8
მაისიდღის ზოგადი ასტროლოგიური პროგნოზი
რუსეთმა, წუხელ, ქალაქ მიკოლაივის სამოქალაქო ინფრასტრუქტურას "კალიბრის“ ტიპის ორი რაკეტით დაარტყა, - ინფორმაციას უკრაინის შეიარაღებული ძალების გენერალური შტაბი ავრცელებს.
გარდა ამისა, უწყებაში აცხადებენ, რომ რუსულმა ძალებმა S-300 ტიპის ორი რაკეტით დონეცკის ოლქის ქალაქ კონსტანტინოვკას სამოქალაქო ინფრასტრუქტურას დაარტყეს.
გენშტაბის ცნობით, გასული დღის განმავლობაში, რუსულმა საოკუპაციო ძალებმა უკრაინის ტერიტორიაზე 57 ავიადარტყმა განახორციელეს და უკრაინის ჯარების პოზიციები და დასახლებები მრავალჯერადი სარაკეტო სისტემებიდან 96-ჯერ დაბომბეს.
რუსებმა სარაკეტო დარტყმისთვის "კინჟალის“ აერობალისტიკური 6 რაკეტა, "კალიბრის“ ფრთოსანი 13 რაკეტა და "ეს-400“ და "ისკანდერ-ემ“ ტიპის სახმელეთო ბაზირების 10 რაკეტა გამოიყენეს. "მათგან 25 ჩვენმა დამცველებმა გაანადგურეს“, - აცხადებენ გენშტაბში.
უწყების ცნობით, რუსების მიერ გასული დღის განმავლობაში განხორციელებული თავდასხმების შედეგად განადგურდა სამოქალაქო ინფრასტრუქტურა, დაიღუპნენ და დაშავდნენ მშვიდობიანი მოქალაქეები, განადგურდა კერძო სახლები, საავადმყოფო და სხვა სამოქალაქო ინფრასტრუქტურა.
"უკრაინის მთელ ტერიტორიაზე სარაკეტო და საჰაერო თავდასხმების ალბათობა კვლავ მაღალია“, - აცხადებენ გენშტაბში.
მანამდე გავრცელდა ინფორმაცია, რომ 16 მაისს საღამოს უკრაინის რამდენიმე ოლქში საჰაერო განგაში გამოცხადდა. განგაშის დროს მიკოლაივში აფეთქებების ხმა გაისმა. ქალაქის მერის ინფორმაციით, თავდასხმებმა ხანძარი გამოიწვია. ერთ-ერთ ობიექტზე ხანძარი ლოკალიზებულია, ამ დროისთვის ცნობილია ერთი დაშავებულის შესახებ.
ხმელნიცკში განადგურებული ინგლისური მცირე მუხტის ბირთვული ჭურვების შემდეგ, პოლონეთმა უკვე დააფიქსირა რადიაციული ფონი, იმედია ინგლისამდაც მივა.
მერამდენედ უნდა დაწეროთ ეგ დეზინფორმაცია, დანილოვი ,არსტოვიჩი,ერმაკი,უკრაინული დაზვერვა, ბრიტანული დაზვერვა ყველა იძახის რომ რუსებს რაკეტები აღარ აქვთო ,მით უმეტეს ეგეთი ზუსტი დამიზნების როგორიც ზებგერითი კინჯალი ან კალიბრია, გაიგეთ ბოლო ბოლო და პუტინიც მოკვდა უკვე.....სამჯერ!