დილიდან საცობებია რიკოთის უღელტეხილზე - რა ფოტოებს ავრცელებენ დასავლეთ საქართველოში მიმავალი მოქალაქეები?
რიკოთის უღელტეხილზე მსუბუქი ავტომობილების გატარება გუშინდელი დღიდან აღდგა, თუმცა სპეციალური რეჟიმით.
"მსუბუქი ავტოტრანსპორტის და ავტობუსების (მათ შორის 30 ადგილზე მეტი ტევადობის) მოძრაობა დასაშვებია 07:00 სთ-დან 19:00 სთ-მდე. ხოლო, დანარჩენი სახის ავტოტრანსპორტის მოძრაობა აკრძალულია;
მისაბმელიანი, ნახევრადმისაბმელიანი ავტოტრანსპორტის და სატვირთო ავტომობილების (3500კგ>) მოძრაობა დასაშვებია 21:00 სთ-დან 06:00 სთ-მდე, რევერსულად" - ნათქვამია გზების დეპარტამენტის მიერ გავრცელებულ ინფორმაციაში.
აღდგომის დღეებში დედაქალაქიდან გასული ნაკადი საცობებს ყოველთვის ქმნიდა მთავარ მაგისტრალებზე, ასევე უღელტეხილზე და გამონაკლისი არც წლევანდელი აღდგომაა, მითუმეტეს, რიკოთზე დაწესებული სპეციალური რეჟიმის გათვალისწინებით. დილიდან დასავლეთში წამსვლელი მოქალაქეები სოციალურ ქსელში ტვირთავენ ფოტოებს, სადაც რიკოთის უღელტეხილზე არსებული საცობები ჩანს. როგორც ირკვევა გადაადგილება ჩენელებულია ხაშურისა და ზესტაფონის მონაკვეთებზე. ადგილზე სიტუაციას არეგულირებენ საპატრულო პოლიციის წარმომადგენლები.
ნახეთ ფოტოები, რომელიც "მოგზაურთა კლუბის" ჯგუფში გავრცელდა:
