Bugatt-ების და Rolls-Royce-ების ავტოკოლონა და რამზან კადიროვის 17 წლის შვილის გასაიდუმლოებული ქორწილი: რა კადრები გავრცელდა მედიაში (ვიდეო)
4 მარტს ჩეჩნეთის ლიდერის, რამზან კადიროვის 17 წლის ვაჟი დაქორწინდა. ადგილობრივები სოციალურ ქსელებში წერენ, რომ საქორწილო კორტეჟი შედგებოდა 90-მდე პრემიუმ კლასის მანქანისგან - Bugatti-სა Rolls-Royce-ისგან, თუმცა ვიდეოს და ფოტოების გადაღება მათ აკრძალული ჰქონდათ.
ერთადერთი ვიდეო, რომელიც გავრცელდა, ცნობილმა რუსმა მომღერალმა ტიმატიმ გადაიღო. ის ქორწილის სტუმრებს შორის იყო. ტიმატიმ ვიდეო სოციალურ ქსელში განათავსა. ქორწილიდან სხვა ვიდეო და ფოტომასალა არ გავრცელებულა, რადგან ეს წინასწარ კატეგორიულად აკრძალეს.
<script async src="https://telegram.org/js/telegram-widget.js?21" data-telegram-post="sotaproject/54910" data-width="100%"></script>როგორც ptoday.ru წერს, ქორწილის ცერემონიამდე კადიროვის ვაჟი რუსეთის პრეზიდენტს შეხვდა. იმავე დღეს გაირკვა, რომ ის ქორწინდებოდა, მანამდე კადიროვის ადმინისტრაცია მათი ლიდერის 17 წლის ვაჟის დაოჯახებაზე ინფორმაციას ასაიდუმლოებდა.
- "ამის შესახებ მხოლოდ მას შემდეგ გახდა ცნობილი, რაც პუტინმა მას საჯაროდ მიულოცა. ცნობისთვის, უფროსმა კადიროვმა ყველა წყვილისთვის, ვინც იმ დღეს ქორწილს გადაიხდიდა, ჯილდოდ 100 ათასი რუბლი დააწესა", - წერს გამოცემა.
სტატიაში ასევე აღნიშნულია, რომ კადიროვის ვაჟმა ზეპირად იცის ყურანი, დაინტერესებულია ММА-ის ბრძოლებით. მის სახელს ატარებს ჩეჩნეთში ერთ-ერთი სპორტკომპლექსი.
"გასული წლის ოქტომბერში ის მეგობრებთან ერთად იმყოფებოდა უკრაინაში მიმდინარე საბრძოლო მოქმედებების ზონაში", - წერს გამოცემა.
თუმცა, Кавказ.Реалии-ს ცნობით, ვითომ დონბასში გადაღებული ვიდეო, სინამდვილეში დამონტაჟებული იყო და ახმად კადიროვი იქ არ ყოფილა.
პოლიტოლოგ ანდრეი გუსინის შეფასებით, ახმად კადიროვი უმცროსის გზა "ბოლო თვეების განმავლობაში ძალზე პოლიტიკური გახდა, თუმცა, მაინც საეჭვოა, მომავალში მისი რესპუბლიკის ლიდერად დანიშვნა, მიუხედავად იმისა, რომ კადიროვების ოჯახი ძალიან დიდი გავლენით სარგებლობს."
- რაც შეეხება კადიროვების რძალს, მის შესახებ თითქმის არაფერია ცნობილი, სახელიც კი. ადგილობრივების თქმით, მხოლოდ ის იციან, რომ კადიროვის ახლო გარემოცვიდანაა და ბიზნესმენის შვილია.
kp.ru-ს ცნობით, "ტრადიციების თანახმად, ისინი ქალებზე ბევრს არაფერს ლაპარაკობენ. ჩრდილოეთ კავკასიაში, ახალ რძლებზე ლაპარაკი მიუღებლად ითვლება."
Кавказ.Реалии-ს ცნობით, ქორწილი საიდანაც ძალიან ცოტა კადრი გავრცელდა, მთელმა რეგიონმა, ყველა რაიონმა დიდი ზარზეიმით აღნიშნა.
სტატიაში აღნიშნულია, რომ რამზან კადიროვის შვილი 17 წლის არის, ანუ არასრულწლოვანია. რუსეთში მიღებული და აღიარებული კანონის თანახმად, 18 წლამდე პირი არასრულწლოვნად ითვლება და დაქორწინების შემთხვევაში, კაცი, სისხლის სამართლის პასუხისგებაში მიეცემა, მაგრამ კადიროვები "ხელშეუხებლები" არიან. ისინი სახელმწიფოს კანონებს არ აღიარებენ, მათთვის ცალკე "კანონი" არსებობს, რომელიც ყველაფრის უფლებას აძლევს.
ადგილობრივების თქმით, საქორწინო კორტეჟისთვის ფოტოს ან ვიდეოს გადაღების მცდელობისთვის, მეტიც, ყურადღების მიქცევისთვისაც კი, შესაძლოა, ვინმეს გროზნოში, კადიროვის სარდაფში გაეგრძელებინა ცხოვრება. ყველა სტუმარი, რომელიც ქორწილს ესწრებოდა, გააფრთხილეს, რომ ამ მხრივ არ ეაქტიურათ. ამის უფლება, მხოლოდ ოჯახის ახლობელ, რეპერ ტიმატის ჰქონდა, რომელმაც დაახლოებით ორწუთიანი ვიდეორგოლი გამოაქვეყნა.