მნიშვნელოვანი ინფორმაცია
10
მაისიდღის ზოგადი ასტროლოგიური პროგნოზი
შაბათი, მთვარის მეთოთხმეტე დღე დაიწყება 19:15-ზე, მთვარე მორიელში იქნება 23:58-დან
დაგეგმეთ მნიშვნელოვანი საქმეები, შეხვედრები. მოაგვარეთ ფინანსური დოკუმენტები, საკითხები. კარგია ახალი საქმეების დაწყება. უძრავ ქონებასთან დაკავშირებული საკითხების მოგვარება. ცუდი დღეა სასამართლო საქმეებისთვისა და განქორწინებისთვის. მოერიდეთ კონფლიქტს. უფრო მეტი, გაამყარეთ ურთიერთობა ნათესავებთან. კარგი დღეა უფროსთან საქმეების განსახილველად, სამსახურის, საქმიანობის შესაცვლელად. ამ დღეს დაწყებული მოგზაურობა ან მივლინება საინტერესოდ ჩაივლის. არასასურველია ქორწინება და ნიშნობა. არ გადატვირთოთ კუჭი. შეამცირეთ ალკოჰოლის დოზა და სიგარეტის რაოდენობა. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ეს ჩემი მახინჯი სამშობლოა... არასად წავალ" - თეატრიდან გაგდების შემდეგ ლია ახეჯაკოვას რუსეთიდან გაძევებით ემუქრებიან, ბარბარა ბრილსკას კი - "ბედის ირონიიდან" წაშლით
10:35 / 15-02-2023
ცნობილი მსახიობი ლია ახეჯაკოვა რუსული თეატრის, "სოვრემენნიკის" სცენიდან გაძევების შემდეგ, რუსი "ჰეითერების" მასშტაბური თავდასხმის ობიექტად იქცა. პუტინისტები დიდ არტისტს ქვეყნიდან გაძევებითაც ემუქრებიან... ახეჯაკოვა ამბობს, რომ ამ აღვირახსნილი თავდასხმების შემდეგ, იძულებული გახდა "ინსტაგრამზე" საკუთარი ანგარიში დაეხურა, თუმცა აცხადებს, რომ წასვლას არსად აპირებს...
ის ამ თემაზე დასმული შეკითხვის საპასუხოდ ჯგუფ DDT-ს სიმღერას ციტირებს. "Это моя "родина-уродина..." - "ეს ჩემი მახინჯი სამშობლოა... ჩვენ ის მაინც მოგვწონს, მიუხედავად იმისა, რომ სილამაზით არ გამოირჩევა. უკვე 84 წლის ვარ, არსად წავალ, დაე, ისინი წავიდნენ... მე აქ ვარ იმიტომ, რომ ეს ყველაფერი გადავიტანო, უკვე ძალიან დიდი ხანია აქ ვცხოვრობ..." - ამბობს მსახიობი.
ახეჯაკოვა ვარაუდობს, რომ მალე მას უცხოელი აგენტების სიაში შეიყვანენ.
შეგახსენებთ, ამ ცოტა ხნის წინ ცნობილი გახდა, რომ მისი სპექტაკლი"ვთამაშობთ ჯინს" ამოიღეს "სოვრემენნიკის" რეპერტუარიდან, მეტიც, გააუქმეს ყველა სპექტაკლი მისი მონაწილეობით იმ თეატრში, რომლის სცენაზეც 50 წელიწადი იდგა. როგორც უკვე ვწერდით, თეატრის დირექტორმა იური კრავეცმა სახალხო არტისტს დაურეკა და უთხრა, რომ მისი სპექტაკლები მოიხსნა თეატრში შესული უკმაყოფილო წერილების გამო, სადაც ეწერა, რომ ახეჯაკოვა "რუსოფობი და მოღალატეა“, რომ ის თეატრის სცენას ბილწავს.
- ლია ახეჯაკოვა დიდი ხანია აპროტესტებს პუტინის რეჟიმის პოლიტიკას, ის განსაკუთრებულად შეურიგებელი აღმოჩნდა რუსეთის უკრაინაში შეჭრის შემდეგ. არ მალავს, რომ გმობს რუსეთის აგრესიას უკრაინის წინააღმდეგ.
ახალი პრობლემების თავიდან ასაცილებლად 84 წლის ახეჯაკოვა რუსულ პრესასთან კონტაქტს ერიდება.
"ნებისმიერი ინტერვიუ, რომელსაც ვაძლევ, შეიძლება თავდაყირა დააყენონ, შეცვალონ და რამე დამაბრალონ“, - ამბობს ახეჯაკოვა DW-სთან და კითხვაზე: "როგორ იცხოვრებ ახლა - თეატრის გარეშე?“ - დანანებით პასუხობს: "დიდი დრო არ დამრჩენია, როგორმე ვიცხოვრებ...“
- აქცია ახეჯაკოვას მხარდასაჭერად
ცნობილმა რეჟისორმა კირილ სერებრენიკოვმა, რომელმაც რუსეთი უკრაინის წინააღმდეგ ომის დაწყებამდე დატოვა, ახეჯაკოვას მხარდასაჭერად აქცია - "წერილები ლიას“ წამოიწყო. სერებრენიკოვმა პირობა დადო, რომ მის ელექტრონული ფოსტის მისამართზე მიღებულ ყველა შეტყობინებას დაბეჭდავს და პირადად გადასცემს ცნობილ მსახიობს. რეჟისორმა ასევე დააანონსა, რომ წერილებს გაგზავნის თეატრშიც, საიდანაც მსახიობი გაათავისუფლეს.
"ყველაფერი, რაც ბოლო ხანს მოხდა რუსული თეატრისა და კინოს ლეგენდასთან დაკავშირებით, მიუღებლად და ამაზრზენად მიმაჩნია“, - წერს სერებრენიკოვი სოციალურ ქსელში.
ახეჯაკოვას სოციალურ ქსელებში მხარს უჭერს პოპულარული მსახიობი ანდრეი ბურკოვსკიც, რომელიც გასული წლის ბოლოდან აშშ-ში იმყოფება.
"ლია ახეჯაკოვა, მე ყოველთვის აღფრთოვანებული ვიყავი თქვენით, ვოცნებობ, რომ სცენაზე გნახოთ“, - წერს ბურკოვსკი.
სახალხო არტისტს ბევრმა სხვა კოლეგამაც გამოუცხადა მხარდაჭერა.
ჩულპან ხამატოვამ, რომელიც ახეჯაკოვასთან ერთად მუშაობდა თეატრ "სოვრემენნიკში", მის მხარდასაჭერად ვიდეო ჩაწერა.
"ახეჯაკოვა საუკეთესოა თეატრში. იქ მასზე უკეთესი არავინაა", - ამბობს ხამატოვა. "აღშფოთებული ვარ, რაც მოხდა, ეს სიმხდალე და სისაძაგლეა... ლია ახეჯაკოვა მთელ ქვეყანას უყვარს“.
შეგახსენებთ ხამატოვამ რუსეთი ომის დაწყების შემდეგ დატოვა, ის ლატვიაში ცხოვრობს.
რუსეთის ფედერაციის სახალხო არტისტი მარია მირონოვა კი "ინსტაგრამზე" წერს:
"მტკივნეულად სევდიანი, აღმაშფოთებელი უსამართლობა, რომელსაც ვერაფრით ხარშავს ჩემი ტვინი.. ლია ახეჯაკოვა სცენაზე ვერ ადის? რა არის ეს?". ამასთან დაკავშირებით მარია მირონოვამ ასევე გაიხსენა რუსეთის ფედერაციის სახალხო არტისტი დიმიტრი ნაზაროვი, რომელიც ომის საწინააღმდეგო პოზიციისთვის, მეუღლესთან - ოლგა ვასილიევასთან ერთად, ამ ცოტა ხნის წინ გაათავისუფლეს მოსკოვის სამხატვრო თეატრიდან. "ჩემი აზრით, ეს არის ის ზღვარი, რომლის იქით გასვლა უკვე შეუძლებელია, ძვირფასებო, მხარი დაუჭირეთ მათ!" - ამბობს მირონოვა.
- "ბედის ირონია"
ლია ახეჯაკოვას მხარი ცნობილმა პოლონელმა მსახიობმა ბარბარა ბრილსკამაც დაუჭირა. მათ ერთად ითამაშეს ელდარ რიაზანოვის ლეგენდარულ ფილმში "ბედის ირონია“. ბრილსკამ განაცხადა, რომ მისი სამშობლო უღირსია და ახეჯაკოვას ურჩია, დაეტოვებინა რუსეთი.
"ლია, ასე გააგრძელე! რა თქმა უნდა, მან უნდა დატოვოს ქვეყანა. ეს კომუნისტები, ღმერთისგან დაწყევლილი ხალხია“, - განაცხადა ბრილსკამ.
ამის შემდეგ რუსეთის დუმის წევრმა, ოლგა ზანკომ განაცხადა, რომ სურს ბარბარა ბრილსკა ფილმ "ბედის ირონიიდან“ წაშალონ. დასავლეთის მიერ სანქცირებულთა სიაში შეყვანილი ზანკოს თქმით, ეს მარტივი და შესაძლებელია თანამედროვე ტექნოლოგიების დახმარებით. მან გამოაქვეყნა მოკლე ვიდეო Telegram-ზე, რომელშიც ბრილსკა მსახიობი ვალენტინა ტალიზინათი შეცვალა. "მე თვითონ გავაკეთე, პროფესიონალებს ეს კიდევ უკეთესად გამოუვათ“, - წერს დეპუტატი.
იხილეთ ასევე:
მკითხველის კომენტარები /
34 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რომელიმე ქართულმა დასმა მოიწვიეთ მიეცით როლი მეორე სიცოცხლეს აჩუქებთ
არსებობენ ადამიანები დიდი სულიერი ძალით.
მე უაღრესად ვაფასებ ასეთ თითო ოროლა პიროვნებას