მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"კანონპროექტის ასე გაწვევა არ ხდება... სავარაუდოდ, ეს არის დროის მოგება და არა უარის თქმა რუსულ კანონზე" - რა განმარტებას აკეთებს იურისტი პროცედურებთან დაკავშირებით?
11:19 / 09-03-2023
პარლამენტის რეგლამენტი არ ითვალისწინეებს პირველი მოსმენით მიღებული კანონპროექტის გაწვევას ამ წესით, განცხადებით - ყველაფერი ერთად მაფიქრებინებს, რომ ეს არის მხოლოდ და მხოლოდ დროის მოგება და არა რეალურად უარის თქმა ამ რუსულ კანონზე, - ამის შესახებ იურისტმა ლევან ალაფიშვილმა „ინტერპრესნიუსს“ განუცხადა, რითაც გამოეხმაურა „ქართული ოცნების“ განცხადებას, რომ საპარლამეტო უმრავლესობა ე.წ. აგენტების შესახებ მათ მიერ მხარდაჭერილ კანონპროექტს გაიწვევს.
როგორც ალაფიშვილი განმარტავს, რეალურად პროცესის დასრულება მხოლოდ იმით შეიძლება, რომ კანონპროექტი ვენეციის კომისიიდან გამოიწვიონ და ინიციატორებმა და მხარდამჭერებმა აღნიშნული კანონის პროექტი პლენარულ სხდომაზე მეორე მოსმენით ჩააგდონ.
თუმცა, ალაფიშვილის აზრით, გამომდინარე მმართველი გუნდის განცხადებიდან, სადაც ისინი კანონპროექტის საჯარო განხილვებზე საუბრობენ, სავარაუდოა, რომ კანონპროექტის ჩაგდებას არ აპირებენ და უბრალოდ დროს იგებენ.
"პარლამენტის რეგლამენტი არ ითვალისწინეებს პირველი მოსმენით მიღებული, კენჭნაყრელი კანონპროექტის გაწვევას ამ წესით, როგორც ეს გააკეთეს მისმა მხარდაჭერებმა დღევანდელი განცხადებით, მითუმეტეს, როდესაც განცხადებაში საუბარია განხილვებზე. რეალურად, რითიც შეიძლება პროცესი დასრულდეს ისაა, რომ ინიციატორებმა საკომიტეტო და პლენარულ კენჭისყრებზე, განხილვების გარეშე კენჭისყრით ჩააგდონ, ანუ წინააღმდეგ მისცენ ამ კანონპროექტს ხმა და ვენეციის კომისიიდანაც გამოიწვიონ. სხვა შემთხვევაში კანონპროექტის ასე გაწვევა არ ხდება და მისი გაგრძელება იურიდიულად ნებისმიერ დროს შეიძლება. მითუმეტეს, საგაზაფხულო სესიის ბოლომდე საკმაო დრო არის.
თუ კენჭისყრით წინააღმდეგ არ მისცეს ხმა, ეს ნიშნავს, რომ ისინი იგებენ დროს, პროტესტის გადაგორებით ზაფხულისთვის, როდესაც შეიძლება უკვე იყოს ვენეციის კომისიის დასკვნაც, ან არც დაელოდონ ამ დასკვნას და საგაზაფხულო სესიის ბოლოში სასწრაფოდ უყარონ კენჭი მეორე და მესამე მოსმენით და მიიღონ კიდეც. შესაძლოა, ე.წ. დროის მოგების პერიოდში სხვადასხვა მეთოდით შეეცადონ პოლიტიკური ოპინენტების განეიტრალებას, მათი საპროტესტო მუხტის კიდევ უფრო ჩახშობას.
არ აპირებენ ამას [ჩაგდებას]. მკაფიო დასკვნის გაკეთება რთულია, თუმცა მათ კარგად იციან, რა წერია რეგლამენტში, რომ ამ წესით არ ხდება გაწვევა. მეორე საკითხია ის, რომ განცხადებაში განხილვებზე საუბრობენ, ეს მაფიქრებინებს, რომ ისინი დროის მოგებას ცდილობებნ. რაც მთავარია, ამგვარი საჯარო განცხადებებით, ამ კანონპროექტთან დაკავშირებით უკვე მოიტყუეს არაერთხელ და ნდობა ამგვარი განცხადებების მიმართ დაბალია. მხედველობაში მაქვს ის, რომ თქვეს, ორივე კანონპროექტს განვიხილავთ, კენჭს ვუყრით და მერე გავაგზავნით ვენეციის კომისიაშიო, რაც არ გააკეთეს; 9-ში განვიხილავთო და 7-ში განიხილეს და ერთს, რუსულს უყარეს კენჭი. შესაბამისად, მათი საჯარო განცხადებები ამ პროცესთან დაკავშირებით ნულთან გათანაბრებული სანდოობით სარგებლობს. ამდენად, ყველაფერი ერთად მაფიქრებინებს, რომ ეს არის მხოლოდ და მხოლოდ დროის მოგება და არა რეალურად უარის თქმა ამ რუსულ კანონზე“,- განაცხადა ლევან ალაფიშვილმა.
შეგახსენებთ, რომ „ქართული ოცნების“ პოლიტიკური საბჭოს, „ხალხის ძალისა“ და საპარლამენტო უმრავლესობის ერთობლივი განცხადებით, მიიღეს გადაწყვეტილება, „უპირობოდ, ყოველგვარი დათქმის გარეშე გაიწვიონ კანონპროექტი“.
„ყოველივე ზემოაღნიშნულის გათვალისწინებით, როგორც საზოგადოების თითოეული წევრის წინაშე პასუხისმგებელმა მმართველმა ძალამ, მივიღეთ გადაწყვეტილება, უპირობოდ, ყოველგვარი დათქმის გარეშე გავიწვიოთ ჩვენს მიერ მხარდაჭერილი კანონპროექტი.
ემოციური ფონის ჩაცხრომასთან ერთად, საზოგადოებას უკეთ განვუმარტავთ, თუ რას ემსახურებოდა კანონპროექტი და რატომ იყო მნიშვნელოვანი უცხოური გავლენის გამჭვირვალობის უზრუნველყოფა ჩვენს ქვეყანაში. ამისათვის, დავიწყებთ შეხვედრებს მოსახლეობასთან და ფართო საზოგადოებას გავაგებინებთ სიმართლეს საკითხის თითოეულ დეტალთან დაკავშირებით“,- ნათქვამია განცხადებაში.
ნახეთ ასევე:
მკითხველის კომენტარები /
45 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სანამ რუსულს დაარქმევდი წაიკითხეთ! ისე,იცოდეთ ეს კანონი,რომელიც ამერიკულის კოპიოა ევროპარლამენტმა უნდა მიიღოს,სახალხო პარტიამ შეიტანა.
კარგი სიტყვაა ალაფი!