მიხეილ ჯავახიშვილის "ქალის ტვირთი" - რომანი თავად-აზნაურთა შთამომავალ ქეთევან ახატნელის ტრაგიკულ ბედზე
მიხეილ ჯავახიშვილის შემოქმედება მუდმივად აქტუალურია და თაობებისთვის ის ერთ-ერთ უმნიშვნელოვანეს მწერლად რჩება.
რეპრესირებული მწერლის რომანები ჩვენს პირად ბიბლიოთეკებში მნიშვნელოვან ადგილს იკავებს. მისი ნაწარმოებები ცხადად ეხმიანება დღეს მიმდინარე მოვლენებს და მკითხველს ღრმა საფიქრალს უტოვებს. ამასთან, მისი შემოქმედება ასახავს იმ პერიოდის მანკიერ მხარეებს, როცა ის ცხოვრობდა და მოღვაწეობდა.
ამ მხრივ, სხვა ნაწარმოებებზე არანაკლებ მნიშვნელოვანია მიხეილ ჯავახიშვილის რომანი „ქალის ტვირთი“, რომელიც მან 1936 წელს დაწერა. ეს მისი უკანასკნელი ნამუშევარია. ნაწარმოები ახალგაზრდა ქალის, ქეთევან ახატნელის ტრაგიკულ ცხოვრებაზე მოგვითხრობს. ის წარმომავლობით თავად-აზნაურთა კლასიდან იყო, თუმცა იდეურად პროლეტარიატს ემხრობოდა. საბოლოოდ კი საკუთარი ადგილი ვერსად იპოვა. რომანი მოგვითხრობს იმ პერიოდში სხვადასხვა ღირებულების მქონდე ადამიანების ბედზე და საინტერესოა იმითაც, რომ მასში პერსონაჟებად ისეთი ისტორიული პიროვნებები არიან გამოყვანილი და მოხსენიებული, როგორიცაა ილია ჭავჭავაძე, აკაკი წერეთელი, ანტონ ფურცელაძე, ნიკო ნიკოლაძე და ახალგაზრდა სტალინი.
აღსანიშნავია, რომ რომანის მიხედვით ნიკოლოზ სამანიშვილმა 1957 წელს ამავე სახელწოდების ფილმი გადაიღო. მთავარ როლებს ლია ელიავა და იაკობ ტრიპოლსკი ასრულებენ.
მიხეილ ჯავახიშვილის „ქალის ტვირთი“ წარმოჩენილია ისეთი საკითხები, როგორიცაა ქალის როლი პოლიტიკაში, რისკი, რომლის გაწევაც მას შეუძლია და გადაწყვეტილებები, რომელიც შეიძლება სიყვარულის გამო მიიღოს.
მწერლის რომანები პერიოდულად ხელახლა გამოიცემა და ახალი თაობებისთვის კიდევ უფრო ხელმისაწვდომი ხდება. ამასთან, ჯავახიშვილის ნაწარმოებები ნებისმიერი ბიბლიოთეკის მნიშვნელოვანი ნაწილია. მისი რომანები და მოთხრობები გამომცემლობა „პალიტრა L-მა“ პროექტის ფარგლებში - „XXI საუკუნის ოჯახს ახალი ბიბლიოთეკა სჭირდება“, კიდევ ერთხელ გამოსცა. სერიის ფარგლებში უკვე ხელმისაწვდომია „კვაჭი კვაჭანტირაძე“, „არსენა მარაბდელი“, „ჯაყოს ხიზნები“ და „გივი შადური“ , მოთხრობები და წერილები, „თეთრი საყელო“ და ახლა უკვე „ქალის ტვირთი“, რომელიც გამოსვლიდან ერთი კვირის სპეციალური ფასით, 14 ლარი იქნება ხელმისაწვდომი. წიგნის შეძენა შეგიძლიათ „ბიბლუსის“ მაღაზიათა ქსელში ან პრესის გამავრცელებელ ჯიხურებში. ასევე, შესაძლებლობა გაქვთ, გახდეთ სერიის გამომწერი, ამისთვის დაგვიკავშირდით 0322470045 ან ეწვიეთ „პალიტრა L-ის“ ვებგვერდს.
R