მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ვინ არის მარია ლვოვა-ბელოვა? - ქალი, რომლის პუტინთან ერთად დაკავების ორდერი ჰააგის სასამართლომ გასცა
11:55 / 21-03-2023
17 მარტს, ჰააგის საერთაშორისო სისხლის სამართლის სასამართლომ (ICC) რუსეთის პრეზიდენტის ვლადიმერ პუტინისა და ბავშვთა ომბუდსმენის მარია ლვოვა-ბელოვას მიმართ დაპატიმრების ორდერი გასცა. სისხლის სამართლის საერთაშორისო სასამართლოს მიერ გაცემული დაპატიმრების ორდერები ნიშნავს, რომ ამ სასამართლოს წევრ ნებისმიერ ქვეყანას (123 სახელმწიფოს), რომლის ტერიტორიაზეც ფეხს დადგამენ პუტინი ან მარია ლვოვა-ბელოვა, აქვს მათი დაკავების და სასამართლოსთვის გადაცემის ვალდებულება.
ორდერის საფუძველი გახლავთ უკრაინაში წამოწყებული სრულმასშტაბიანი ომი. სასამართლო ომის დანაშაულების ჩადენის გამო რუსეთის პრეზიდენტს ინდივიდუალურ სისხლის სამართლის პასუხისმგებლობას აკისრებს. ორდერი გაიცა ბავშვთა საქმეებში რუსეთის ფედერაციის პრეზიდენტის სრულუფლებიანი წარმომადგენლის, მარია ლვოვა-ბელოვას წინააღმდეგაც.
ლვოვა-ბელოვას იმავე დანაშაულში ედება ბრალი, რაშიც პუტინს: მოსახლეობის (ბავშვების) უკანონო დეპორტაცია და მოსახლეობის (ბავშვების) უკანონო გადაყვანა უკრაინის ოკუპირებული ტერიტორიებიდან რუსეთის ფედერაციაში.
"გვაქვს საფუძველი ვივარაუდოთ, რომ ლვოვა-ბელოვას ეკისრება პირადი პასუხისმგებლობა აღნიშნულ დანაშაულებზე, ამ ქმედებების ჩადენით პირდაპირ, სხვა პირებთან ერთად ან/და სხვა პირების ქმედებებით“, - ნათქვამია სასამართლოს განცხადებაში.
ლვოვა-ბელოვა ამბობს, რომ ICC-ს გადაწყვეტილებას, მისი მუშაობის დადებითად შეფასებად აღიქვამს.
"ძალიან კარგია, რომ საერთაშორისო საზოგადოებამ დააფასა ჩვენი შრომა ბავშვების დასახმარებლად. ის, რომ მათ არ ვტოვებთ საომარ ზონაში, გამოგვყავს, ვუქმნით კარგ პირობებს. მათ გარშემო მოსიყვარულე და მზრუნველი ადამიანები არიან. სანქციები სხვადასხვა ქვეყანამ დამიწესა, იაპონიამაც კი, ახლა კი დაკავების ორდერი გასცეს, მაინტერესებს, რა მოხდება შემდეგ“, - ამბობს ის RTVI-სთვის მიცემულ კომენტარში.
- რა არის ცნობილი მარია ლვოვა-ბელოვაზე?
მარია ლვოვა-ბელოვა ბავშვთა უფლებების დამცველად 2021 წლის ბოლოს დაინიშნა. მანამდე ქალი პენზას რეგიონის ფედერაციის საბჭოში, რუსეთის სახალხო ფრონტის (პუტინის მიერ შექმნილი მოძრაობა) ერთ-ერთი ლიდერი გახლდათ. უფლებადამცველის პოსტზე მან შეცვალა ანა კუზნეცოვა, რომელიც სახელმწიფო სათათბიროში გადავიდა სამუშაოდ.
ლვოვა-ბელოვასა და კუზნეცოვას ბიოგრაფიები ძალიან ჰგავს: ორივე პენზაში დაიბადა და იქ დაიწყეს კარიერა. ორივე დაქორწინებულია სასულიერო პირებზე და ჰყავთ ნაშვილები ბავშვები.
38 წლის ლვოვა-ბელოვას ხუთი ბიოლოგიური შვილი და კიდევ რამდენიმე ნაშვილები ჰყავს. გარდა ამისა, მისი მეთვალყურეობის ქვეშ იმყოფება 13 შშმ ბავშვი. ამის შესახებ მან პუტინს თანამდებობაზე დანიშვნის შემდეგ განუცხადა.
2022 წლის თებერვლიდან, როდესაც რუსეთი უკრაინას დაესხა თავს, ლვოვა-ბელოვა პასუხისმგებელი იყო ოკუპირებული ტერიტორიებიდან უკრაინელი ბავშვების გაყვანაზე და მათ რუსეთში "ინტეგრაციაზე“.
თავად ომბუდსმენი ამ პროცესს ყოველთვის "ევაკუაციას" უწოდებდა და ამბობდა, რომ ამით იცავდა ბავშვების ინტერესებს, თუმცა უკრაინის ხელისუფლებამ არაერთხელ განაცხადა, რომ საერთაშორისო სამართლის თვალსაზრისით, ეს ქმედებები კლასიფიცირებულია, როგორც დეპორტაცია და გენოციდი.
2022 წლის ზაფხულში ლვოვა-ბელოვამ თქვა, რომ მან თავად იშვილა ბავშვი მარიუპოლიდან. ქალაქიდან, რომელიც რუსული ჯარების მიერ იყო დაპყრობილი. ის რეგულარულად აქვეყნებს მოზარდის ფოტოებს სოციალურ ქსელებში და ამ ამბის შესახებ პროპაგანდისტული ფილმიც კი გადაიღეს რუსული მედიისთვის.
ფილიპ გოლოვნია 15 წლისაა, ალბათ, ობოლია - ამბობს მარია. მისი თქმით, ბოლოს დედას 11 წლის ასაკში ესაუბრა, მაგრამ ეს ინფორმაცია დადასტურებული არ არის.
ფილიპი მარიუპოლიდან ბავშვთა ჯგუფთან ერთად 2022 წლის გაზაფხულზე წაიყვანეს ჯერ დონეცკში, შემდეგ კი მოსკოვის რეგიონის სანატორიუმში, სადაც მას ბავშვთა უფლებების დამცველი შეხვდა.
”მე, უბრალოდ, მივხვდი, რომ ის ჩემი იყო”, - იხსენებდა ქალი მოგვიანებით ინტერვიუში.
ფილიპს, ლვოვა-ბელოვას თქმით, მოსწონს რუსეთი, მაგრამ ზოგიერთი უკრაინელი ბავშვი, მისივე სიტყვებით, არ იზიარებდა მის გრძნობებს. ისინი "ნეგატიურად ლაპარაკობენ პრეზიდენტზე [პუტინზე], ამბობენ ყველანაირ საზიზღარ სიტყვებს მისი მისამართით, მღერიან უკრაინის ჰიმნს, ამბობენ "დიდება უკრაინას...", - თქვა ქალმა სექტემბერში, საჯარო გამოსვლისას.
მისი მტკიცებით, რუსული ოჯახების მზრუნველობის ქვეშ მოქცევის შემდეგ, ეს "გარკვეული ნეგატივი“ "რუსეთის სიყვარულმა“ შეცვალა.
თავდაპირველად, ომბუდსმენმა განაცხადა, რომ მათი მეურვეობის ქვეშ იყვნენ არა მებრძოლების შვილები, რომელთა მშობლებიც გარდაიცვალნენ და შესაძლებელია მათი ნათესავების პოვნა, არამედ ბავშვები, რომლებიც იმყოფებოდნენ უკრაინის ობოლთა თავშესაფრებში.
თუმცა, ბელოვამ იქვე აღნიშნა, რომ მარიუპოლის "სარდაფებში ნაპოვნი" დაახლოებით 30 ბავშვი ასევე რუსეთის მეურვეობის ქვეშ მოექცა. უკრაინამ მათგან რამდენიმე ბავშვის დაბრუნება სცადა, რადგან მათ კანონიერი წარმომადგენლები ჰყავდათ. ბელოვამ ამას "ერთგვარი გაუგებრობა" უწოდა.
ლვოვა-ბელოვას სანქციები უკრაინელი ბავშვების ქვეყნიდან გაყვანის გამო ევროკავშირმა, დიდმა ბრიტანეთმა და შეერთებულმა შტატებმა დაუწესეს. უკრაინის წინააღმდეგ რუსული აგრესიის მხარდაჭერისთვის, იგი ასევე მოხვდა ავსტრალიის, კანადისა და იაპონიის მიერ სანქცირებულთა სიაში.
ოფიციალური კიევი ბავშვების გაყვანას განიხილავს გენოციდად და რუსეთის მიზანმიმართულ პოლიტიკად, რათა გაანადგუროს უკრაინა, როგორც სახელმწიფო და უკრაინელები, როგორც ერი.
"ჩვენი შვილების გატაცებით რუსეთი, ფაქტობრივად, იპარავს ჩვენს მომავალს“, - განაცხადა უკრაინის გენერალურმა პროკურორმა ანდრეი კოსტინმა.
მკითხველის კომენტარები /
21 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ესეთ ქმედებას მხოლოდ ნაცისტების სს ახორციელბდა მეორე მსოფლიო ომში ბავშვებს იტაცებდა და მიყავდათ გერმანიაში რაც ფაქტია იგივეს აკეთებს ვალოდია ფურუნკული
ეს ქალბატონი მეამიტი სახის გამომეტყველებით, შესაძლებელია სრულიად შეუგნებლად მოემსახურა ბოროტების მანქანას, თავი დაიმკვიდრა ისტორიაში სისხლსიმსმელი ვამპირის გვერდით, პრეცემდენტული მოვლენაა, ყველა უნდა ერიდოს ბოროტების სამსახურში ყოფნას, ასე ვთქვათ, ეშმაკის ადვოკატობას..