მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"პალიტრა მედია ჰოლდინგმა" ჯილდო გადმომცა, რომელსაც საკუთარ დაბადების დღეზე გასცემს ხოლმე" - რას წერს გიორგი კეკელიძე
15:54 / 20-04-2023
ეროვნული ბიბლიოთეკის ხელმძღვანელს, გიორგი კეკელიძეს "პალიტრა მედია ჰოლდინგმა" წლის ჯილდო "პალიტრას მეგობარი" გადასცა.
დაჯილოდება 18 აპრილს, ჰოლდინგის დაბადების დღეს გაიმართა. გიორგი კეკელიძე "პალიტრა მედიას" მადლობას უხდის და სოციალურ ქსელში წერს:
"დღეს "პალიტრა მედია ჰოლდინგმა" წლის ჯილდო გადმომცა, რომელსაც საკუთარ დაბადების დღეზე გასცემს ხოლმე ანუ 18 აპრილს. წლეულს ეს პატივი მხოლოდ მე მერგო, რისთვისაც, ბუნებრივია, ძალიან დიდი მადლობა. გუშინწინ ღონისძიებაზე ვერ მივედი და ახლა წამოვიღე. უნივერსიტეტში, პირველ კურსზე რომ ვსწავლობდი, ტრადიციულ სამშაბათობებზე ლექსებს ვკითხულობდი. იქ შემამჩნია ამ მედიის დამფუძნებელმა და მთავარმა რედაქტორმა, ლალი გუნთაიშვილმა, რომელიც დღეს, სამწუხაროდ, ცოცხალი აღარ არის. შემამჩნია და შემომთავაზა, "კვირის პალიტრაში", ლიტერატურულ რუბრიკაში დავბეჭდოთო. მცირე წინასიტყვისმაგვარი გოდერძი ჩოხელმა დაწერა და ფოტოსთვის დამიბარეს - სპორტის სასახლის უკან, სადაც იყო მაშინდელი რედაქცია. ამ სურათზე უკვე ორი წელი მქონდა ნაფიქრი ანუ იმაზე, თუ როგორი უნდა თბილისში ჩემი პირველი საჯარო ფოტო. ცხადია პალტო უნდა მცმოდა და კიდევ უფრო ცხადი - საყელო აწეული. უნდა ვმდგარიყავი ოდნავ შებრუნებით, შესამჩნევად ობიექტივს მიღმა გაქცეული. მოკლედ, რაღაც შუალედური ვარიანტი სერგეი ესენინის და ერიკ კანტონას მანერულ სასურათე დგომებს შორის. ეგრეც ჩავატარე. დაიბეჭდა. მას მერე ვთანამშრომლობთ. ლალი გუნთაიშვილს კი დიდი ღვაწლი აქვს ჩემდამი, სტუდენტობის პირველ წლებში, დიდწილად სწორედ მისი მედია მბეჭდავდა. თვეში ერთხელ მიბარებდა ხოლმე და იმედს მაძლევდა, რომ ყოფით სირთულეებს, დიდი შრომით და სწავლით, აუცილებლად გუშინდელ დღედ ვაქცევდი", - წერს გიორგი კეკელიძე.
მკითხველის კომენტარები /
13 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ბავშვებში განავითარეთ ობიექტური და თვითკრიტიკის განცდა,ბრძოლის უნარი და საკუთარი თავის რწმენა, თორემ ამისნაირ უმისამართო და გაურკვეველ ნარცისს მიიღებთ, და პატარა წინააღმდეგობაზე რომ მოთქვამს და ტირის და რადგან დასვეს , სადაც დასვეს, თავი მართლა რჩეული გონია
მადლობა ბატონო გიორგი ღმერთმა დალოცოტ თქვენ და