"ბავშვი შვეიცარიაში დაიბადა..." - რას ამბობს ხატია ბუნიათიშვილის დედა და რა დაარქვა პიანისტმა ახალშობილ გოგონას
ცნობილი ქართველი პიანისტი, ხატია ბუნიათიშვილი 7 ივნისს დედა გახდა. ამის შესახებ სოციალურ ქსელში თავად ხატია წერდა და ფოტოსაც აქვეყნებდა, სადაც ახალშობილის ხელი მისი მშობლების ხელებთან ერთად ჩანდა...
"ჩვენი ცხოვრების სიყვარული დაიბადა" - წერდა ხატია. მას უამრავი ცნობილი ადამიანი ულოცავდა.
ამ დრომდე უცნობი იყო, თუ რა დაარქვეს ახალშობილს. მსოფლიოში აღიარებული პიანისტის დედას - ნატალი ბუნიათიშვილს დავუკავშირდით და კომენტარი ვთხოვეთ.
- ქალბატონო ნატალი, გილოცავთ ამ უდიდეს სიხარულს... რომ გვითხრათ სად დაიბადა პატარა და რა დაარქვით?
- შვეიცარიაში დაიბადა, შარლოტი დავარქვით.
ცნობისთვის, გერმანული პრესა წერდა, რომ ექიმების რჩევის და ბავშვის მოფრთხილების გამო, ხატიამ 15 ივლისის კონცერტზე უარი განაცხადა და რაინგაუს მუსიკალურ ფესტივალზე მის შემცვლელად ბრიუს ლიუ ჩასვეს.