12
მაისიდღის ზოგადი ასტროლოგიური პროგნოზი
ინგა ქერსი-ჟორჟოლიანი Ambebi.ge-ს მკითხველმა ორი წლის გაიცნო. ამერიკელი დიპლომატის შონ ქერსისა და ქართველი ქალის სიყვარულის ისტორიას უამრავი მკითხველი ჰყავდა. წყვილმა წლების წინ ჯვარი სვეტიცხოველში დაიწერა და მას შემდეგ ამერიკაში ცხოვრობენ.
ინგას და შონს ორი შვილი ჰყავთ. ქმარი დიპლომატიურ საქმიანობას აგრძელებს, ცოლი კი გლობალურ ეტიკეტს ასწავლის. ოჯახი ხშირად მოგზაურობს და მათი ყველა მოგზაურობა ერთგვარი თავგადასავალია. ინგას გამორჩეული ჩაცმის სტილი აქვს, მის გარდერობში ნათელი ფერები ჭარბობს და ყოველთვის განსხვავებულად და გემოვნებიანად აცვია. ჩვენი ინტერვიუც ამ თემაზე შედგა. როგორ არჩევს ფერებს დიპლომატის მეუღლე სეზონის მიხედვით, როგორ იპოვა წლების წინ საქართველოში საკუთარი სტილი და რომელი კაბაა მის გარდერობში ქალისთვის ყველაზე გამორჩეული...
- ინგა, რას ხედავთ, როდესაც თქვენი გარდერობის კარს აღებთ?
- გარდერობის ოთახი ჩემთვის პატარა მუზეუმივითაა, შესვლისას პირველ რიგში ფერად თავგადასავლებს ვხედავ, თითოეულ ნივთს თავისი პატარა ისტორია აქვს, რომელიც მამოგზაურებს და მახსენებს ამა თუ იმ ცხოვრებისეულ ეპიზოდს, რაც ყოველთვის დადებით ემოციით მმუხტავს. ფერები უდავოდ ჭარბობს ჩემს გარდერობში, განსაკუთრებით ვარდისფერი, თუმცა ასევე მიყვარს და ხშირად ვატარებ ნატურალურ/კლასიკურ ფერებს.
-79101.jpg)
- როგორ თვლით, რა ასაკში იპოვეთ საკუთარი სტილი და რა დაგეხმარათ ამაში?
- ბავშვობიდანვე მიზიდავდა ლამაზი ფერები, მომწონდა სამოსით თამაში, შემეძლო გრძელი კაბა მოკლედ გადამეკეთა, რომ ჩემ თოჯინისთვისაც მსგავსი კაბა შემეკერა. ჩემი შთაგონება ბავშვობაში ალბათ დედა და ჩემი უფროსი და იყვნენ, სულ მინდოდა მათსავით ჩამეცვა, ჩემ დას იმ დროისთვის უცხო რაღაცეები ჰქონდა ან სულ ცდილობდა გადაეკეთებას აღფრთოვანებული ვიყავი მისი ინდივიდუალურობით. მახსოვს მოზარდი ვიყავი, მაშინ არ იყო ასეთი ფართო არჩევანი საქართველოში, გადავწყვიტე მაშინდელ ყველაზე კარგ ფეხსაცმის დიზაინერ თათა ვარდანაშვილთან შემეკერა ფეხსაცმელი. ვთხოვე სხვადასხვა ფერის ჩექმა შეეკერა, ახლაც მახსოვს მისი გაოცებული სახე, მკითხა სად უნდა ჩამეცვა და შეეცადა გადავერწმუნე! ახლანდელი გადასახედიდან მართალი იყო! ალბათ აი, იმ ასაკში ვეძებდი, საკუთარი სტილს, თუმცა თავდაჯერებული 20-22 წლიდან გავხდი და დავრწმუნდი, რომ მომწონს ელეგანტური სტილი რომელიც ყველა ქალს კიდევ უფრო მოხდენილს ხდის.
- როგორი დამოკიდებულება გაქვთ ტანსაცმელის მიმართ?
- ტანისამოსი თანამედროვე სამყაროს ერთ-ერთი ყოველდღიურობის შემადგენელი და მნიშვნელოვანი ნაწილია, თუმცა მე ვფიქრობ, სამოსმა არ უნდა გადაწონოს სხვა უფრო მნიშვნელოვანი და საჭირო ღირებულებები.
- ფერების მიხედვით თუ იცვლება თქვენი გარდერობი სხვადასხვა სეზონზე?
- დიახ, მეტ-ნაკლებად იცვლება, თუმცა მაინც კლასიკურსა და ფავორიტ ფერებს შორის ვტრიალებ. გაზაფხული ჩემთვის ჰაეროვან და ხალისიან ვარდისფერს უკავშირდება. რაც შეეხება შემოდგომას, ზრდასრულ ყავისფერსა და სევდანარევ დაღვინებულ მდიდარ ფერებს. ზაფხული და ზამთარი სრულ წარმოსახვით თავისუფლებას.
- რას ამბობს თქვენი ტანსაცმელი თქვენზე?
- სამოსი რაღაც დოზით ადამიანის შინაგანი სამყაროს ანარეკლია და სტილით თუ ფერთა არჩევანით ინდივიდის შესახებ ბევრი რამის ამოცნობა არის შესაძლებელი. ჩემი სტილი ჩემზე ალბათ ამბობს, რომ ვარ ოპტიმისტი. ვცდილობ ყველა საკითხს ოპტიმისტურად მივუდგე.
-79220.jpg)
- ყველაზე ძვირი რომელ ნივთში გადაგიხდიათ?
- სიმართლე გითხრათ ზუსტად რომელ ნივთში მაქვს ყველაზე ძვირი გადახდილი არ მახსოვს, თუმცა მაქვს კაბა, რომელიც ჩემთვის ყველაზე ღირებულია. წელს ჩემმა შვილმა თავისით გადაწყვიტა საგაზაფხულო არდადეგების დროს პირველი გასამრჯელო გამოემუშავა. მეზობელს ეზოს მოწესრიგებაში მიეხმარა და გაწეული შრომის საფასურად პირველი მწირი გასამრჯელო მიიღო, რომელითაც ჩემთვის ძალიან ლამაზი ვარდისფერი კაბა შეიძინა დედის დღისთვის. ფულით რისი შეძენაც შეიძლება, მათ შორის ჩემთვის ეს კაბა ყველაზე ძვირფასია.
- მოდის ტენდენციებს რამდენად ითვალისწინებთ?
- გააჩნია ტენდენციას, თუმცა პირველ რიგში ვითვალისწინებ თუ რა მიხდება, მაბედნიერებს და რაში ვგრძნობ თავს კომფორტულად და თავდაჯერებულად.
-79187.jpg)
- ძალიან ხშირად მოგზაურობთ, ამ დროს ბევრი ჩემოდანი მიგაქვთ თუ ადგილზე ყიდულობთ ახალ ტანსაცმელს.
- ოჰ, ამ კითხვაზე ჩემი მეუღლე იხალისებდა! ჩემოდნების რაოდენობას ყოველთვის ვაჭარბებ. აუცილებლად წინასწარ მაქვს დაგეგმილი და შესწავლილი ადგილი სადაც მივდივართ, მაშასადამე გათვალისწინებული თუ რა მჭირდება იქ იმ დროის განმავლობაში, თუმცა მოგზაურობის დროსაც ვერ ვამბობ უარს საყიდლებზე.
- მეუღლის, შვილების ჩაცმის სტილი თქვენი დამსახურებაა?
- თავმდაბლობის გარეშე ვიტყვი რომ დიახ, აბსოლუტურად მენდობიან! თუმცა ყოველთვის ვცდილობ გავითვალისწინო მათი შეხედულებები, მომწონს როდესაც ოჯახის წევრები თანხვედრაში არიან.
-79200.jpg)
- გლობალურ ეტიკეტს ასწავლით და მუშაობთ ეტიკეტის სკოლის ჩამოყალიბებაზე. რამდენად შედის ამაში ჩაცმის სტილი, ყოველდღიური ტანსაცმელი?
- მოგეხსენებათ, რომ ეტიკეტის დანიშნულება კარგი მანერების და ზრდილობის დემონსტრირება და სხვისი სივრცის პატივისცემაა, მაშასადამე რა თქმა უნდა, ამაში ტანისამოსს დიდი როლი აქვს, განსაკუთრებით თუ საქმე ეხება, საქმიან ყოველდღიურობას.
წაიკითხეთ ასევე:
ასეთი ამბები მოგვაწოდეთ, უფრო საინტერესოა, ვიდრე ღარიბი საქართველოს სასაცილო მილიონრებზე!!!
ვისაც საშვალება აქვს ყველაც იცმევს კარგად... თქვენც რომ გქონდეთ თქვენც ჩაიცმევდით. ნუ დაჭამთ ერთმანეთს სირცხვილია, და კიდევ ისაა სირცხვილი და გაუნათლებლობა ყველა სიტყვაზე რომ ეკიდებით და ჭკუას ასწავლით ერთმანეთს