"ნაციონალები“ რუსულ რუბლებს ისვრიან პარლამენტის დარბაზში, ჩვენ დედას ვაგინებთ მათ, ისინი ირგებენ, რა ვქნათ? როგორ უნდა მოხდეს ასეთ პირობებში დეპოლარიზაცია?" - კობახიძე
რა ვქნათ? როგორ უნდა მოხდეს ასეთ პირობებში დეპოლარიზაცია? როდესაც "ნაციონალები“ მოდიან რუსული რუბლებით, მერე ისვრიან ამას პარლამენტის სხდომათა დარბაზში, მერე მეორე "ნაციონალი“ ამას ტაშს უკრავს, ჩვენ დედას ვაგინებთ "ნაციონალებს“, ისინი ირგებენ, მაგრამ, საბოლოო ჯამში, ეს არის პოლარიზაციაა, ჩვენ რა უნდა გავაკეთოთ? - ასე უპასუხა "ქართული ოცნების“ თავმჯდომარემ ირაკლი კობახიძემ ჟურნალისტების შეკითხვას, რომელიც პრემიერ-მინისტრის იმ განცხადების შეფასებას ეხებოდა, სადაც ირაკლი ღარიბაშვილი ამბობს, რომ ევროპელი კოლეგებისთვის მათი მთავარი სათქმელია ის, რომ საქართველოსთვის ევროკავშირის წევრობის კანდიდატის სტატუსის მინიჭება, ავტომატურად შეამცირებს და მინიმუმამდე დაიყვანს ქვეყანაში არსებულ პოლარიზაციას.
როგორც კობახიძემ აღნიშნა, კანდიდატის სტატუსის მინიჭება ქვეყანაში პოლარიზაციის ხარისხს შეამცირებს.
"დეპოლარიზაცია როგორ უნდა მოხდეს? რა უნდა გავაკეთოთ ჩვენ დეპოლარიზაციისთვის? აგერ გამოდიან, ისვრიან.
"ნაცმოძრაობა“ თვითონვე მოდის რუსული რუბლებით, ისვრის პარლამენტის სხდომათა დარბაზში, მერე ტაშს უკრავენ სხვა "ნაციონალები“ და ჩვენ აქ რა უნდა გავაკეთოთ? მერე გვიწევს, რომ დედა ვაგინოთ "ნაციონალებს“. კი, ირგებენ, მაგრამ მაინც პოლარიზაციაა ეს ყველაფერი, რა ვქნათ? როგორ უნდა მოხდეს ასეთ პირობებში დეპოლარიზაცია? როდესაც "ნაციონალები“ მოდიან რუსული რუბლებით, მერე ისვრიან ამას პარლამენტის სხდომათა დარბაზში, მერე მეორე "ნაციონალი“ ამას ტაშს უკრავს, ჩვენ დედას ვაგინებთ "ნაციონალებს“, ისინი ირგებენ, მაგრამ, საბოლოო ჯამში, ეს არის პოლარიზაციაა, ჩვენ რა უნდა გავაკეთოთ? ძალიან სწორი მინიშნებაა პრემიერის მხრიდან ის, რომ კანდიდატის სტატუსის მინიჭება რა თქმა უნდა, გამოიწვევს პოლარიზაციის ხარისხის შემცირებას.
ივნისში როცა კანდიდატის სტატუსი არ მოგვენიჭა, ამან წაახალისა პოლარიზაცია. მთავარი ფაქტორი, რასაც დღეს ოპოზიცია პოლარიზაციისთვის იყენებს, სწორედ კანდიდატის სტატუსის თემაა. რადიკალურ ოპოზიციას აღარ ექნება საბაბი რადიკალიზმისთვის, გამოეცლება საბაბი. ბუნებრივია, კანდიდატი სტატუსი რომ მოგვნიჭებოდა ჩვენ ივნისში, ქვეყანაში სერიოზულად შემცირდებოდა პოლარიზაციის ხარისხი. თუ დეკემბერში მიიღებენ ამ გადაწყვეტილებას, პოლარიზაციის ხარისხი შემცირდება. მაგრამ კიდევ ერთხელ თუ იქნება მიღებული უსამართლო გადაწყვეტილება, ამ შემთხვევაში, პოლარიზაციის ხარისხი დარჩება იგივე“, - განაცხადა კობახიძემ.
ამასთან, როგორც კობახიძემ აღნიშნა, ძალადობა მხოლოდ ფიზიკურ ძალადობას არ გულისხმობს და ძალადობაა მათ შორის ის ფაქტით, როცა თსუ-ში მისი მისამართით რუსული რუბლები ისროლეს.
"უნივერსიტეტში რაც იხილეთ ეს იყო ძალადობის აქტი. ეს არის ყველაზე ბოლშევიკური მეთოდი, რაც შეიძლება გამოიყენო, როდესაც საერთოდ სხვა ფაკულტეტიდან მეორე ფაკულტეტზე მიდიხარ და დერეფანში პროვოკაციას აწყობ, სადაც ერთადერთი საქმე - განათლება უნდა კეთდებოდეს. ეს ის მეთოდებია, რომელიც გასული საუკუნის 30-იანი წლების შემდეგ საქართველოში არავის გამოუყენებია. რაც შეეხება ორიენტაციის არევას, პირველ რიგში, საინტერესოა ორი კატეგორიის ორიენტაცია - პოლიტიკური ორიენტაცია, რაც ამ ახალგაზრდებს მძიმედ არეული აქვთ და იდეოლოგიური ორიენტაცია, რაც ასევე ამ ახალგაზრდებს მძიმედ აქვთ არეული. შესაბამისად, ამაზე ყურადღების გამახვილება ჩემს პასუხისმგებლობად მიმაჩნია. როდესაც ადამიანს პოლიტიკური და იდეოლოგიური ორიენტაცია არეული აქვს, მათი სწორ მიმართულებაზე მოსაქცევად ყველაფერი უნდა გაკეთდეს. რუსული მეთოდით ბრძოლა არის, როდესაც გიჭირავს რუსული რუბლები ხელში და ამას ყრი პარლამენტის სხდომათა დარბაზში, როდესაც რუსული რუბლები გიჭირავს ხელში და ამას ყრი თსუ-ის მეორე კორპუსში. ეს არის ბოლშევიკური მეთოდები, რომელიც ბოლოს საქართველოში გასული საუკუნის 30-იან წლებში გამოიყენეს. გიგლა ბერბიჭაშვილის მეთოდები უნდათ, რომ გამოიყენონ 21-ე საუკუნეში, რა თქმა უნდა, თანამედროვე ბოლშევიკებს, ანუ კოლექტიურ "ნაცმოძრაობას“ ეს მეთოდები არ გაუვათ“, - განაცხადა კობახიძემ.
ასევე იხილეთ: