მნიშვნელოვანი ინფორმაცია
9
მაისიდღის ზოგადი ასტროლოგიური პროგნოზი
პარასკევი, მთვარის მეცამეტე დღე დაიწყება 17:58-ზე, მთვარე სასწორშია
ნუ წამოიწყებთ ახალ საქმეებს. უმჯობესია, დრო დაშვებული შეცდომების გამოსასწორებლად გამოიყენოთ. მოაგვარეთ ფინანსური საკითხები. უძრავ ქონებასთან დაკავშირებული პრობლემები განხილვა სხვა დღისთვის გადაიტანეთ. კარგი დღეა სწავლისთვის, ცოდნის მისაღებად. კარგია საქმეების შესრულება თანამოაზრებთან ერთად, კოლექტივში. მოერიდეთ საოჯახო საქმეების საჯაროდ განხილვას, ურთიერთობის გარჩევას; მგზავრობას, მოგზაურობის დაწყებას; საქმის, საქმიანობის შეცვლას. გაუფრთხილდით თირკმლებს. მოერიდეთ სითხისა და ალკოჰოლის მიღებას. აგრეთვე სუსტდება ენდოკრინული სისტემა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"20 წუთი ვცემდით ერთმანეთს. დასისხლიანებულები ვართ, არ ვჩერდებით..." - აქამდე უცნობი ამბავი მუდამ ახალგაზრდად დარჩენილ ირაკლი ამირეჯიბზე
11:11 / 30-04-2023
ცნობილი ქართველი მწერლის, ჭაბუა ამირეჯიბის ვაჟის, ირაკლი ამირეჯიბის შესახებ მისი მეგობრები ხშირად იხსენებენ სხვადასხვა ისტორიას. ირაკლი აფხაზეთის ომში დაიღუპა. ამჯერად მისშესახებ საინტერესო ამბავს თემურ გვალია იხსენებს და სოციალურ ქსელში პოსტს აქვეყნებს.
"1982 წელი იყო. მე და ჩემი მეგობრები ვიყავით დასასვენებლად სოხუმში.ვცხოვრობდით სასტუმრო "თბილისში".ახალგაზრდები ვიყავით, ასე 20-21 წლისები და რა თქმა უნდა "ვმარიაჟობდით" გოგოებთან.
- ერთ საღამოსაც მე და ჩემი ორი მეგობარი ბულვარით გავუყევით გზას სასტუმრო "აფხაზეთისაკენ". ნასვამები ვიყავით. იქ ცხოვრობდნენ ჩვენი მეგობარი გოგონები. მივედით და აივნიდან ისმის ხმა: ჩამოვდიიივართ! მართლაც ცოტა ხანში ჩამოდიან და ღიმილით მოემართებიან ჩვენკენ. ჩვენ სასტუმროდან ასე 50 მეტრში ვდგავართ და ვეწევით.
უცებ ჩემი რჩეული ვიღაცა ბიჭმა გააჩერა და რაღაცას ელაპარაკება. გოგოს სახეს შევხედე და მივხვდი, უცნობს ესაუბრებოდა. მივედი, გოგონა გადავკოცნე და ახალგაზრდას, რომელიც ასევე ნასვამი აღმოჩნდა მივესალმე. არ მინდა დეტალების მოყოლა. მოკლედ ჩემსა და ამ ახალგაზრდას შორის მოხდა შელაპარაკება. ვინაიდან ხალხმრავალ ადგილზე ვიმყოფებოდით, უცნობს ვეუბნები: სასტუმროს უკან, ვარდების ბაღთან გამოდი და იქ ვილაპარაკოთ-მეთქი. მიდი და მოვალო.
თითქმის ერთ დროს მივედით ორივე. ჯერ ხმამაღლა ვიკამათეთ და შემდეგ ატყდა მამა-პაპური, კაცური ჩხუბი. ალბათ, სადღაც 20 წუთის განმავლობაში ვურტყით ერთმანეთს. დასისხლიანებულები ვართ და მაინც არ ვჩერდებით. ვიბრძვით ბოლომდე. იქვე "პუსტა-პუსტა" მილიციონერები არიან და ვერ გვაშველებენ, ერთ-ერთს ცოტათი მოხვდა კიდეც. ჩხუბით შევედით უნებლიეთ ვარდების ბაღში. იქაურობა ფეხებით "მოვთიბეთ", უცებ საიდანღაც მოვარდა მილიციელების ჯგუფი.გაგვკოჭეს, შეგვაგდეს "კანარეიკაში" და მიგვაბრძანეს განყოფილებაში.
სხვადასხვა ოთახებში შეგვყარეს და გვითხრეს დილამდე ჭკვიანად მოვქცეულიყავით, თორემ დაგვხოცავდნენ ცემით. მოკლედ დილას, ასე 10:00 საათზე კარები იღება და მორიგე მილიციელი მეუბნება: გამოდი, უფროსთან უნდა შეგიყვანოო. შევედით მილიციის უფროსის კაბინეტში. იმან დამიწყო ჯერ ყვირილი, შემდეგ შერცხვენა, ვარდების ბაღი როგორ გადათელეო, ბოლოს ჭკუა დამარიგა და მითხრა, ახლა წადი, მაგრამ აქ მეორედ რომ მოხვდე, იცოდე, ცას დიდი ხანი ვეღარ იხილავო. წადი,თავისუფალი ხარ!
ვეკითხები, მე ვისაც ვეჩხუბე იმას რა მოელის-მეთქი? მპასუხობს:მაგას მე ვიცი როგორ მივხედავო! ვეუბნები: მე არსად არ წავალ, სანამ იმ კაცსაც არ გაანთავისუფლებთ-მეთქი! და მორიგეს ვეუბნები: დამაბრუნე იმ ოთახში, სადაც ვიჯექი! მილიციის უფროსს გაეცინა და მითხრა: ის კაცი გარეთ დგას და გელოდება. მწერალ ჭაბუა ამირეჯიბის შვილი ყოფილა. ნახევარი საათის წინ რომ გამოვიყვანეთ ოთახიდან და ვუთხარი წადი, თავისუფალი ხარო, მანაც იგივე მითხრა, არსად არ წავალ, სანამ იმ კაცს არ გაანთავისუფლებთ ვისთანაც ჩხუბი მომივიდაო. ჰოდა მაგიტომ გიშვებ, თორემ გაყურყუტებდი აქ რამდენიმე დღეო. ირაკლის უნდა უმადლოდეო.
გავედი გარეთ. მილიციის ეზოში სკამზე ზის "ჩემი მოწინააღმდეგე". მივედი, წამოდგა.ერთმანეთის დალეწილ სახეებს რომ შევხედეთ უცებ ორივეს სიცილი აგვიტყდა. ხელი ჩამოვართვით ერთმანეთს, გადავეხვიეთ და გავედით მილიციის ეზოდან. იმ დღიდან ვმეგობრობდით. წლების განმავლობაში.ხშირად ვქეიფობდით ერთად.
ამ ამბავს ვიხსენებდით.ერთმანეთს ვეკამათებოდით ვინ უფრო იცემა მაშინ და ვიცინოდით. ზუსტად ათი წლის შემდეგ ირაკლი ამირეჯიბი გმირულად დაიღუპა აფხაზეთის ომში, ტამიშთან ახლოს. ნათელში იყოს კარგი კაცის, ირაკლი ამირეჯიბის სული და ყველა მათი, ვინც სამშობლოს სიყვარულს შეეწირა", - წერს თემურ გვალია.
მკითხველის კომენტარები /
9 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა მოხდება იმ შემთხვევაში თუ პირი ჯარიმას არ გადაიხდის და რა ვადებს უკავშირდება მისი აღსრულება?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
საამაყო ისაა,რომ კაცები ხელისა და ვაჟკაცობის გარდა არაფერს იყენებდნენ,ხილო ისინი ვინც იარაღზე იყურება ვირთხაა და არა ვაჟკაცი,ამას მხოლოდ კაცები გებულობენ
საამაყო ის არის რო
მ დანა და იარაღი არ იხმარეს და არ დახოცეს ერთმანეთი,ნაჩხუბარი მალე რჩება.