მნიშვნელოვანი ინფორმაცია
8
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ხელისუფლებამ გატესტა საზოგადოება, რისი და სადამდე ატანა შეუძლიათ... შესაძლებელია, ყველაფერი საქართველოს ოკუპაციითაც დასრულებულიყო" - ექსპერტი
13:38 / 09-03-2023
"ქართული ოცნების“ პოლიტიკური საბჭოს, "ხალხის ძალისა“ და საპარლამენტო უმრავლესობის ერთობლივი განცხადებით, მიიღეს გადაწყვეტილება, „უპირობოდ, ყოველგვარი დათქმის გარეშე გაიწვიონ კანონპროექტი“.
"ყოველივე ზემოაღნიშნულის გათვალისწინებით, როგორც საზოგადოების თითოეული წევრის წინაშე პასუხისმგებელმა მმართველმა ძალამ, მივიღეთ გადაწყვეტილება, უპირობოდ, ყოველგვარი დათქმის გარეშე გავიწვიოთ ჩვენს მიერ მხარდაჭერილი კანონპროექტი" - ნათქვამია მათ მიერ გავრცელებულ განცხადებაში.
იურისტების განმარტებით, პირველი მოსმენით მიღებული კანონის გაწვევა არ ხდება, ამიტომ ე.წ. აგენტების შესახებ პირველი კანონპროექტი საპარლამენტო უმრავლესობამ სასწრაფოდ უნდა გაიტანოს მეორე მოსმენაზე და თავადვე ჩააგდოს. გადაწყვეტილებას ეხმაურებიან პოლიტიკოსები და საზოგადოებისთვის ცნობილი სახეები. მათი ნაწილი თვლის, რომ ეს ხელისუფლების მორიგი "ტრიუკია" და რეალურად, მათ დროის გაყვანა სურთ.
"ბიძინამ მთავარი ტრიუკი თავის 77 ყმას ჩაუტარა - ჯერ მოაქა**ნა და მერე აალოკინა სულ “ღირსებით და ქრისტიანულად" - დაწერა ცოტა ხნის წინ ხია ხუხაშვილმა.
- პოლიტოლოგი AMBEBI.GE-სთან ხელისუფლების გადაწყვეტილებას ე.წ. აგენტების შესახებ კანონპროექტის გაწვევის შესახებ პოლიტიკურად აფასებს და ამბობს, რომ ხელისუფლებისთვის ამ თემის კიდევ ერთხელ წამოწევა პოლიტიკურად წამგებიანი იქნება, ისინი ამას უახლოეს პერიოდში ვერ გაბედავენ, მაგრამ "ჩვენ თუ დავიძინეთ, გაბედავენ კი არა, მეტსაც იზამენ".
"ხელისუფლება სანდო არ არის და არც არასდროს იქნება, ამის ილუზია არავის უნდა ჰქონდეს, მაგრამ ეს უდავოდ გამარჯვებაა. ხელისუფლებამ მოაწყო სახელმწიფო გადატრიალება, გავიდა კონსტიტუციის ფარგლებიდან, ხალხმა დროებით დაიბრუნა ძალაუფლება და ხელისუფლება აიძულა კანონიერების ფარგლებში დაბრუნებულიყო, ანუ აღადგინა კონსტიტუციური წესრიგი - აი, ეს მოხდა და ესაა კარგი. ხელისუფლება სანდო რომ არაა, ამიტომ უნდა იყოს მუდმივად ფხიზლად სამოქალაქო საზოგადოება - ყველა ნაბიჯი უკონტროლოს ხელისუფლებას, არ უნდა მისცეს იმის საშუალება, რომ ხალხის ნების საწინააღმდეგოდ რაიმე ნაბიჯი გადადგას.
ის, რომ ხალხს დაუვლიან და კანონის სიკეთეზე ლექციებს წაუკითხავენ, ეგ არის ლაი-ლაი. ვის უღიარებია მარცხი? ახლა „ოცნება“ ცდილობს სახე შეინარჩუნოს, მეტი არაფერი. რისი ამხსნელები არიან, კარგით, რა! რა უნდა ახსნან, აბსურდის ახსნა როგორ შეიძლება? ამ კანონპროექტის გატანა თუ უნდათ, მეორედ ვერ შემოიტანენ? ხელისუფლება რომ სანდო არაა, ორჯერ ორი ოთხია, არც ახლა და არც მომავალში არც ერთი ხელისუფლება არ იქნება სანდო, ამიტომ სამოქალაქო საზოგადოების ფუნქციაც ეს არის, რომ მუდმივი კონტროლია საჭირო, არ უნდა მოადუნოს ყურადღება. ხელისუფლებისთვის ამ თემის კიდევ ერთხელ წამოწევა პოლიტიკურად მხოლოდ წამგებიანი იქნება. რა თქმა უნდა, ისინი ამას უახლოეს პერიოდში ვერ გაბედავენ.
ახლა, ჩვენ თუ დავიძინეთ, გაბედავენ კი არა, მეტსაც იზამენ. ამ კანონპროექტის შემოტანა იყო სახელმწიფო გადატრიალება, ვინაიდან კონსტიტუციაში წერია, რომ კონსტიტუციურმა ორგანოებმა ყველაფერი უნდა გააკეთონ იმისთვის, რომ დაჩქარდეს ჩვენი გაწევრება ევროკავშირში, ამ დროს ისინი დგამენ ისეთ ნაბიჯებს, რომლებიც კეტავს ევროკავშირის კარს. ეს ნიშნავს, რომ ხელისუფლება გავიდა კონსტიტუციური სივრციდან, შესაბამისად, მან მოაწყო კონსტიტუციური გადატრიალება. ხელისუფლება მიდრეკილია ავტორიტარიზმისკენ, მათ გატესტეს საზოგადოება - რისი და სადამდე ატანა შეუძლიათ. ერთადერთი ქვეყანა, ვისაც მოსწონდა ეს კანონპროექტი, იყო რუსეთი და შესაძლებელია, ყველაფერი საქართველოს ოკუპაციითაც დასრულებულიყო".
მთავარი ფოტო: გიორგი ნაკაშიძე
ნახეთ ასევე:
- "კანონპროექტის ასე გაწვევა არ ხდება... სავარაუდოდ, ეს არის დროის მოგება და არა უარის თქმა რუსულ კანონზე" - რა განმარტებას აკეთებს იურისტი პროცედურებთან დაკავშირებით?
- პროტესტმა შედეგი გამოიღო - "ქართულმა ოცნებამ" ე.წ. უცხოური აგენტების შესახებ კანონპროექტი უკან გაიწვია
- "მოდი, დავიწყოთ მადლობით!" - გახარია ე.წ. აგენტების შესახებ კანონპროექტის გაწვევას ეხმაურება
მკითხველის კომენტარები /
70 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ბოკერია რაღაც ძალიან გაყურსულია როგორც ............ ბალახში
ეს არეულობა და ერის ორად გახლაჩვა ბიძინას და პუტინის ბრალია