Mastercard საქართველოს ეროვნული ბიბლიოთეკისა და Lib.ge-ს მხარდამჭერი გახდა
გლობალურ ტექნოლოგიურ კომპანია Mastercard-სა და საქართველოს პარლამენტის ეროვნულ ბიბლიოთეკას შორის თანამშრომლობის მემორანდუმი გაფორმდა, რომლის მიზანიც საქართველოში ფინანსური განათლების განვითარების ხელშეწყობაა. პარტნიორობა მიზნად ისახავს ეროვნულ ბიბლიოთეკაში ფინანსური ლიტერატურის კუთხის მოწყობას, საჯარო ლექციებისა და სხვადასხვა საინტერესო აქტივობის ორგანიზებას.
Mastercard პირველი ქართული ინტერნეტ ბიბლიოთეკის, Lib.ge-ს პარტიორი და მხარდამჭერიც გახდა, რომელიც, თავის მხრივ, ათი ათასზე მეტ ორიგინალურ და ნათარგმნ ტექსტს აერთიანებს და სულ მალე ონლაინ სკოლისა და სალექციო კურსების განახლებული პროექტით წარუდგება საზოგადოებას.
დავით ზღუდაძე, Mastercard-ის რეგიონული დირექტორი საქართველოსა და სომხეთში: “ჩვენთვის საგანმანათლებლო მიმართულება უმნიშვნელოვანესია, მაქსიმალურად ვცდილობთ, არსებული თუ დაგეგმილი პროექტების დიდი ნაწილი მივმართოთ ქვეყანაში ფინანსური განათლებისა და ზოგადად წიგნიერების დონის ამაღლებისადმი. გვიხარია, რომ ისეთ მნიშვნელოვან პარტნიორებთან ერთად, როგორიც პარლამენტის ეროვნული ბიბლიოთეკა გახლავთ, უამრავ საინტერესო იდეას განვახორციელებთ.”
გიორგი კეკელიძე, საქართველოს ეროვნული ბიბლიოთეკის დირექტორი: „საკმაოდ ბევრი და ამბიციური გეგმა გვაქვს, რომლის განხორციელებაც ჩვენი პარტნიორების გარეშე შეუძლებელი იქნება, ამიტომ, განსაკუთრებით მნიშვნელოვანია, Mastercard-ის, როგორც გლობალური ბრენდის ჩართულობა ეროვნული ბიბლიოთეკისა და ლიბ.ჯის მიერ დაგეგმილ პროექტებში. Დარწმუნებული ვარ, ჩვენი ერთობლივი მონდომებით, უამრავ ადამიანს მივცემთ საშუალებას, გაუმარტივდეს წვდომა ლიტერატურაზე და გაუღრმავდეს ინტერესი ფინანსური განათლების მიმართ.”
Mastercard-ის ფინანსური ბიბლიოთეკა ეროვნული ბიბლიოთეკის სივრცეში უახლოეს მომავალში მოეწყობა.
Mastercard-ის შესახებ:
Mastercard არის ტექნოლოგიური კომპანია გადახდების გლობალურ ინდუსტრიაში. ჩვენ ვმართავთ მსოფლიოში გადახდის ყველაზე სწრაფ საპროცესო ქსელს, რომელიც ბიზნესებს 210 –ზე მეტ ქვეყანაში, ერთმანეთთან აკავშირებს მომხმარებლებს, ფინანსურ ინსტიტუტებს, სავაჭრო ქსელებსა და მთავრობებს. Mastercard-ის პროდუქტები და სისტემები უფრო აადვილებს, უსაფრთხოსა და ეფექტურს ხდის ისეთ ყოველდღიურ სავაჭრო საქმიანობებს, როგორებიცაა შოპინგი, მოგზაურობა, ბიზნესისა და ფინანსების მართვა.
დამატებითი ინფორმაციისთვის ეწვიეთ: www.mastercard.com
R