მნიშვნელოვანი ინფორმაცია
11
მაისიდღის ზოგადი ასტროლოგიური პროგნოზი
კვირა, მთვარის მეთხუთმეტე დღე დაიწყება 20:34-ზე, მთვარე მორიელშია
კრიტიკული დღეა. არ იჩხუბოთ. ეცადეთ, ეს დღე მშვიდად განვლოთ. არ დაიწყოთ ახალი საქმეები; მოერიდეთ მნიშვნელოვანი გადაწყვეტილებების მიღებას; ფინანსური საკითხების მოგვარება სხვა დღისთვის გადადეთ; ვაჭრობისთვის არახელსაყრელი დღეა, უძრავ ქონებასთან დაკავშირებული საკითხები სხვა დღეს მოაგვარეთ. აკონტროლეთ ემოციები. არასასურველია კამათი, ჩხუბი, საქმეების გარჩევა. არ გირჩევთ სამსახურის, საქმიანობის შეცვლას. სხვა დღისთვის გადადეთ მგზავრობა და მივლინება. კარგია შემოქმედებითი საქმიანობა, საოჯახო საქმეების შესრულება. ცუდი დღეა ქორწინებისა და ნიშნობისათვის. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ხელისუფლება შოკში აღმოჩნდა - გამოჩნდა ძალა, მთელი თავისი სიდიადით, რომელიც აქამდე არ ჩანდა, რომელიც როგორც ჩანს, კულისებში იკრებდა ძალას" - იაგო კაჭკაჭიშვილი
11:06 / 15-03-2023
ხელისუფლების ანტიევროპული განწყობა ყველაზე მეტად ახლა გაშიშვლდა, რაც მათ ელექტორატის დაკარგვის საშიშროების წინაშე აყენებს. ხელისუფლებას სწორედ ამიტომ აქვს რეპრესიული პოლიტიკის გატარების განზრახვა, - ამის შესახებ სოციოლოგმა, იაგო კაჭკაჭიშვილმა "პალიტრანიუსის“ გადაცემა "ნიუსრუმში“ განაცხადა.
მისივე თქმით, ხელისუფლებას ყველაზე მეტად ახლა უჭირს, რადგან მან ანტიევროპული განწყობები სულ უფრო მძლავრად გამოფინა და ევროპასთან ინტეგრაციის გულწრფელი სურვილის საჩვენებლად, სულ უფრო ნაკლები სივრცე დატოვა.
"ხელისუფლება აქამდე ახერხებდა, რომ ერთი ხელით ეგინებინა ევროპა, მაგრამ მეორე მხრივ, ეთქვა, რომ ჩვენ გვინდა ევროპა, ოღონდ ღირსეული ევროპა და ა.შ., მაგრამ ხელისუფლებას ყველაზე მეტად უჭირს ახლა, იმიტომ, რომ მან თავისი ანტიევროპული განწყობები სულ უფრო მძლავრად გამოფინა და სულ უფრო ნაკლები სივრცე და ადგილი დატოვა ევროპასთან ინტეგრაციის გულწრფელი სურვილის საჩვენებლად“, - განაცხადა იაგო კაჭკაჭიშვილმა.
მისივე თქმით, ე.წ. აგენტების კანონპროექტთან დაკავშირებული საპროტესტო ტალღა ხელისუფლებისთვის სრულიად მოულოდნელი იყო.
კაჭკაჭიშვილის განცხადებით, 7-9 მარტის მოვლენების დროს, საპროტესტო ნაკადის დასაწყისი ვიხილეთ, რომელსაც ჰქონდა პოტენცია, რომ წამლეკავი ძალა გამხდარიყო და სწორედ აქ მიხვდა ხელისუფლება, რომ რაღაც უნდა დაეთმო.
"ის, რაც მოხდა, იყო სრულიად არაპროგნოზირებადი ხელისუფლების მიერ. ხელისუფლება ფაქტობრივად, შოკში აღმოჩნდა. ის არ ელოდა მოვლენების ისე განვითარებას, როგორც განვითარდა. ყველაფერს ელოდა ამის გარდა. მან ჩათვალა, რომ მის მიმართ დაპირისპირებული, ყოველ შემთხვევაში, მისგან განსხვავებული, პოლიტიკური ან სოციალური აქტორები ჩააჩუმა, მოახდინა მათი მარგინალიზება, პოლიტიკური სპექტრი დაჩიავდა, სამოქალაქო სექტორზე შეტევა დაიწყო, მედია მუდმივი რეპრესიების ქვეშ ჰყავდა და რაღაცნაირად პოლიტიკური ჰეგემონის როლს ინარჩუნებდა. რასაკვირველია, საერთაშორისო ზეწოლის ქვეშ, მაგრამ რაღაცნაირად მყარი და გამართული პოლიტიკური სტრუქტურის შთაბეჭდილებას ქმნიდა, მაგრამ ჩვენ ყველამ ვნახეთ, რომ ეს ყველაფერი თიხის ფეხებზე მდგარი ხუხულა აღმოჩნდა. ეს ყველაფერი აღმოჩნდა ფსევდო სტაბილურობა, რომელსაც ძალიან იოლად გაუჩნდა ბზარები და ეს ბზარები გააჩინა ახალმა სისხლმა ქართულ პოლიტიკაში თუ ქართულ სოციუმში, ადამიანებმა, ახალგაზრდებმა, რომლებიც ამ პროტესტის გამწევი ძალა იყვნენ. ერთგვარი ლიდერის თუ გამწევის ძალის ფუნქცია მათ აიღეს.
ეს იყო სრულიად მოულოდნელი, იმიტომ, რომ გამოჩნდა ძალა, მთელი თავისი სიდიადით, რომელიც აქამდე არ ჩანდა, რომელიც როგორც ჩანს, კულისებში იკრებდა ძალას და ეს ძალა გაშიშვლდა მაშინ, როცა ყველაზე მეტად გახდა საჭირო. და ყველაზე მეტად როდის გახდა საჭირო? როდესაც ყველაზე უფრო მეტად იგრძნო ამ ძალამ ინსტიტუციური ბარიერი ევროპასთან ურთიერთობის გზაზე და შესაბამისად, საქართველოს დამოუკიდებლობის გზაზე, ან საქართველოში დემოკრატიის და თავისუფლების გადარჩენის გზაზე. ეს ძალა მიხვდა, რომ გაჩუმება არ შეიძლებოდა და მან აჩვენა საკუთარი პროტესტი, უშეღავათო, გულწრფელი პროტესტი. ეს ხელისუფლებისთვის სრულიად მოულოდნელი იყო,“ - განაცხადა იაგო კაჭკაჭიშვილმა.
მკითხველის კომენტარები /
49 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
კაჭკაჭიშვილის სახით აყაყანდა უცხოეთის აგენტები!!!
შე კაცო!
ბარემ ისიც გეთქვა თუ როდის აპირებს დღევანდელი ხელისუფლება დამოუკიდებელი, დემოკრატიული და სამართლებრივი ქართული სახელმწიფოს რუსეთის გუბერნიად გადაქცევას!
ამ ვითომ სოციოლოგს ერთ რჩევას მივცემ!
თუ რამეს ბლუყუნობ - მტიცებულებებიც უნდა მოიყვანო.
ქართულ საზოგადოებას!
ადამიანების ამ კატეგორიას რუბლების, დოლარების, ევროების, სტერლინგების და ა.შ. მიღების ნაცვლად გაყიდული აქვთ საკუთარი ქვეყანა და მზად არიან დაფლითონ და დაგლიჯონ ნებისმიერი, ვინც გაილაშქრებს მათი პირადი ინტერესების წინააღმდეგ!
კონკრეტულად კაჭკაჭიშვილს დამატებით იმის იმედიც აქვს, რომ შესაძლო სახელმწიფო გადატრიალების შემდეგ რაიმე მაღალ თანამდებობას გამოკრას ხელი.
რაც შეეხება ახალი ძალის გამოჩენას!
მივესალმები იმ ძალის ხელისუფლებაში მოსვლას, რომელიც მართული არ იქნება ქვეყნის შიდა და გარეშე მტრებისაგან, რომლებიც საკმარისზე მეტი ყავს ჩვენს სამშობლოს!
რა ყველას ერთად მოუნდათ ევროპაში წასვლა ,სად იყავით აქამდე, კანდიდატის სტატუსი თუ ასეთი მნიშვნელოვანი იყო, ყველაფერი გაგეკეთებინათ , რომ მიგვეღო.ახლა ვითომ მიშაზე გადისო გზაო, მიშა არ იყო შუქურა პრეზიდენტი? რატომ არ მოგვცეს? ანუ, ნიშნავს, რომ გამოყენება უნდათ ჩვენი, რა თქმა უნდა ომში და პირდაპირ არ გეუბნებითო.....აშკარაა მათი სურვილები.უნდა ავირჩიოთ: ან გადარჩენა, ან სიკვდილი კანდიდატის სტატუსისთვის. მე ვირჩევ გადარჩენას.