"გამოძიება დაადგენს, რა იყო მომხდარი საზარელი მკვლელობის მიზეზი" - თავდაცვის მინისტრი საგარეჯოში დაღუპულთა ოჯახებს სამძიმარს უცხადებს
საქართველოს თავდაცვის მინისტრი, რომელიც ოფიციალური ვიზიტით გერმანიაში იმყოფება და რამშტაინის საჰაერო ბაზაზე უკრაინის საკონტაქტო ჯგუფის შეხვედრას ესწრება, საგარეჯოში მომხდარ ტრაგედიას გამოეხმაურა.
ჯუანშერ ბურჭულაძემ დაღუპულთა ოჯახებს მიუსამძიმრა და დაშავებულებს გამოჯანმრთელება უსურვა.
"მინდა, საგარეჯოში დაღუპულების ოჯახებს მივუსამძიმრო. გამოძიება დაადგენს, თუ რა იყო მომხდარი საზარელი მკვლელობის გამომწვევი მიზეზი. მინდა, კიდევ ერთხელ მივუსამძიმრო ყველა დაღუპულის ოჯახის წევრებს და ასევე, დაშავებულებს ჯანმრთელობა ვუსურვო“, - განაცხადა ჯუანშერ ბურჭულაძემ.