მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"არ ჰგავს თანამედროვე ფილმებს" - ლევან კოღუაშვილის "მეოთხე ბრაიტონი" ფრანგულ კინოგაქირავებაში გამოვიდა: რას წერენ საფრანგეთის წამყვანი გამოცემები ქართველის ნამუშევარზე?
16:20 / 15-04-2023
"მეოთხე ბრაიტონი" - ლევან კოღუაშვილის მესამე მხატვრული ფილმი, ფრანგულ კინოგაქირავებაში გამოვიდა. ფილმი მთელს საფრანგეთში 50 ეკრანზე გამოდის. მანამდე ფილმი აშშ-ს, შვედეთის, იტალიის, ბულგარეთის და ისრაელის კინოგაქირავებაში გამოვიდა.
ფილმი საფრანგეთში გამოუშვა ერთ-ერთმა უმსხვილესმა ფრანგულმა კინოსადისტრიბუციო კომპანიამ ARP selection. ფილმის ფრანგულ ეკრანებზე გამოსვლას წინ უსწრებდა პრესჩვენებები, რომლებსაც საფრანგეთის ყველა წამყვანი გამოცემა გამოეხმაურა. ერთ-ერთმა ყველაზე მნიშვნელოვანმა ფრანგულმა გამოცემამ ლე მონდმა (Le Monde) კულტურის სექციის პირველი გვერდი ფილმის რეცენზიასა და ლევან კოღუაშვილს დაუთმო.
გთავაზობთ ამონარიდებს ფრანგული პრესიდან:
Le Monde
დახვეწილი კომპოზიციებით ფილმი ახერხებს გადახვეწილთა ქრონიკების მელანქოლიისა და ფილმ-ნუარის შეფარული დაძაბულობის შერწყმას.
Le Journal du Dimanche
ჩვენ შეგვიყვარდა მეოთხე ბრაიტონი, ქართული დრამა, რომელიც მოგვითხრობს შვილის გადასარჩენად ყველაფრისთვის მზადმყოფ მამაზე, რომელსაც განასახიერებს გასაოცარი ქარიზმის მქონე ნამდვილი ყოფილი სპორტსმენი და ასევე ძირითადად, არაპროფესიონალი მსახიობები. ჯეიმზ გრეის და ძმებ კოენების სულიერი მემკვიდრე ლევან კოღუაშვილი გვთავაზობს ადამიანობის, სიმარტივის, თავმდაბლობისა და გულწრფელობის მარგალიტს. გულის ამაჩუყებელია!
L’OBS
სავსე და მომნუსხველი ამბავი. ლევან თედიაშვილის - ნამდვილი ყოფილი ჩემპიონის ყოფნა ეკრანზე უფრო ამძაფრებს ემოციებს. მრავალ განსაცდელგამოვლილი სახე, მოხრილი სხეული - იგი შესანიშნავია.
Les Echos
ფილმების იმ სამწუხაროდ ჩვეულებრივ ნაკადში, რომელიც კინოთეატრებს ყოველ ოთხშაბათს ასევდიანებს, ეს ფილმი, რომელიც ისეთივე მოკრძალებულია, როგორიც შთამაგონებელი, იმსახურებს იმას, რომ არ დარჩეს შეუმჩნეველი. ქართველი კინორეჟისორი ლევან კოღუაშვილი, რომელიც თავისი პირველი ორი ნამუშევრით - „ქუჩის დღეები“ და „ბრმა პაემნები“ - უკვე აღიარებულია მნიშვნელოვან ფესტივალებზე, ამ გასაოცარი ფილმით - „მეოთხე ბრაიტონი“ კიდევ ერთხელ ამტკიცებს თავის ნიჭს, როგორც სცენარისტი და რეჟისორი.
Marianne
"მეოთხე ბრაიტონ“-ით ქართველი რეჟისორი ლევან კოღუაშვილი წარმოადგენს გემოვნებიან ნამუშევარს, რომელიც არ ჰგავს თანამედროვე ფილმებს. იმოგზაურეთ ასეთი ალტერნატიული კინოს მარშრუტებით და არ ინანებთ.
LA VIE
ლევან კოღუაშვილის მზერა დოკუმენტურია, იგი ფრთხილად ასახავს ოკეანისპირა ღარიბ გარეუბანს და მის ბინადრებს, რომელთაგან ბევრი უკვე აღარ არის ახალგაზრდა. აქ, როგორც თბილისში, იგრძნობა დროის დინება და დაკარგული ოცნებები. გვახსენდება ჯეიმზ გრეის „პატარა ოდესა“, მაგრამ ამ ფილმში, მიუხედავად იმისა, რომ მოსვირინგებული კრიმინალებიც გვხვდებიან, არის მეტი, ვიდრე ტრილერი. აქ არის ბურლესკი და სიფაქიზე.
Le Figaro
მრავალფეროვანი პერსონაჟები, მომწვანო ატმოსფერო, გრძელი ნაცრისფერი პლაჟები, აზარტული თამაშების სამყაროს კულისები. ფილმი გვაოცებს თავისი გაწონასწორებული ტონალობით, ჩუმი გაუცხოებით და პესიმიზმით, რომელიც ქართული საქციელების საწებელშია.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
