდი“. მისი როლი მცირე იყო, მაგრამ ჰონორარმა მისცა საშუალება, რომ აღარ ეშიმშილა.
ამ დროს სელიმი უკვე დაოჯახებული იყო და ორი ვაჟი ჰყავდა, ამიტომ ოჯახს სტაბილური შემოსავალი სჭირდებოდა. კასტინგებზე სიარულს აგრძელებდა, მაგრამ როლებს სატელევიზიო შოუებში ან რეკლამებში იღებდა. მაგრამ მსახიობს წინ დიდი წარმატება ელოდა. ეს იყო სერიალი "დიდებულ საუკუნე".
თავდაპირველად, სუმბულ-აღა ჩაფიქრებული იყო როგორც უმნიშვნელო პერსონაჟი, რომელსაც სცენარისტები დიდი ყურადღებას არ უთმობდნენ, მაგრამ მსახიობის ქარიზმამ მათზე ძალიან იმოქმედა. ბაირაქთარი იმდენად დამაჯერებელად თამაშობდა ეშმაკი საჭურისის როლს, რომ მაყურებელი მასზე გიჟდებოდა. რა თქმა უნდა, ასეთი პოპულარობა სელიმის დამსახურებაა. ის თვეების განმავლობაში მუშაობდა მისი პერსონაჟის სახის გამომეტყველებაზე, ჟესტიკულაციაზე და სიარულის მანერაზე.
"თავიდან ძალიან გამიჭირდა მისთვის სიარულის მანერის მოფიქრება. ის ქალივით მოძრაობდა, რაც უჩვეულოდ გამოიყურებოდა. რა თქმა უნდა, ასეთი პერსონაჟის თამაში რთულია. ის საჭურისია, მაგრამ კაცად დაიბადა, ასე რომ, სუმბულ-აღას იგივე ვნებები ჰქონდა, როგორც ყველა ჩვენგანს", - ამბობს მსახიობი.
მალე სერიალმა მთელი მსოფლიო დაიპყრო. სერიალში თამაში მსახიობების დიდი ნაწილისთვის კარიერის პიკად იქცა. გამონაკლისი არც ბაირაქთარი იყო, თუმცა მსახიობს დიდი ხანი დასჭირდა, რათა საჭურისის იმიჯისთვის თავი დაეღწია.
სელიმს უყვარს სპორტი და ხშირად აქვეყნებს სურათებს სპორტდარბაზიდან. დიდი ხნის განმავლობაში ითვლებოდა, რომ ბაირაქთარი ოჯახის ერთგული, მაგრამ სულ რაღაც ორიოდე წლის წინ ეს ლეგენდა დაინგრა.
- ორი სიყვარული
სელიმ ბაირაქთარი მრავალი წლის განმავლობაში იყო დაქორწინებული ქალზე, სახელად ბიჰტერზე. ეს ქორწინება გარედან შესანიშნავად გამოიყურებოდა. ბიჰტერი ყოველთვის ჩრდილში იყო, იშვიათად ესწრებოდა საჯარო ღონისძიებებს და თითქმის არასოდეს აძლევდა ინტერვიუს. ის იყო წარმატებული მამაკაცის იდეალური ცოლი.
თაყვანისმცემლებისთვის სიურპრიზი აღმოჩნდა, როდესაც მათი ქორწინების დაშლის შესახებ შეიტყვეს. მიზეზი ახალი სიყვარული გახდა, როდესაც გადაღებებზე სელიმი მსახიობ ემილ კარაკესს შეხვდა. მათ შორის გრძნობები მყისიერად გაჩნდა. 2019 წელს სელიმი პირველ ცოლს დაშორდა.
მსახიობი ახლაც ცდილობს ყოფილ ცოლზე ინტერვიუებში არაფერი თქვას. ინსაიდერები ამბობენ, რომ დაშორების გადაწყვეტილება მისთვის მძიმე იყო. სელიმს და ბიჰტერს დიდი შრომა დასჭირდათ, რომ ნორმალური ურთიერთობა შეენარჩუნებინათ.
გარკვეული პერიოდის განმავლობაში არ არსებობდა ინფორმაცია ვარსკვლავის პირადი ცხოვრების შესახებ და მხოლოდ 2023 წლის გაზაფხულზე გახდა ცნობილი, რომ მსახიობმა საიდუმლოდ იქორწინა. მისი რჩეული, რა თქმა უნდა, ემილი გახდა.
ახლა ბაირაქთარის თურქეთში ერთ-ერთ ყველაზე პოპულარულ მსახიობად ითვლება. მას არასოდეს აკლია როლები, მაგრამ როგორც თურქული მედია წერს, ახლა მსახი მთავარი როლი ახალგაზრდა მეუღლის სიყვარულია.
- იხილეთ ასევე:
- თურქი მერილ სტრიპი - ვინ არის სერიალების ვარსკვლავი ქართული ფესვებით, რომელსაც უბერებელს უწოდებენ - 78 წლის ნებაჰათ ჩეჰრეს ვარსკვლავური ცხოვრება და სკანდალები
- სკანდალი ცნობილი თურქი მსახიობის გარშემო, რომელსაც საყვარელ ქალზე ძალადობა ბრალდება - კუნძულზე გადასახლებული ოზან გიუენის კარიერა და წარუმატებელი პირადი
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
