26
მარტიდღის ზოგადი ასტროლოგიური პროგნოზი
23 აპრილს, მოსკოვის აღმოსავლეთით, ნოგინსკთან ასაფეთქებელი მოწყობილობით აღჭურვილი უპილოტო საფრენი აპარატის ჩამოგდებიდან მალევე, რუსეთის დედაქალაქის სიახლოვეს კიდევ სამი კვადროკოპტერი ნახეს, რის თაობაზეც სამართალდამცავმა უწყებებმა საინფორმაციო სააგენტო TASS-ს განუცხადეს.
პირველი დრონი 23 აპრილს, ადგილობრივმა მცხოვრებმა აღმოაჩინა. სოციალურ ქსელებში დრონის ფოტოც გამოჩნდა, ასევე გავრცელდა ინფორმაცია, რომ ის ნოგინსკის მახლობლად, ტყეში ჩავარდა. "ტელეგრამარხ" "ბაზას" ცნობით, ეს იყო უკრაინული დრონი UJ-22 Airborn, რომელიც დატვირთული იყო 17 კგ ასაფეთქებელი ნივთიერებით.
მალე სააგენტომ კიდევ ერთი უპილოტო საფრენი აპარატის - კვადროკოპტერის აღმოჩენის შესახებ განაცხადა.
კიდევ ერთი დრონი პავლოვსკის რაიონში, ასევე მოსკოვის აღმოსავლეთით ნახეს. "ამჟამად ყველა კვადროკოპტერი გაიგზავნა ექსპერტიზაზე, რათა დადგინდეს, ვის ეკუთვნოდა და რა მიზნით გაუშვეს“, - განუცხადა TASS-ს სამართალდამცავმა წარმომადგენელმა.
BBC რუსეთის ხელისუფლებისთვის ამ უსიამოვნო ფაქტებისა და ვერსიების შესახებ წერს.
მათი ინფორმაციით, რუსეთის ტერიტორიაზე ჩამოვარდნილი კიდევ ერთი დრონი, სავარაუდოდ, დაკავშირებულია რუსეთის სამართალდამცავ უწყებებთან, თუმცა ხელისუფლება ამ ინფორმაციაზე არანაირად კომენტარს არ აკეთებს.
ერთ-ერთი ვერსიით, UJ-22 Airborn დრონს, რომელიც 17 კგ ასაფეთქებელი ნივთიერებით იყო დატვირთული, საწვავი ამოეწურა და ამიტომ ჩამოვარდა. სხვა დრონების ჩამოვარდნის მიზეზებზე ჯერ არაფერი იწერება.
საინტერესოა, ისიც, რომ ჩამოვარდნილ დრონებს ძირითადად შემთხვევითი ადამიანები პოულობენ - დამსვენებლები ან ადგილობრივი მაცხოვრებლები. "ლოგიკურია ვივარაუდოთ, რომ თუ დრონი საჰაერო თავდაცვის ძალებმა ჩამოაგდეს, ის სწრაფად აღმოჩნდებოდა სამხედროების ხელში და არა რიგითი მოქალაქეების", - წერს BBC.
უკრაინული მხარე, როგორც ყოველთვის, რუსეთის ტერიტორიაზე მომხდარ ინციდენტებზე პასუხისმგებლობას არ იღებს.
იმ შემთხვევაში, თუ მოსკოვის რეგიონში აღმოჩენილი უპილოტო საფრენი აპარატები მართლაც უკრაინულია და ეს დადასტურდება, რუსეთის ხელისუფლებას მოუწევს უსიამოვნო ფაქტების აღიარება. პირველ რიგში იმის, რომ უკრაინის ტერიტორიიდან გაშვებულ საბრძოლო დრონს თურმე შეუძლია თავდაცვის ყველა სისტემის გადალახვა და მოსკოვამდე მიღწევა.
თუ გაირკვევა, რომ დრონები გაშვებულია არა უკრაინიდან, არამედ სადღაც ახლო ტერიტორიიდან (იმ შემთხვევაში, თუ ისინი მოკლე რადიუსზე ფრენის აპარატებია), მაშინ გამოდის, რომ კრემლიდან ხელის გაწვდენაზე შეიძლება მოქმედებდეს უკრაინული იატაკქვეშა დივერსიულ - სადაზვერვო ჯგუფი და არავინ იცის, რა შეიძლება მოხდეს 9 მაისს წითელ მოედანზე, სადაც პუტინი მორიგი პომპეზური აღლუმის გასამართად ემზადება...
Დაანებეთ ამ სისულელეების წერას თავი. Ვითომ რაღაც პოსტი დადო, იმან დაწერა ამან გამოაქვეყნა, ისინი ამბობენ და ა. Შ. Მორჩა ჟურნალისტი-ბლოგერობა საფულეში გაქვს. Რუსეთის ადვოკატი არ არვარ. Მაგრამ სიმართლეს ვერ გაექცევი, რომელი ომი აქვს რუსეთს წაგებული დაასახელეთ და რომელი აქვს მოგებული ააშ-ს და ევროპის ქვეყნებს თუნდაც რუსეთთან იმპერიების არსებობის დროს. Ასერომ საკუთარი აზრი იქონიეთ და არა პირიქით. Არ დაბლოკოთ გთხოვთ.
რა ვიცი BBS რუსების არისო კეზერაზე მაგათ შეუკვეთესო და დრონებზე ვინ შეუკვეთე კეზერამ ?