მნიშვნელოვანი ინფორმაცია
19
მარტიდღის ზოგადი ასტროლოგიური პროგნოზი
ოთხშაბათი, მთვარის მეოცე დღე დაიწყება 01:03-ზე, მთვარე მორიელშია
დღეს დაწყებული ნებისმიერი საქმე წარმატებას მოგიტანთ. კარგი დღეა მიზანდასახული და მიზანსწრაფული ადამიანებისთვის, ორატორთა და ლიდერთათვის. გარშემო მყოფებთან საქმეების გარჩევას არ გირჩევთ. კარგი დღეა სამსახურის, საქმიანობის შესაცვლელად. უმჯობესია, შინ დარჩეთ, სულიერ განათლებს მიხედოთ, წმინდა ტექსტები იკითხოთ. მოერიდეთ ფიზიკურ გადაღლას. ქორწინება და ნიშნობა სხვა დღისთვის გადადეთ. მოერიდეთ ალკოჰოლისა და სიგარეტის მიღებას. არ გადატვირთოთ კუჭი. ნუ მიირთმევთ ხორციან კერძებს. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მიხეილ სააკაშვილის სიცოცხლეს ამჟამად საფრთხე არ ემუქრება, მაგრამ გართულებები მოსალოდნელია, თუ ... " - რას აცხადებს ზურაბ ჩხაიძე
12:18 / 04-05-2023
კლინიკა „ვივამედის“ კლინიკური დირექტორის, ზურაბ ჩხაიძის განცხადებით, საქართველოს მესამე პრეზიდენტს, მიხეილ სააკაშვილს ზოგადი სისუსტე, თავბრუსხვევა, პერიოდულად წონასწორობის დაკარგვა აღენიშნება და არ არის გასაკვირი, რომ ეს სამომავლოდაც გაგრძელდეს.
როგორც მან კლინიკა „ვივამედთან“ ჟურნალისტებს განუცხადა, პაციენტი შეთავაზებულ სამკურნალო დანიშნულებებზე უარს აცხადებს და საკმარისი რაოდენობის კალორაჟს არ იღებს.
"რაც შეეხება პაციენტს, რა თქმა უნდა, ზოგადი სისუსტე აქვს, თავბრუსხვევის შეგრძნება, პერიოდულად წონასწორობის დაკარგვა და ეს არ არის გასაკვირი, ამას ჩვენ ყოველთვის ვაცხადებდით და თუ ასე გაგრძელდება, კიდევ მოსალოდნელია, რომ განმეორდეს, რადგან არ ხდება საკვების სრულფასოვნად მიღება. ჩვენ ვერ ვახერხებთ ჩავუტაროთ სრულფასოვანი მკურნალობა იმიტომ, რომ პაციენტი შეთავაზებულ სამკურნალო დანიშნულებებზე უარს აცხადებს. ამაზე არაერთხელ განაცხადა ექიმმა, მორიგე ექიმმა და ყველამ, რომ უარს ამბობს სამკურნალო დანიშნულების შესრულებაზე. ასევე, კვების რაციონი - არაერთხელ გვქონდა საუბარი მასთან, ოჯახის წევრებთანაც, რომ მოტანილი საკვების რაციონი გაფართოებულიყო, მომატებულიყო კალორაჟი, მაგრამ არაფერი იცვლება, კალორაჟის შემცველობის მინიმალური რაოდენობაა დაახლოებით, 400 კილო კალორია, რომელიც ძალიან მცირე და არასაკმარისია. აქედან გამომდინარე, რა თქმა უნდა, მას აქვს ზოგადი სისუსტე, რა თქმა უნდა, ექნება წონასწორობის დაკარგვის მომენტებიც და ეს მოსალოდნელიც იყო“, - განაცხადა ზურაბ ჩხაიძემ.
მისი განმარტებით, პაციენტი იღებს მხოლოდ სიმპტომურ მკურნალობას და ამ ეტაპზე მისი ჯანმრთელობის მდგომარეობა მძიმე არ არის.
„პარამეტრებიდან გამომდინარე, მისი მდგომარეობა მძიმედ არ ითვლება. კვლევები დამოკიდებულია კლინიკურ მიმდინარეობაზე. თუ რაიმე კვლევა იქნება საჭირო და აუცილებელი, იმავე დღესვე კეთდება მისი მდგომარეობიდან გამომდინარე. გარდა ამისა, გეტყვით, რომ გუშინ მოწვეული გვყავდა რეაბილიტოლოგი და დავიწყეთ აუცილებელი პროცედურები, რაზეც პაციენტი დაგვთანხმდა და დაიწყო პროცედურები, რაც აუცილებელია მისი ჯანმრთელობის გაუმჯობესებისთვის. იმედს ვიტოვებ, არ შეწყდება ეს პროცედურები და პაციენტი დანიშნულების სიას ბოლომდე მიიყვანს“, - განაცხადა ზურაბ ჩხაიძემ.
"ვივამედის" დირექტორის განმარტებით, მიხეილ სააკაშვილს ახალი მკურნალი ექიმი ჰყავს - მაია ვაწაძე.
„მესამე დღეა დაენიშნა ახალი ექიმი, რომელიც აგრძელებს მკურნალობის პროცესს. მკურნალი ექიმი არის მაია ვაწაძე. ამ მონაცემებით, მიხეილ სააკაშვილის სიცოცხლეს საფრთხე არ ემუქრება, მაგრამ სხვადასხვა სახის გართულებები მოსალოდნელია, თუ ისევ გაგრძელდება უარის თქმა სამკურნალო დანიშნულებზე, კალორაჟი შემცირდება, შერჩევით მოხდება საკვების მიღება“, - განაცხადა ზურაბ ჩხაიძემ.
როგორც მან აღნიშნა, მორიგე ექიმმა მიხეილ სააკაშვილის გონების კარგვასთან დაკავშირებით გააკეთა ობიექტური შეფასება, რის შედეგად ექსპრეზიდენტმა მასთან მკურნალობაზე უარი განაცხადა.
„მორიგე ექიმმა გონების კარგვასთან დაკავშირებით გააკეთა ობიექტური შეფასება. ამ ობიექტური შეფასების შემდეგ, მორიგ ექიმი მიუღებელი აღმოჩნდა პაციენტისთვის, მაგრამ ჩვენ ვითვალისწინებთ პაციენტის ინტერესებს მაქსიმალურად. ჩვენ ვართ ექიმები და ჩვენთვის მთავარი არის გავითვალისწინოთ პაციენტის ინტერესი. შევარჩიეთ სხვა ექიმები, რომლებიც მასთან მუშაობას აგრძელებენ. იმედია, პაციენტი ამ ყველაფერს მეტად გაითავისებს, დანიშნულებას შეასრულებს და მისი ჯანმრთელობის მდგომარეობა გაუმჯობესდება“, - განაცხადა ჩხაიძემ.
მკითხველის კომენტარები /
4 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
საქართველოს საკითხი კვლავ საერთაშორისო ყურადღების ცენტრშია - რას აცხადებენ დეპუტატები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ზურა იქ დახვდება მიშას! ღმერთს ასე უნდა!
შეიბრალეთ ექიმები, მალე გაიქცევიან კლინიკიდან. შეუშვით ვინმე ლამაზი მოდელი გოგონა, იქნებ აჭამოს რამე. ანდა თითო ცოლმა თითო დღეს იმორიგეოს, დაიღალა დედა, მასაც პირადი ცხოვრება აქვს