2
აპრილიდღის ზოგადი ასტროლოგიური პროგნოზი
პარლამენტთან ე.წ. უცხო ქვეყნის გავლენების აგენტების შესახებ კანონპროექტების საწინააღმდეგო აქცია მიმდინარეობს.
ადგილზე იმყოფებიან არასამთავრობო სექტორის წარმომადგენლები, პოლიტიკოსები, მოქალაქეები.
ისმის საყვირები ხმა, ასევე, შეძახილები "არა რუსულ კანონს".
მათ პარლამენტთან მოტანილი აქვთ ხის კედელი, რომელზეც "ქართული ოცნების" წარმომადგენლების კარიკატურულ სურათებს აკრავენ. სურათებზე გამოსახული არიან - ბიძინა ივანიშვილი, ირაკლი კობახიძე, კახა კალაძე, თეა წულუკიანი, ირაკლი ღარიბაშვილი.
ადგილზე მობილიზებულია ასევე, პოლიცია.
აქციაზე ჩართეს ხალხური სიმღერის "ჩაკრულოს" ჩანაწერი.
ცნობისთვის, ე.წ. უცხო ქვეყნის გავლენის აგენტების შესახებ კანონპროექტების განხილვას პარლამენტი დღეიდან დაუბრუნდა და ის ხმაურით დაიწყო. მოხდა ფიზიკური დაპირისპირება, რის მერეც ოპოზიციონერი დეპუტატები სხდომიდან გააძევეს.
“უცხოური გავლენის გამჭვირვალობის შესახებ“ და “უცხოელი აგენტების რეგისტრაციის შესახებ“ კანონპროექტები სავალდებულო წესით განიხილა და მხარი დაუჭირა პარლამენტის საგარეო ურთიერთობათა და თავდაცვისა და უშიშროების კომიტეტებმა.
ე.წ. აგენტების შესახებ კანონპროექტების განხილვა როგორც პარლამენტში, ასევე პარლამენტს გარეთ მწვავე პროტესტის ფონზე მიმდინარეობდა.
კანონპროექტები წარდგენილია „ხალხის ძალიდან“ უმრავლესობის წევრი დეპუტატების: - სოზარ სუბარის, დიმიტრი ხუნდაძის, მიხეილ ყაველაშვილის, გურამ მაჭარაშვილის, დაჩი ბერაიას, ვიქტორ ჯაფარიძის, ეკა სეფაშვილის, დავით კაჭარავას და ზაალ მიქელაძის მიერ.
ქართლური ფოლკლორის ბრწყინვალე ნიმუშის-"მეტივურის" ტექსტითა და მოტივით აწყობილი დიდებული-"ჩაკრულო"- დღევანდელი საამაყო ახალგაზრდების სულისკვეთებას გამოხატავს.
ვის გაახსენდა ჩაკრულოოოო????? ქართული არაფერი გინდათ,მხოლოდ ევროპულიო,ქართულენაზე ლაპარაკიც კი გეპაზორებათ და თქვენ გინდათ რომ დავიჯერო თვქენი ამ ქვეყნის სიყვარული?ისე თვქენი სურათებით რომ დაიწყოთ ურიგო არ იქნება.