მნიშვნელოვანი ინფორმაცია
30
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ღმერთია მხოლოდ და მხოლოდ ჩემი და ამ უდანაშაულო 8 ადამიანის მსაჯული" - რა თქვა სასამართლოზე ე.წ. ვაკის პარკის საქმეზე ბრალდებულმა ლაშა ფურცხვანიძემ?
14:58 / 27-03-2023
ამ ტრაგედიის გამომწვევი მიზეზი მაინტერესებს, იმიტომ კი არა, რომ მეშინია ციხეში არ ჩამსვან, არამედ იმიტომ, რომ სიცოცხლის ბოლომდე უნდა ვატარო ეს ტვირთი, - ამის შესახებ ვაკის პარკში მომხდარ ტრაგედიაზე "გრინსერვის პლუსის" ბრალდებულმა დირექტორმა ლაშა ფურცხვანიძემ განაცხადა.
როგორც ის განმარტავს, მისი დიდი სურვილია, ეს ტრაგედია გამოიძიონ.
"დღეს თქვენს წინაშე, როგორც ბრალდებული, ისე ვიმყოფები, რომელსაც პროკურატურა იმ ტრაგედიას მედავება, რასაც 14 წლის ბავშვის სიცოცხლე შეეწირა. ბრალად მდებენ იმას, რომ შეცნობილად, წინასწარი განზრახვით, 150-ლარიანი რელეს დაზოგვის გამო, შევიწირე ამ ბავშვის სიცოცხლე და ცდილობენ, საზოგადოების წინაშე ჩემ უსაზიზღრეს დამნაშავედ გამოყვანას. მე, როგორც ადამიანების უმრავლესობას, შეგიძლიათ ბრალი დამდოთ მრავალ ცოდვაში, მაგრამ რასაც თქვენ ასე უნიჭოდ ცდილობთ დამაბრალოთ, ვერ დამაბრალებთ. ჩვენს თხოვნებზე, რეალურად გამოგეკვლიათ, ტრაგედიის რეალური გამომწვევი მიზეზები, თქვენ აბსოლუტურად არაფერი გაგიკეთებიათ. მე პირადად, მაინტერესებს ამ ტრაგედიის გამომწვევი მიზეზი, იმიტომ კი არა, მეშინია ციხეში არ ჩამსვან, არამედ იმიტომ, რომ სიცოცხლის ბოლომდე უნდა ვატარო ეს ტვირთი. თქვენ მხოლოდ ის გაინტერესებთ, ფორმალურად დამიმტკიცოთ თქვენ მიერ გამოგონილი ბრალდება. რაიმე მაინც გამოიძიეთ ამ ტრაგედიაში რეალური, ვინაიდან თითქმის, 6 თვეა, ვრწმუნდები, რომ თქვენი მიზანია, რომ იმ 8 ადამიანიდან, რომელიც ჩემთან ერთად გაუშვით გლდანის ციხეში, რომელიმე გატყდება და აღიარებს დანაშაულს. დაპირებები არ მიყვარს, მაგრამ იმას გპირდებით, რომ ამ ოცნების კოშკებს ტყუილად აშენებთ. ეს ტრაგედია, რაც მოხდა, ჩემთვის ნამდვილად საშინელებაა, თქვენთვის მხოლოდ ფორმალური გარემოებები. დიდი სურვილი მაქვს, გავიგო, რამ გამოიწვია ეს ტრაგედია, მაგრამ სამწუხაროდ თქვენი უმოქმედობა არანაირ იმედს არ მაძლევს, რომ ოდესმე რამეს გავიგებ. გისურვებთ, წარმატებით ჩაგეტარებინოთ ეს წარმოდგენა, მე კი ჩემის მხრივ, გეტყვით, რომ იოტისოდენადაც არ მეშინია ბრალდების და სასჯელის. ღმერთია მხოლოდ და მხოლოდ ჩემი და ამ უდანაშაულო 8 ადამიანის მსაჯული და არა თქვენ",- განაცხადა ფურცხვანიძემ.
ცნობისთვის, 2022 წლის 13 ოქტომბერს, ვაკის პარკში მომხდარი ტრაგედიის შედეგად, 13 წლის მარიტა მეფარიშვილი გარდაიცვალა, ორი მოზარდი - ანდრია ლორთქიფანიძე და ლაზარე ლობჟანიძე კი დაშავდა. მეფარიშვილის გარდაცვალების საქმეზე 9 პირია ბრალდებული, რომელთაც აღკვეთის ღონისძიების სახით პატიმრობა აქვთ შეფარდებული, ნაწილ მათგანს საქართველოს გენერალურმა პროკურატურამ ბრალდება დაუმძიმა. კერძოდ, ბრალი დაუმძიმდათ - "გრინსერვისი+“-ის დირექტორს, ლაშა ფურცხვანიძეს უხარისხო სამუშაოების შესრულების ფაქტზე, რამაც ადამიანის სიცოცხლის მოსპობა და ორი ადამიანის ჯანმრთელობის დაზიანება გამოიწვია (სსკ-ის 251-ე მუხლის მე-2 და მე-3 ნაწილი), ასევე ყალბი ოფიციალური დოკუმენტების გამოყენების ფაქტზე, რამაც მნიშვნელოვანი ზიანი გამოიწვია (362-ე მუხლის მე-2 ნაწილის "ბ“ ქვეპუნქტი)."გრინსერვისი+“-ის თანამშრომელს დევი კახოიძეს - ყალბი ოფიციალური დოკუმენტის დამზადებაში წაქეზების ფაქტზე, რამაც მნიშვნელოვანი ზიანი გამოიწვია (სსკ-ის 25,362-ე მუხლის მე-2 ნაწილის "ბ’’ ქვეპუნქტი) და "მშენ-ექსპერტი“-ს დირექტორს ნუგზარ ქიტიაშვილსა და ამავე კომპანიის ექსპერტს დავით თუშიშვილს ყალბი ოფიციალური დოკუმენტის დამზადება, გასაღების ფაქტზე, რამაც მნიშვნელოვანი ზიანი გამოიწვია (სსკ-ის 362-ე მუხლის მე-2 ნაწილის "ბ’’ ქვეპუნქტი).
მკითხველის კომენტარები /
5 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
გამოიძეთ ხალხნო!! უდანაშაულოს ჩასმა იმეაზე მეტი ცოდვააა რაც მოხადა!!! რა 150 ლარის დაზოგვააა???? გაგიჟდიტ?? სიმართლე ტქვით!!!
მერიის რომელიმე თანამშრომელი არის დაჭერილი?