8
მაისიდღის ზოგადი ასტროლოგიური პროგნოზი
ვინმეს თუ ჰგონია, მოცემული სანქციები რაიმე ფორმით შეგვაშინებს, ან მისაღებ გადაწყვეტილებაზე იმოქმედებს, მინდა ვუთხრა, რომ ძალიან მწარედ ცდება, - ასე ეხმაურება უზენაესი სასამართლოს მოსამართლე ლევან თევზაძე აშშ-ს მიერ ოთხი მოსამართლისთვის სანქციის დაწესებას.
აღნიშნულის შესახებ მოსამართლე “ფეისბუქზე” წერს.
"ვინმეს თუ ჰგონია, მოცემული სანქციები რაიმე ფორმით შეგვაშინებს, ან მისაღებ გადაწყვეტილებაზე იმოქმედებს, მინდა ვუთხრა, რომ ძალიან მწარედ ცდება. ვერც კონკრეტული მტკიცებულების გარეშე იქნება მისაღები ჩემი კოლეგების "ლინჩის’’ წესით გასამართლება. არც მთლად სამართლიანად და თუნდაც დემოკრატიულად მიმაჩნია შვილების დასჯა მამათა "ქმედებების’’ გამო. ამაზე მძიმე რეალობის წინაშე მდგარა სასამართლო კორპუსი, მაგრამ სადაც სიმართლე, პატიოსნება, წესიერება და ამ ქვეყნის სიყვარულია, იქ ყოველთვის გამარჯვებაა…”, - წერს თევზაძე.
ცნობისთვის, აშშ მიხეილ ჩინჩალაძეს, ლევან მურუსიძეს, ირაკლი შენგელიას და ვალერიან ცერცვაძეს სანქციებს უწესებს.
ქართველი მოსამართლეების სანქცირების შესახებ აშშ-ის სახელმწიფო მდივანი ენტონი ბლინკენი განცხადებას ავრცელებს.
სახელმწიფო მდივნის განცხადების თანახმად, ამერიკის სახელმწიფო დეპარტამენტი მიხეილ ჩინჩალაძის, ლევან მურუსიძის, ირაკლი შენგელიას და ვალერიან ცერცვაძის საჯარო სანქცირებას ახდენს, ვიზის აკრძალვის შესახებ 7031(c) წესის საფუძველზე, მნიშვნელოვან კორუფციულ საქმიანობაში მათი ჩართულობის გამო.
როგორც განცხადებაში ბლინკენი განმარტავს, აღნიშნულმა პირებმა, ბოროტად გამოიყენეს მათი თანამდებობა როგორც სასამართლოს თავმჯდომარეებმა და იუსტიციის უმაღლესი საბჭოს წევრებმა, რითაც ზიანი მიაყენეს სამართლის უზენაესობასა და საზოგადოების ნდობას საქართველოს სასამართლო სისტემის მიმართ.
კოლჩაკის დროინდელი სიბრძნეა, იმიტომ, რომ თვითონ კოლჩაკმა ბრძანა: გაანებეთ თავი მსახიობებს, ციხის ზედამხედველებს, პროსტიტუტკებს და მეეტლეებს, ეგენი ყველა ხელისუფლებას გულმოდგინედ ემსახურებიან...... აქ უნდა შევუსწოროთ ალექსანდრე ვასილის-ძეს და დავუმატოთ მოსამართლეები, ვფიქრობ პროკურორებიც დაამშვენებდნენ ამ სიას.....
სამწუხაროდ სასამართლო სისტემის მთავარი პრინციპი ავიწყდებათ მოსამართლე უნდა იყოს დამოუკიდებელი და გუნდურად არ უნდა იღებდეს გადაყვეტილებებს. ეხლა ამათი ძმაბიჭები დაიწყებენ ამათ დაცვას და მაგასაც ვერ ხვდებიან რომ ესეც არასწორია ესენი მართლები არიან თუ არა ერთმა მოსამართ₾ემ უნდა გადაწყვიტოს სასამართლოში :):). მოსამართლეების მიერ საჯარა მხარდაჭერა კიდევ ჩაითვლება ზეწოლად იმ მოსამართლეზე რომელიც ამათ საქმეებ განიხილავს (თუ განიხილა საერთოდ). უზენაესის მოსამართლე მაგდენს რომ ვერ ხვდება ამიტომ არის ამ სისტემის დაშლა და ხელახლა აწყობა აუცილებელი.