"როკ-ენ-როლის დედოფალი" ტინა ტერნერი 83 წლის ასაკში გარდაიცვალა
მომღერალი ტინა ტერნერი 83 წლის ასაკში გარდაიცვალა. ინფორმაციას უცხოური მედია მომღერლის წარმომადგენელზე დაყრდობით ავრცელებს.
"ტინა ტერნერი, როკ ენ როლის დედოფალი დღეს ხანგრძლივი ავადმყოფობის შემდეგ შვეიცარიაში, საკუთარ სახლში გარდაიცვალა. მასთან ერთად მსოფლიო კარგავს მუსიკის ლეგენდას და მისაბაძ ადამიანს", - ნათქვამია მომღერლის წარმომადგენლის განცხადებაში.
ტინა ტერნერი 1939 წელს აშშ-ში დაიბადა. ის იყო ერთ-ერთი ყველაზე პოპულარული ქალი როკ მომღერალი მთელ მსოფლიოში და თავისი მოღვაწეობის მანძილზე არაერთხელ უწოდეს „როკ-ენ-როლის დედოფალი“. მისი კარიერა 60 წელიწადზე მეტხანს მოიცავს.