"ოც­ნე­ბა" სა­სა­მარ­თლო კლა­ნის ინ­ტე­რე­სე­ბის დაც­ვას გა­ნაგ­რძობს. სა­სა­მარ­თლო სის­ტე­მა­ში კო­რუფ­ცი­უ­ლი და სხვა სა­ხის სა­მარ­თალ­დარ­ღვე­ვე­ბის შეს­წავ­ლის მიზ­ნით სა­გა­მო­ძი­ე­ბო კო­მი­სი­ის შექ­მნის სა­კი­თხზე კენ­ჭისყრა კვრო­უ­მის არარ­სე­ბო­ბის გამო ორი დღის გან­მავ­ლო­ბა­ში ვერ შედ­გა.

კენ­ჭისყ­რის და­წყე­ბამ­დე "ქარ­თუ­ლი ოც­ნე­ბის“ თავ­მჯდო­მა­რე ირაკ­ლი კო­ბა­ხი­ძემ მო­სა­მარ­თლე­ებს სო­ლი­და­რო­ბა კი­დევ ერთხელ გა­მო­უ­ცხა­და, რის შემ­დე­გაც რე­გის­ტრა­ცია მხო­ლოდ 52-მა ოპო­ზი­ცი­ო­ნერ­მა დე­პუ­ტატ­მა გა­ი­ა­რა, კვო­რუ­მის­თვის კი პარ­ლა­მენ­ტის 76 წევ­რის დას­წრე­ბა იყო სა­ჭი­რო. სა­უ­ბა­რია პარ­ლა­მენ­ტში ჯერ კი­დევ ივ­ნი­სის თვე­ში ინი­ცი­რე­ბუ­ლი დად­გე­ნი­ლე­ბის პრო­ექ­ტის დამ­ტკი­ცე­ბა­ზე, რო­მე­ლიც სწო­რედ სა­სა­მარ­თლოს­თან და­კავ­ში­რე­ბით სპე­ცი­ა­ლუ­რი სა­გა­მო­ძი­ე­ბო კო­მი­სი­ის შექ­მნას ით­ვა­ლის­წი­ნებს. აღ­ნიშ­ნუ­ლი პრო­ექ­ტი პარ­ლა­მენ­ტში "რე­ფორ­მე­ბის ჯგუფ­მა“ და­ა­ი­ნი­ცი­რა.

სა­გა­მო­ძი­ე­ბო კო­მი­სი­ის შექ­მნის სა­კი­თხი პარ­ლა­მენ­ტში, აშშ-ის მიერ 4 ქარ­თვე­ლი მო­სა­მარ­თლის სან­ქცი­რე­ბის შემ­დეგ გა­აქ­ტი­ურ­და.

ქვო­რუ­მი რომ ვერ შედ­გა, ამას ირაკ­ლი კო­ბა­ხი­ძემ მო­სა­მარ­თლე­თა სო­ლი­და­რო­ბის აქტი უწო­და. „ჩვენ მზად ვართ, ნე­ბის­მი­ერ თე­მას­თან და­კავ­ში­რე­ბით გან­ვი­ხი­ლოთ სა­გა­მო­ძი­ე­ბო კო­მი­სი­ის შექ­მნა, მაგ­რამ ვე­რა­ვი­თარ შემ­თხვე­ვა­ში ვერ გან­ვი­ხი­ლავთ კო­ლექ­ტი­უ­რი „ნაც­მოძ­რა­ო­ბის“ მიერ კო­მი­სი­ის შექ­მნას სა­სა­მარ­თლოს­თან და­კავ­ში­რე­ბით. ვირს კრი­ა­ლო­სან­ზე კო­მი­სი­ას არ შე­ვაქ­მნე­ვი­ნებთ, ეს არის ჩვე­ნი პრინ­ცი­პუ­ლი პო­ლი­ტი­კუ­რი პო­ზი­ცია... მი­ვი­ღეთ გა­და­წყვე­ტი­ლე­ბა, არ გა­ვი­ა­როთ რე­გის­ტრა­ცია კენ­ჭისყრამ­დე - ეს არის სო­ლი­და­რო­ბის აქტი ქარ­თვე­ლი მო­სა­მარ­თლე­ე­ბის მი­მართ. ყვე­ლა­ფერს გა­ვა­კე­თებთ იმი­სათ­ვის, რომ ეს კო­მი­სია არ შე­იქ­მნას, სო­ლი­და­რო­ბას ვუ­ცხა­დებთ სა­სა­მარ­თლოს და­მო­უ­კი­დებ­ლო­ბას, ეს არის ჩვენ­თვის პრინ­ცი­პის სა­კი­თხი.“ - გა­ნა­ცხა­და კო­ბა­ხი­ძემ.

ასევე დაგაინტერესებთ

09:03 / 20-04-2023

"ვიღაცის ინტერესია, კეზერაშვილმა თავისი სისხლიანი ფულით დააფინანსოს რევოლუციური პროცესები" - კობახიძე

თუ სა­სა­მარ­თლო მარ­თლაც თა­ვი­სუ­ფა­ლია და იქ ყვე­ლა­ფე­რი წეს­რიგ­შია, მა­შინ ჩნდე­ბა კი­თხვა, რა პრობ­ლე­მაა ასე­თი კო­მი­სი­ის შექ­მნა და თუ სა­სა­მარ­თლო და­მო­უ­კი­დე­ბე­ლია, რა­ტომ ექო­მა­გე­ბა მას ასე მმარ­თვე­ლი პარ­ტია.

პო­ლი­ტო­ლო­გი გია ხუ­ხაშ­ვი­ლი:

"გა­სა­გე­ბია, რა­ტომ ეში­ნია ასე "ოც­ნე­ბას" ამ კო­მი­სი­ის შექ­მნა. მათ არ უნ­დათ რე­ა­ლუ­რი ვი­თა­რე­ბა გა­მოჩ­ნდეს სა­სა­მარ­თლო­ში, ვალ­დე­ბუ­ლე­ბე­ბი აქვთ ამ ხალ­ხთან, რომ რა­ღაც­ნა­ი­რად ჩა­შა­ლონ ეს პრო­ცე­სი. ზო­გა­დად, სა­ერ­თო და­ნა­შა­უ­ლი კრავს და აერ­თი­ა­ნებს ადა­მი­ა­ნებს. ისი­ნი ამით სა­კუ­თარ თავ­საც იცა­ვენ, სა­სა­მარ­თლო ცალ­კე რომ იყოს და მარ­თლა და­მო­უ­კი­დე­ბე­ლი, რა გვი­შავ­და? პრობ­ლე­მა სწო­რედ იმა­შია, რომ პო­ლი­ტი­კუ­რად ან­გა­ჟი­რე­ბუ­ლე­ბი არი­ან და ერ­თად მუ­შა­ო­ბენ (მო­სა­მარ­თლე­ებ­თან), ისი­ნი პარტნი­ო­რებს იცა­ვენ. ან რა შუ­ა­შია აქ „ნაც­მოძ­რა­ო­ბა“, კო­ბა­ხი­ძემ რომ თქვა, კო­მი­სი­ას არ შე­ვაქ­მნე­ვი­ნებ­თო. მაგ­რამ მას სხვა არ­გუ­მენ­ტი არ აქვს და ამი­ტომ ამ­ბობს. ბო­დი­ში და, ეს მო­სა­მარ­თლე­ე­ბი ვინ არი­ან, "ნა­ცი­ო­ნა­ლუ­რი მოძ­რა­ო­ბის“ მო­სა­მარ­თლე­ე­ბი არ არი­ან? არ გა­მოვ­რი­ცხავ, რომ ამ ყვე­ლაფ­რის შემ­დეგ სან­ქცი­ე­ბი "ოც­ნე­ბის“ ლი­დე­რე­ბამ­დეც მი­ვი­დეს. უკაც­რა­ვად და, ოპო­ზი­ცია რას მი­კე­თებს?

ოპო­ზი­ცი­ამ ახლა უნდა იმოქ­მე­დოს, კო­მენ­ტა­ტო­რე­ბად რომ იქ­ცნენ ყვე­ლა­ნი. ხე­ლი­სუფ­ლე­ბა ცუ­დად რომ იქ­ცე­ვა, იმის კო­მენ­ტი­რე­ბა კი არ უნდა მო­ახ­დი­ნოს, მას ახლა აქვს შან­სი გა­ა­ცო­ცხლოს პო­ლი­ტი­კუ­რი სი­ტუ­ა­ცია, და­ი­წყოს გარ­კვე­უ­ლი აქ­ტი­უ­რი ქმე­დე­ბე­ბი და მი­ი­ღოს შე­დე­გი. ოპო­ზი­ცი­ას ეზა­რე­ბა ამის გა­კე­თე­ბა და კო­მენ­ტი­რე­ბით შე­მო­ი­ფარ­გლე­ბა, ამას ჩვენც კარ­გად ვა­ხერ­ხებთ და მა­შინ რად გვინ­და პო­ლი­ტი­კო­სე­ბი? ოპო­ზი­ცია ახლა ხე­ლი­დან უშ­ვებს პო­ლი­ტი­კუ­რი ვი­თა­რე­ბის გა­მო­ცო­ცხლე­ბი­სა და სა­ზო­გა­დო­ე­ბის თვალ­ში რე­ა­ბი­ლი­ტა­ცი­ის უნი­კა­ლურ შანსს, აცხა­დებს რა გა­მარ­ჯვე­ბად ხე­ლი­სუფ­ლე­ბის უტი­ფარ ქმე­დე­ბებს და ამით კმა­ყო­ფილ­დე­ბა. ხალ­ხს ოპო­ზი­ცი­ის­გან სჭირ­დე­ბა არა ხე­ლი­სუფ­ლე­ბის საქ­ცი­ე­ლის კო­მენ­ტი­რე­ბა, არა­მედ შე­დე­გის მიღ­წე­ვა­ზე ორი­ენ­ტი­რე­ბუ­ლი მოქ­მე­დე­ბე­ბი. დროა, დაგ­ვა­ნა­ხონ, მათ რა შე­უძ­ლი­ათ“.

ვახ­ტანგ ძა­ბი­რა­ძე, პო­ლი­ტო­ლო­გი:

"ქვო­რუ­მი ალ­ბათ ვერც შედ­გე­ბა, უმ­რავ­ლე­სო­ბის ლი­დე­რებ­მა გა­ა­კე­თეს კი­დეც გან­ცხა­დე­ბა, რომ ისი­ნი არ და­უშ­ვე­ბენ ამ კო­მი­სი­ის შექ­მნას და გა­სა­გე­ბია რა­ტო­მაც: 1. ავ­ტო­რი­ტა­ტულ რე­ჟიმს, გარ­კვე­ულ­წი­ლად, კომ­პრო­მის­ზე წას­ვლის უნა­რი არ აქვს, კომ­პრო­მი­სი სი­სუს­ტედ ით­ვლე­ბა და თავს ამის უფ­ლე­ბას ვერ აძ­ლე­ვენ. მათ ჯერ ისიც ვერ გა­და­უ­ტა­ნი­ათ, რომ მარ­ტის მოვ­ლე­ნებ­ში იძუ­ლე­ბულ­ნი გახ­დნენ, უკან და­ე­ხი­ათ. დღეს ქუ­ჩა­ში ისე­თი აჟი­ო­ტა­ჟი არ არის, რო­გო­რიც მა­შინ იყო, შე­სა­ბა­მი­სად, ისი­ნი ცდი­ლო­ბენ, არ და­ი­ხი­ონ უკან და ის სიმ­ყა­რე, რა­საც სა­ხე­ლი­სუფ­ლე­ბო ვერ­ტი­კა­ლი ჰქვია, შე­ი­ნარ­ჩუ­ნონ. ძა­ლა­უფ­ლე­ბა დღეს ამ ვერ­ტი­კალ­ზე დგას, მეტი საყ­რდე­ნი „ოც­ნე­ბას“ უბ­რა­ლოდ არ აქვს. ამომ­რჩევ­ლის 2/3 დღეს ოპო­ზი­ცი­უ­რად გან­წყო­ბი­ლია, შე­საძ­ლოა, ეს რი­ცხვი ამ წუ­თას კონ­სო­ლი­დი­რე­ბუ­ლი არაა, მაგ­რამ ამას მნიშ­ვნე­ლო­ბა არ აქვს იმი­ტომ, რომ ხე­ლი­სუფ­ლე­ბას მო­სახ­ლე­ო­ბა­ში საყ­რდე­ნი არ აქვს, ამი­ტო­მაც მისი საყ­რდე­ნია ძა­ლო­ვა­ნი სტრუქ­ტუ­რე­ბი და მათ უფრთხილ­დე­ბი­ან, იცა­ვენ და უნ­დათ ისი­ნი და­არ­წმუ­ნონ, რომ ყო­ველ­თვის მათ გვერ­დით არი­ან და იქ­ნე­ბი­ან. უმ­რავ­ლე­სო­ბა ძა­ლა­უფ­ლე­ბის შე­ნარ­ჩუ­ნე­ბა­ზე ფიქ­რობს.

2. ეს კო­მი­სია თუ შე­იქ­მნა და იქ რა­ღაც მოძ­რა­ო­ბე­ბი და­ი­წყო, კაც­მა არ იცის, რა ამო­ვარ­დე­ბა. არც ისაა გა­მო­რი­ცხუ­ლი, რომ ჩვენ­მა პარტნი­ო­რებ­მა, რო­მელ­თაც, არაა გა­მო­რი­ცხუ­ლი, ჩვენ­ზე და სა­პარ­ლა­მენ­ტო ფრაქ­ცი­ებ­ზე უფრო მეტი ინ­ფორ­მა­ცია აქვთ, შე­საძ­ლოა, ეს ინ­ფორ­მა­ცია მი­ა­წო­დონ კო­მი­სი­ას, ამი­ტო­მაც არ უნ­დათ ამ კო­მი­სი­ის შექ­მნა. ამას თავი რომ და­ვა­ნე­ბოთ, ეს ოპო­ზი­ცი­ის­თვის არის საკ­მა­ოდ მომ­გე­ბი­ა­ნი სვლა, მუდ­მი­ვად პრე­სინ­გის ქვეშ რომ ამ­ყო­ფონ ხე­ლი­სუფ­ლე­ბა და ეს თემა იმის­თვის გა­მო­ი­ყე­ნონ, რომ გარ­კვე­უ­ლი პო­ლი­ტი­კუ­რი დი­ვი­დენ­დე­ბის მო­პო­ვე­ბას მი­აღ­წი­ონ. ჩემი აზ­რით, ეს ფაქ­ტო­რე­ბია, რა­ტო­მაც უშ­ლის ხელს "ოც­ნე­ბა" ამ კო­მი­სი­ის შექ­მნას. კო­ბა­ხი­ძე ტყუ­ის, პი­რი­ქი­თაა - ნაც­მოს ინ­ტე­რე­სებ­ში სუ­ლაც არ შე­დის ამ კო­მი­სი­ის შექ­მნა იმი­ტომ, რომ თუ შე­იქ­მნა და მუ­შა­ო­ბა და­ი­წყო, ის „ნა­ცი­ო­ნა­ლურ მოძ­რა­ო­ბამ­დეც“ ჩავა. დღე­ვან­დე­ლი ენმ-ს ლი­დე­რებს - მე­რა­ბიშ­ვილს და კე­ზე­რაშ­ვილს ნამ­დვი­ლად არ აძ­ლევთ ხელს გირ­გვლი­ა­ნის საქ­მის ისევ ამო­წე­ვა. რო­გორ ფიქ­რობთ, მათ­თვის ეს პო­ლი­ტი­კუ­რად მომ­გე­ბი­ა­ნია? პრობ­ლე­მა ისაა, რომ ენმ უარ­საც ვერ იტყვის, ამი­ტო­მაც იძუ­ლე­ბუ­ლია თან­ხმო­ბა გა­მო­ა­ცხა­დოს, "ქარ­თუ­ლი ოც­ნე­ბა" კი ამ კო­მი­სი­ას არ შექ­მნის.

უმ­რავ­ლე­სო­ბას რომ არ უნდა კო­მი­სი­ის შექ­მნა, ეს სა­მარ­თლებ­რივ სა­ხელ­მწი­ფო­ში იმას ნიშ­ნავს, რომ მან ელექ­ტო­რა­ტი უნდა და­კარ­გოს, ჩვენ­თან ეს არ ხდე­ბა, სამ­წუ­ხა­როდ, ხე­ლი­სუფ­ლე­ბის ქმე­დე­ბე­ბი ელექ­ტო­რატ­ზე პირ­და­პირ მიბ­მუ­ლი არ არის, არ­ჩევ­ნე­ბი ცალ­კეა, პო­ლი­ტი­კუ­რი პრო­ცე­სი - ცალ­კე, ამი­ტო­მაც „ქარ­თულ ოც­ნე­ბას“ ურ­ჩევ­ნია ვი­ღაც ამომ­რჩე­ვე­ლი გა­ნა­წყენ­დეს, ვიდ­რე კო­მი­სია შექ­მნას. 2012-ში ალ­ბათ ვერც წარ­მო­ვიდ­გენ­დით იმას, რომ ხე­ლი­სუფ­ლე­ბა, რო­მე­ლიც ჩინ­ჩა­ლა­ძე-მუ­რუ­სი­ძის ლან­ძღვით მო­ვი­და, სან­დრო გირ­გვლი­ა­ნი­სა და სხვა მოკ­ლუ­ლი ბი­ჭე­ბის სა­ხე­ლით აპე­ლი­რებ­დნენ, დღეს ამ მო­სა­მარ­თლე­ე­ბის ინ­ტე­რე­სებს და­ი­ცავ­დნენ.

ამას­თან, რო­დე­საც „ოც­ნე­ბა“ხე­ლი­სუფ­ლე­ბა­ში მო­ვი­და, მო­სახ­ლე­ო­ბის მას 60-70% უჭერ­და მხარს, ამი­ტომ მის­თვის ასე­თი გა­და­ად­გი­ლე­ბე­ბი პრობ­ლე­მას არ წარ­მო­ად­გენ­და, დღეს სხვა რე­ა­ლო­ბაა, დღეს მას იგი­ვე პრო­ცენ­ტი აღარ უჭერს მხარს, ამი­ტო­მაც უფრთხილ­დე­ბა ძა­ლო­ვან სტრუქ­ტუ­რებს. „ქარ­თუ­ლი ოც­ნე­ბა“ მო­სა­მარ­თლე­ებს თუ არ გა­და­ე­ფა­რე­ბა, ეს სის­ტე­მის ერო­ზი­ას გა­მო­იწ­ვევს, „ოც­ნე­ბა“ კია ავ­ტო­რი­ტა­რუ­ლი მმარ­თვე­ლო­ბა, მაგ­რამ გა­ცი­ლე­ბით ხის­ტი იყო ავ­ტო­რი­ტა­რუ­ლი ნა­ცი­ო­ნა­ლე­ბი - მი­უ­ხე­და­ვად იმი­სა, რომ ისი­ნი გა­ცი­ლე­ბით მე­ტად აკონ­ტრო­ლებ­დნენ ყვე­ლა სტრუქ­ტუ­რას. როცა მო­სახ­ლე­ო­ბის 2/3 მხარს არ გი­ჭერს, ძა­ლა­უფ­ლე­ბის შე­ნარ­ჩუ­ნე­ბა არის ძა­ლი­ან რთუ­ლი. დღეს „ოც­ნე­ბას“ უმარ­თლებს იმა­ში, რომ ეს ამომ­რჩე­ვე­ლი კონ­სო­ლი­დი­რე­ბუ­ლი არაა, ის 70% ორად იყო­ფა და ნა­ხევ­რის­თვის ნაც­მოც და „ოც­ნე­ბაც“ ერ­თნა­ი­რად მი­უ­ღე­ბე­ლია. ამ ფაქ­ტორს „ოც­ნე­ბა“კი­დევ იმის­თვის იყე­ნებს, რომ ძა­ლა­უფ­ლე­ბა შე­ი­ნარ­ჩუ­ნოს და ამი­ტომ ვერ და­უშ­ვებს, რომ სი­სუს­ტედ ჩა­უთ­ვა­ლონ.

არ გა­მოვ­რი­ცხავ, სან­ქცი­ე­ბი "ოც­ნე­ბის“ ლი­დე­რებ­საც შე­ე­ხოთ. ეს პრო­ცე­სი და­ი­წყო, არ დას­რუ­ლე­ბუ­ლა. ხე­ლი­სუფ­ლე­ბას აქვს ცუდი და უა­რე­სი სვლე­ბი, ამი­ტომ მას არ­ჩე­ვა­ნის გა­კე­თე­ბა ამ ნა­წილ­ში უწევს, რა უნდა ქნას - "ოც­ნე­ბას" ერ­ჩია, ეს ხალ­ხი მან­ტი­ის დათ­მო­ბა­ზე და­ე­თან­ხმე­ბი­ნა, ვიდ­რე კო­მი­სი­ის შექ­მნა­ზე. არ ვიცი, კო­მი­სია რო­გორ იმუ­შა­ვებს, მაგ­რამ კაც­მა არ იცის, რა დას­კვნამ­დე მივა და რა ფაქ­ტებს ამოყ­რის. ამი­ტომ როცა "ოც­ნე­ბას" არ აქვს უკე­თე­სი სვლა, აკე­თებს ამას. ის, რომ ჩვე­ნი პარტნი­ო­რე­ბი "ქარ­თუ­ლი ოცენ­ბი­სად­მი" უკ­მა­ყო­ფი­ლე­ბას გა­მო­ხა­ტა­ვენ და ეს კი­დევ გაძ­ლი­ერ­დე­ბა, ვფიქ­რობ, ნა­თე­ლია. არ გა­მოვ­რი­ცხავ, რომ პარტნი­ო­რე­ბის­თვის არც "ნა­ცი­ო­ნა­ლუ­რი მოძ­რა­ო­ბის" დღე­ვან­დე­ლი ლი­დე­რე­ბი იყოს მი­სა­ღე­ბი, ამი­ტომ, ვფიქ­რობ, სი­ურპრი­ზე­ბი გვექ­ნე­ბა“.

ნი­კო­ლოზ მეტ­რე­ვე­ლი, ანა­ლი­ტი­კო­სი:

"ვფიქ­რობ, სა­ერ­თოდ არა­ფე­რი გან­სა­კუთ­რე­ბუ­ლი არ ხდე­ბა, სა­ხე­ზეა ოპო­ზი­ცი­ის მხრი­დან ჭი­ქა­ში ქა­რიშ­ხლის ატეხ­ვის მო­რი­გი უნი­ჭო მცდე­ლო­ბა. სა­ზო­გა­დო­ე­ბის­თვის სა­სა­მარ­თლოს თემა დღეს სა­ინ­ტე­რე­სო არ არის, გან­სხვა­ვე­ბით „ნა­ცი­ო­ნა­ლუ­რი მოძ­რა­ო­ბის“ მმარ­თვე­ლო­ბის­გან, რო­დე­საც 99% გა­მამ­ტყუ­ნე­ბე­ლი გა­ნა­ჩე­ნი იწე­რე­ბო­და და ჯამ­ში, ამა თუ იმ ფორ­მით, რე­ჟი­მი თით­ქმის ყვე­ლა ქარ­თულ ოჯახს შე­ე­ხო. დღეს რე­ა­ლო­ბა სულ სხვაა - სა­სა­მარ­თლომ არა­ერ­თი სე­რი­ო­ზუ­ლი ტეს­ტი ჩა­ა­ბა­რა, მა­გა­ლი­თად, თუნ­დაც „რუს­თა­ვი 2-ის“ საქ­მე, რომ­ლის სი­მარ­თლეც შემ­დეგ სტრას­ბურ­გმა და­ა­დას­ტუ­რა".

ნა­ხეთ ასე­ვე:

• "მინ­და, ძა­ლი­ან ცხა­დად ვთქვა..." - რას ამ­ბობს კელი დეგ­ნა­ნი სა­გა­მო­ძი­ე­ბო კო­მი­სი­ა­სა და უმ­რავ­ლე­სო­ბის მიერ გა­მო­ცხა­დე­ბულ ბო­ი­კოტ­ზე?