პარტნიორები:
ავტორი:

"რამდენიმე ჯგუფი მყარაულობს სადარბაზოსთან! ხალხო, როდემდე უნდა მამყოფონ ამ ტყვეობაში? რეალითი შოუდ აქციეს ჩემი განადგურება!" - თათია სამხარაძე პრეზიდენტს მიმართავს

"რამდენიმე ჯგუფი მყარაულობს სადარბაზოსთან! ხალხო, როდემდე უნდა მამყოფონ ამ ტყვეობაში? რეალითი შოუდ აქციეს ჩემი განადგურება!" - თათია სამხარაძე პრეზიდენტს მიმართავს

თათია სამხარაძე სოციალურ ქსელში მორიგ მიმართვას ავრცელებს. ქალი წერს, რომ სახლთან "პოსტ ტვ“-ს ჟურნალისტი ნათია ბერიძე მიუვარდა და ტელევიზიის რამდენიმე გადამღები ჯგუფი სადარბაზოსთან დარაჯობს. თათია დახმარების თხოვნით პრეზიდენტს მიმართავს.

"პროვოკატორი ნათია ბერიძე ისევ მომივარდა სახლთან... ახლაც რამდენიმე ჯგუფი მყარაულობს სადარბაზოსთან! ხალხო, როდემდე უნდა მამყოფონ ამ ტყვეობაში? ქალბატონო პრეზიდენტო, სალომე ზურაბიშვილო, დამეხმარეთ, რეალითი შოუდ აქციეს ჩემი განადგურება!" - წერს თათია სამხარაძე.

ამ ცოტა ხნის წინ, ჟურნალისტმა ნინია კაკაბაძემაც დაწერა სოციალურ ქსელში, რომ თათია სამხარაძის სახლის კართან "POST TV" - ის გადამღები ჯგუფი იყო მობილიზებული, მათ შორისაა ჟურნალისტი ნათია ბერიძეც.

"თათია სამხარაძის საცხოვრებელი სახლის კარი დღეს, ახლა სულ ცოტა ხნის წინ, ისევ ჩამოიღო ნათია ბერიძემ! ახლაც მის სახლთან პატრულირებენ! მე მაინტერესებს, როდემდე უნდა იცხოვროს თათიამ ამ ტერორის პირობებში და როდის გაიღვიძებს ვინმე ამ ქვეყანაში, ვისაც ადამიანის სიცოცხლის და უსაფრთხოების დაცვის ვალდებულება აქვს. პირადი ცხოვრების ხელშეუხებლობაზე რომ არაფერი ვთქვათ", - წერს კაკაბაძე და სახალხო დამცველ ლევან იოსელიანს მოუწოდებს "ან წარმომადგენელი გაგზავნეთ თათიასთან, ან თქვენ მიდით."

მას შემდეგ, რაც კაკაბაძემ პოსტი გამოაქვეყნა, ჟურნალისტი ნათია ბერიძე სოციალურ ქსელში დიღმის ტერიტორიიდან ჩაერთო და განაცხადა, რომ ის ექიმთან იყო ფორმა 100-ის წამოსაღებად და ახლა სამხარაულში მიდიოდა ექსპერტიზაზე. ქალმა უარყო რომ ის სამხარაძის სახლთან იდგა.

ცნობისთვის, მას შემდეგ რაც ბოლო დღეების განმავლობაში, შალვა რამიშვილს რამდენიმე ქალმა სექსუალურ ძალადობაში საჯაროდ დასდო ბრალი და ამ კონტექსტში თათია სამხარაძისა და რამიშვილის სასამართლო გარჩევის ამბავი კვლავ აქტუალური გახდა, "POST TV" -ის ეთერში გავიდა სიუჟეტი სამხარაძისა და "ნაციონალური მოძრაობის“ პარტიის სამდივნოს წევრის, დიმიტრი ჩიქოვანის საეჭვო კავშირის შესახებ.

26 მარტს კი "დიდ გადაცემაში" წამყვანები ამტკიცებდნენ, რომ თათია სამხარაძე სამი დღის განმავლობაში ჩიქოვანის ბინაში იმყოფებოდა და იქედან ვერ გამოდიოდა, რადგან დალურჯებები ჰქონდა. სწორედ ამ გადაცემის პარალელურად ჩაწერა თათია სამხარაძემ ვიდეო საკუთარი სახლიდან და განაცხადა, რომ ის, რასაც მის შესახებ "პოსტს ტვ" - ის ეთერში ლაპარაკობდნენ, სრული სიცრუე იყო.

შეგახსნებთ, საქმე "თათია სამხარაძე შალვა რამიშვილის წინააღმდეგ“, ახალგაზრდა ქალმა სასამართლოს 2 ინსტანციაში მოიგო, ის შალვა რამიშვილს ბრალს სდებდა სამსახურებრივი მდგომარეობის გამოყენებით სექსუალურად შევიწროვებაში.

ასევე იხილეთ:

ტეგები თემაზე: