10
მაისიდღის ზოგადი ასტროლოგიური პროგნოზი
პარლამენტის ფოეიში კვლავ დაძაბული ვითარებაა. საგარეო ურთიერთობათა და თავდაცვისა და უშიშროების კომიტეტების ერთობლივ სხდომაზე, სადაც ე.წ. აგენტების შესახებ კანონპროექტების განხილვა მიმდინარეობს არასამთავრობო სექტორის ნაწილს არ უშვებენ.
ოპოზიციონერი დეპუტატი ხათუნა სამნიძე მოითხოვდა სხდომაზე დაეშვათ EECMD-ს ხელმძღვანელი და "საქართველოს ევროპული პლატფორმის" თანადამფუძნებელი, ლევან ცუცქირიძე, თუმცა, უსაფრთხოების სამსახურის წარმომადგენლებმა ცუცქირიძე კომიტეტზე არ შეუშვეს და სამნიძეს განუმარტეს, რომ თავად შეეძლო დასწრებოდა კომიტეტს, რაზეც სამნიძემ უპასუხა, რომ "ეს მისი ნებართვის გარეშეც შეეძლო."
როგორც ცუცქირიძე აცხადებს, არასამთავრობო სექტორის წარმომადგენელთა უდიდესმა ნაწილმა დღეს სხდომაზე შესვლა ვერ შეძლო.
"აქ არავინ არაკანონიერს არ ითხოვს, შეუშვეს "ხალხის ძალის" მხარდამჭერები, ადამიანები, რომლებიც არ არიან დეპუტატები. პოლიტიკური გადაწყვეტილებაა ასეთი, სრულიად უკანონო. არასამთავრობო სექტორის უდიდეს ნაწილს არ მიეცა შესვლის შესაძლებლობა, რამდენიმემ მოახერხა და კარგია, რომ იქ არიან, მაგრამ უდიდესმა ნაწილმა ვერ შეძლო. როგორც ჩანს გარკვეული ადამიანები ჰყავდათ სპეციფიკურად ამორჩეული, რომ არაფრის დიდებით არ შეუშვან.
ამ კანონპროექტის ავტორები და მხარდამჭერები არიან ხალხი, ვინც ებრძვის თავისუფლების იდეას საქართველოში. პროექტის დეტალებს არანაირი მნიშვნელობა არ აქვს, ორივე პროექტის სულისკვეთებაა, მოკლან თავისუფლების იდეა საქართველოში,"- განაცხადა ცუცქირიძემ.
გარდა არასამთავრობო სექტორისა, სხდომაზე შეფერხებით შეუშვეს ოპოზიციონერი დეპუტატი არმაზ ახვლედიანი, რომელმაც სხდომა დროებით დატოვა. მას თავდაპირველად უთხრეს, რომ შესვლას ვერ შეძლებდა, თუმცა, ახვლედიანმა რამდენიმე წუთში კომიტეტზე შესვლა შეძლო.
ფოიეში არასამთავრობო ორგანიზაციების წარმომადგენლები პერიოდულად სკანდირებენ - "მონებო!“ პროტესტის გამოხატვის მიზნით პერიოდულად კვლავ ისმის სტვენა და შეძახილები: „არა რუსულ კანონს!“
- მანამდე სხდომა დეპუტატებს ანა ნაცვლიშვილსა და ხათუნა სამნიძეს ძალის გამოყენებით დაატოვებინეს.
იქამდე საგარეო ურთიერთობათა კომიტეტის თავმჯდომარემ ნიკოლოზ სამხარაძემ მანდატურებს მოუწოდა, რომ სხდომათა დარბაზიდან გაეყვანათ ნებისმიერი ადამიანი, რომელიც სიტყვით გამომსვლელს ხელს შეუშლიდა.
მას შემდეგ, რაც დეპუტატ დიმიტრი ხუნდაძის სიტყვით გამოსვლისას, ხათუნა სამნიძე და ანა ნაცვლიშვილი მას კონტრარგუმენტებით დაუპირისპირდნენ, ნიკოლოზ სამხარაძემ მანდატურებს ბრძანების აღსრულება და დეპუტატების გარეთ გაყვანა მოსთხოვა, რის შედეგადაც სამნიძეს და ნაცვლიშვილს სხდომათა დარბაზი დაატოვებინეს.
პარალელურად საქართველოს პარლამენტთან აქცია მიმდინარეობს. აქციაზე იმყოფებიან სამოქალაქო სექტორისა და ოპოზიციური პოლიტიკური პარტიების წარმომადგენლებიც.
აქციის მონაწილეები "ხალხის ძალის" მიერ ინიცირებულ ე.წ. აგენტების შესახებ კანონპროექტს აპროტესტებენ.
აქციის მონაწილეები სკანდირებენ: "ძირს რუსული მთავრობა!". ადგილზე მობილიზებულია პოლიცია.
ამათ ძიძგილაობას როდემდე უნდა უყუროს ქართველმა ხალხმა
ის რაც ჩვენ ვიხილეთ დღეს პარლამენტში რომელს ჰქონდა ქალის სახე. რა უნდათ ამათ პარლამენტში ვისზედ იხარჯება ბიუჯეტის ფული რომელიც ხალხის ჯიბიდან ივსება.ისე იყვნენ აჟიტორებულები,რომ აშკარა ა უკვე ვინ ფინანსდება ქვეყნის არევისთვის თვითონ გაშიფრეს თავიაანთ თავები