"მახსოვს დღე, როდესაც დავკარგეთ 96 სიცოცხლე, ჩემი სამაგალითო პირველი ლედი მარია კაჩინსკა" - სანდრა რულოვსი სმოლენსკის ტრაგედიას იხსნებს და არქივიდან ფოტოებს აქვეყნებს
საქართველოს ყოფილი პირველი ლედი სმოლენსკის ტრაგედიას და ტრაგედიის დროს დაღუპულ პოლონეთის პრეზიდენტსა და პირველ ლედის იხსენებს.
"გუშინდელი დღესავით მახსოვს 10 აპრილი 2010 წელი, როდესაც დავკარგეთ ჩვენი პოლონელი მეგრობრები სმოლენსკის ტრაგედიის გამო, 96 ძვირფასი სიცოცხლე, მათ შორის ჩემი სამაგალითო პირველი ლედი და მეგობარი მარია კაჩინსკა", - წერს სანდრა რულოვსკი.
ინფორმაციისთვის, 2010 წლის 10 აპრილს რუსეთის ქალაქ სმოლენსკთან საპრეზიდენტო ავიალაინერი "ტუ-154“ ჩამოვარდა. ბორტზე პოლონეთის სამთავრობო დელეგაცია იმყოფებოდა.
პოლონეთის მთავრობის წევრები, პრეზიდენტ ლეხ კაჩინსკის ხელმძღვანელობით, სმოლენსკში, კატინის ტრაგედიისადმი მიძღვნილ სამგლოვიარო ღონისძიებაზე დასასწრებად მიემგზავრებოდნენ.
ავაიაკტასტროფის შედეგად დაიღუპა ბორტზე მყოფი 96-ივე პირი. მათ შორის პოლონეთის პრეზიდენტი ლეხ კაჩინსკი და მისი მეუღლე მარია კაჩინსკა.