"გული მწყდება, სკოლას რომ ვამთავრებ. თან მიხარია..." - სოფელ წყალაფორეთის სკოლაში "ბოლო ზარი" მხოლოდ ერთი მოსწავლისთვის დაირეკა
ხარაგაულის მუნიციპალიტეტის სოფელ წყალაფორეთის სკოლაში "ბოლო ზარი“ მხოლოდ ერთი მოსწავლისთვის დაირეკა. ვახტანგ ქელეშაშვილი სკოლის ერთადერთი კურსდამთავრებულია.
როგორც ვებგვერდი chemikharagauli წერს, ვახტანგმა მეხუთე კლასიდან თანაკლასელების გარეშე გააგრძელა სწავლა. ის ამბობს, რომ თავიდან ცოტა გაუჭირდა მარტო კლასში ყოფნა, თუმცა შემდეგ შეეჩვია.
ვახტანგს "ბოლო ზარის“ ღონისძიების მომზადებაში მასწავლებლები და სხვა კლასების მოსწავლეები დაეხმარნენ. სწავლის გაგრძელებას ის ზესტაფონში პროფესიულ სასწავლებელში აპირებს, თუმცა, რომელ პროფესიას დაეუფლება, ჯერჯერობით, გადაწყვეტილი არ აქვს.
"გული მწყდება, სკოლას რომ ვამთავრებ. თან მიხარია. ყველაზე მეტად ჩემი პედაგოგები მომენატრებიან“, – ამბობს ვახტანგი.