მნიშვნელოვანი ინფორმაცია
28
მარტიდღის ზოგადი ასტროლოგიური პროგნოზი
პარასკევი, მთვარის ოცდამეცხრე დღე დაიწყება 06:58-ზე, მთვარე თევზებშია
საკმაოდ რთული დღეა. არ დაიწყოთ ახალი საქმეები. მოერიდეთ ფინანსურ ოპერაციებს, ყოველგვარ ვაჭრობასა და სასამართლო საქმეს. სხვა დღისთვის გადადეთ უფროსთან შეხვედრა და საქმეებზე საუბარს. არ გირჩევთ მგზავრობას, საქმეების გარჩევას. მეტად დაისვენეთ. კარგია მსუბუქი ვარჯიში. დღეს ქორწინება დაუშვებელია. განქორწინების მიზეზი ერთ-ერთი მეუღლის ღალატი ან ტყუილი გახდება. სასურველია დაიცვათ მარხვა. ძილის წინ მიიღეთ შხაპი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"საბაშვილმა პროცესზე მხოლოდ ორი სიტყვა თქვა - "თავს ვიცავდი" - პროკურატურამ პატიმრობის მოთხოვნის ერთ-ერთ საფუძვლად დაკავებულის ორმაგი მოქალაქეობა დაასახელა: პროცესის დეტალები
12:24 / 03-03-2023
გორის რაიონული სასამართლოს მოსამართლე დავით მაკარაძემ სრულად გაიზიარა ბრალდების მხარის პოზიცია და ორი ადამიანის განზრახ მკვლელობის ბრალდებით დაკავებულ ნიკა საბაშვილს აღკვეთის ღონისძიებად პატიმრობა შეუფარდა.
როგორც სხდომაზე პროკურორმა მიხეილ ბერიაშვილმა აღნიშნა, ბრალდებული ორმაგი მოქალაქეობის მქონეა (საქართველოს და რუსეთის ფედერაციის), რამდენჯერმე ფიქსირდება მისი მხრიდან საზღვრის კვეთა, რაც ნიშნავს იმას, რომ ქვეყნის ფარგლებს გარეთ საბაშვილს აქვს გარკვეული კონტაქტები და შესაბამისდ, არსებობს მიმალვის საფრთხე, აღნიშნულის გარდა, ბრალდების მხარემ პატიმრობის გამოყენების სხვა საფუძვლებიც დაასახელა.
"საქმეზე შეკრებილი და წარმოდგენლია მტკიცებულებები, რომლებიც დასაბუთებული ვარაუდის სტანდარტით ასაბუთებენ ბრალდებულის მიმართ აღკვეთის ღონისძიების გამოყენების ფაქტობრივ საფუძვლებს. ბრალდების მხარეს მიაჩნია, რომ ბრალდებულის მიმართ აღკვეთის ღონისძიებად პატიმრობა უნდა იქნას გამოყენებული. მოგეხსენებათ, სისხლის სამართლის საპროცესო კოდექი პატიმრობის გამოყენების საფუძვლად უთითებს მიმალვის, ახალი დანაშაულის ჩადენის ან მტკიცებულებების განადგურების საფრთხეს, ჩვენი პოზიციაა, რომ ამ შემთხვევაში, სამივე საფრთხე სრულიად დასაბუთებულია, დაცვის მხრის მხრიდან საუბარი იყო გამოძალვაზე, მაგრამ ეს პირი არჩევანს არ აკეთებს კანონის სასარგებლოდ და თავად იღებს გადაწყვეტილებას, ამიტომ უალტერნატივოდ ვითხოვთ აღკვეთის ღონისძიებად პატიმრობის გამოყენებას“, - განაცხადა მიხეილ ბერიაშვილმა.
ბრალდების მხარის პოზიციას ცალსახად არ იზიარებს დაცვის მხარე. ნიკა საბაშვილის ინტერესებს სამი ადვოკატი იცავს - ნოდარ ცინცაძე, სულხან კომახიძე და გოჩა გოჩიტაშვილი.
დაცვის მხარემ სასამართლოს წინაშე დააყენა შუამდგომლობა, რომ საბაშვილს აღკვეთის არანაირი ღონისძიება არ შეფარდებოდა.
"თუ ფაქტებს სწორად წარმოვაჩენთ, ის საფრთხეები, რაზეც ბრალდების მხარე საუბრობდა, ავტომატურად ნეიტრალდება. ბრალის ფორმულირება ბრალდების მხარემ არაობიექტურად მოგვაწოდა. საქმეში არსებული მტკიცებულებები მოწმობს, რომ ჩემი დაცვის ქვეშ მყოფს, ამ ადამიანების მოკვლის წინასწარი განზრახვა არ ჰქონია. მისი კუთვნილი, მის სახელზე რეგისტრირებული სანადირო თოფი, რომელიც ავტომანქანის უკანა სავარძელზე იდო, საბრძოლო მდგომარეობაშიც კი არ იყო მოყვანილი და მხოლოდ მას შემდეგ მოიყვანა საბრძოლო მდგომარეობაში, როდესაც ამ პირების მხრიდან შეურაცხყოფის და მუქარის კორიანტელი წამოვიდა, სწორედ მათ დასანახავად მოიყვანა იარაღი საბრძოლო მდგომარეობაში, რომ აღნიშნული პირები მოეგერიებინა. სასამართლოს წინაშე ვაყენებთ შუამდგომლობას, რომ ბრალდებულის მიმართ აღკვეთის ღონისძიებად საერთოდ არ იყოს გამოყენებულ პატიმრობა და ვაყენებთ შუამდგომლობას, რომ გამოყენებულ იქნას შემდეგი შეზღუდვები: ყველა სახის საბუთის (პირადობის მოწმობა, პასპორტი) ჩამორთმევა;
მოწმეებთან მიახლოების აკრძალვა; ელექტრონული მონიტორინგი (ელექტროსამაჯურის გამოყენებით); პოლიციის განყოფილებაში ყოველდღიურად გამოცხადების ვალდებულება; გირაო“, - განაცხადა სხდომაზე ბრალდებულის ადვოკატმა ნოდარ ცინცაძემ, თუმცა, მოსამართლემ აღნიშნული შუამდგომლობა არ დააკმაყოფილა.
დაცვის მხარის განცხადებით, ნიკა საბაშვილი დააკავეს ორი მუხლით - სსკ-ის 108-ე (განზრახ მკვლელობა) და სსკ-ის 19-109-ე (განზრახ მკვლელობის მცდელობა), თუმცა, ოფიციალურად, ბრალი მხოლოდ ერთი მუხლით წარუდგინეს - ორი ან მეტი პირის განზრახ მკვლელობის მცდელობა და ამჟამად, საბაშვილის საქმეში მხოლოდ ეს ერთი მუხლი ფიგურირებს.
"ბრალის ოფიციალურად წარდგენისას, ერთი მუხლი ასე ვთქვათ, "გაქრა“ - განზრახ მკვლელობა და ჩემი დაცვის ქვეშ მყოფს ბრალი წარედგინა მხოლოდ სსკ-ის 11-109-ე მუხლით, განზრახ მკვლელობის მცდელობით, რაც, ვფიქრობთ, არის იმის პრევენცია, რომ საბაშვილმა არ დააყენოს მოთხოვნა, მისი საქმე განიხლონ ნაფიცმა მსაჯულებმა. რელურად, ჩვენი დაცვის ქვეშ მყოფი წინასასამართლო სხდომაზე გეგმავს ამ მოთხოვნის დაყენებას, თუმცა, სისხლის სამართლის კოდექსის 108-ე მუხლით ჩადენილი დანაშაულის გარეშე (განზრახ მკვლელობა), ამ მოთხოვნას ვერ დააყენებს, ამიტომ მივმართეთ სასამართლოზე ბრალდების მხარეს - დაუბრუნეთ საქმეს 108-ე მუხლი. ჩვენ არ უარვყოფთ მომხდარ ფაქტს, არც იმას, რომ ჩვენი დაცვის ქვეშ მყოფის მიერ განხორციელებული გასროლის შედეგად დაიღუპა ერთი ადამიანი, შესაბამისად, როცა არის გარდაცვლილი, მისი საქმიდან 108-ე მუხლი არ უნდა ამოეღოთ“, - აღნიშნა ადვოკატმა.
- საქმის ერთ-ერთი პროკურორის, ნიკოლოზ სანიკიძის განცხადებით, ამ ეტაპზე გამოკვეთილია შურისძიების მოტივი, ფულის გამოძალვის ფაქტზე კი საქმე ცალკე წარმოებად გამოიყო.
"სასამართლომ, ბრალდების მხარის მიერ წარმოდგენილი მტკიცებულებების საფუძველზე მიიღო გადაწყვეტილება, რომ აღკვეთის ღონისძიების სახით პატიმრობა გამოყენებულიყო. თუ მხედველობაში მივიღებთ თვითონ დანაშაულის ხასიათს და იმ გარემოებებს, თუ რა ვითრებაში მოხდა აღნიშნული დანაშაულის და აღნიშნული ქმედების ჩადენა ბრალდებულის მხრიდან, ბრალდების მხარის მხრიდან ყველა ფორმალური და ფაქტობრივი, ასევე სამართლებრივი საფუძველი იქნა სასამართლოში წარმოდგენილი მტკიცებულების სახით, რაც პირდაპირ მიუთითებდა იმას, რომ აღკვეთის ღონისძიების სახით პატიმრობის გამოყენების ყველა წინაპირობა არსებობდა, რაც სასამართლომაც შეაფასა და შესაბამისად, მიიღო გადაწყვეტილება პატიმრობის გამოყენების თაობაზე.
მტკიცებულებებიდან გამომდინარე, ამ ეტაპზე გამოკვეთილია შურისძიების მოტივი, რაც შეეხება სხვა წინაპირობებს, გამოძიება გრძელდება და შესაბამისად, ყველა სკითხი რაც უკავშირდება მოტივს, არ დარჩება შეფასების გარეშე, უფრო მეტიც, გამოყოფილი არის ცალკე სისხლის სამართლის საქმე გამოძალვასთან დაკავშირებით და შინაგან საქმეთა სამინისტროს საგამოძიებო უწყების მიერ დაკავებულია ერთი პირი“, - განაცხადა პროკურორმა ნიკოლოზ სანიკიძემ.
თავად ბრალდებულმა სხდომაზე მხოლოდ ორი სიტყვა თქვა - "თავს ვიცავდი".
აღკვეთის ღონისძიების შეფარდებაზე გამართულ სასამართლო სხდომას ბრალდებულის ოჯახს წევრები და მედიის წარმომადგენლები ესწრებოდნენ, შემთხვევის შედეგად გარდაცვლილი და დაშავებული პირების ახლობლები პროცესს არ დასწრებიან.
ადვოკატების განცხადებით, მას შემდეგ, რაც დაცვის მხარე დასაბუთებულ გადაწყვეტილებას ჩაიბარებს, საბაშვილისთვის აღკვეთის ღონისძიებად პატიმრობის შეფარდებაზე მიღებულ გადაწყვეტილებას გაასაჩივრებს.
წინასასამართლო სხდომა 24 აპრილს ჩაინიშნა.
შეგახსენებთ, 28 თებერვალს, გორში, რკინიგზის სადგურის დასახლებაში მოქმედი ერთ-ერთი ავტოსახელოსნოს მღებავმა, ნიკა საბაშვილმა, მის სახელზე რეგისტრირებული ცეცხლსასროლი იარაღიდან ორი პირის მიმართ გასროლა განახორციელა, რა დროსაც ერთი ადამიანი გარდაიცვალა, მეორემ კი სხეულის მრავლობითი ცეცხლნასროლი დაზიანებები მიიღო, დაშავებულს ჩაუტარდა რამდენიმე ურთულესი ოპერაცია, ამჟამად მკურნალობა უტარდება სამხედრო ჰოსპიტლის რეანიმაციულ განყოფილებაში და მისი მდგომარეობა კვლავ კრიტკულად მძიმეა.
ბრალდებული საბაშვილის ადვოკატების განცხადებით, აღნიშნული პირები ავტოსახელოსნოში დასაქმებული ოჯახის სამ წევრს - მამას და შვილებს ფულს სძალავდნენ და ემუქრებოდნენ, რაც დაპირისპირების მიზეზი გახდა.
ბრალდებული, 32 წლის ნიკა საბაშვილი 4 მცირეწლოვანი შვილის მამაა, რაც შეეხება დაშავებულ 27 წლის ვანო ღვინიაშვილს, მას ახალგაზრდა მეუღლე ონკოლოგიური დაავადებით გარდაეცვალა და ორი მცირეწლოვანი შვილი ჰყავს.
ნახეთ ასევე:
- "გორში დააკავეს ერთი პირი, რომელიც გარდაცვლილ და დაშავებულ პირებს თანხის მოთხოვნის დროს თან ახლდა" - რას ამბობს დაკავებული ნიკა საბაშვილის ადვოკატი?
- "იფიქრა სახლშიც არ მომადგნენ, შვილები მყავსო... ატენში მიდიოდა, რა დროსაც გზაზე გადაუდგნენ" - გორში დაკავებული პირი ამბობს, რომ მკვლელობა მოგერიების დროს ჩაიდინა
მკითხველის კომენტარები /
25 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
გამოიძიეთ ის საქმეც პროფილაქტიკა რომ გაუძარცვეს ბრალდებულს. რომ ვერ ნახა სამართალდამცავების მხრიდან თანადგომა, იძულებული გამხდარა კაცი ტვიტონ ეძებნა სამართალი.
განიხილოს საქმე ნაფიცმა მსაჯულებმა. პროკურატურას არ უნდა რომ ხალხს ენდოს? მაშინ რაღატომ შემოიღეს ეს ინსტიტუტი? ჩემი აზრით, ადვილად გაირვევა, ვინ იყვნენ ის ტიპები, სძალავდნენ თუ არა ფულს. თუ ეგრე იყო, ხალხი მიიღებს სწორ გადაწყვეტილებას, დარწმუნებული ვარ და ხალხი გამოუშვებს ამ კაცს თავისუფლებაზე.