8
მაისიდღის ზოგადი ასტროლოგიური პროგნოზი
გუშინ სოციალურ ქსელში გავრცელდა ინფორმაცია, რომ ჭიათურაში მაიმუნები მძიმე პირობებში, ყინვაში ჰყავდათ და ადგილი, სადაც ცხოველები იყვნენ, სტანდარტებს არ შეესაბამებოდა.
"მოკლედ, ესეთი ამბავია, გადაწყვიტეს ჭიათურაში (!) ჩაეყვანათ მაიმუნები, ჩაესვათ უპატარავეს გალიებში ტბასთან, ყოლოდათ გარეთ მინუს გრადუსში და გაეყინათ, თურმე ერთმანეთს ასე ეკრობიან და კანკალებენ. სიცივის გარდა მეორე პრობლემა არის სივრცე, რომელიც არანაირ სტანდარტს არ შეესაბამება.
აუცილებელია ქონდეთ დამატებითი სივრცე, სადაც შეძლებენ დასვენებას და ადამიანებისგან თავის არიდებას. ამჟამად არიან საშინელ სტრესში 2 კვადრატულში გამომწყვდეულები. რავი, გვაკლია ნეგატივი ამ ქვეყანაში? მაიმუნების ტანჯვას რატომ გვაყურებინებენ" - დაწერა მარიამ ცერცვაძემ, რომლის პოსტსაც უამრავი გამოხმაურება მოყვა. საზოგადოების ნაწილი ჭიათურის მერიასა და გარემოს დაცვის ეროვნულ სააგენტოს რეაგირებისკენ მოუწოდებდნენ.
- მოგვიანებით, გავრცელებულ ინფორმაციას "გამოგონილი ამბავი" უწოდეს ჭიათურის მუნიციპალიტეტის მერიაში და აღნიშნეს, რომ რეალურად, მაიმუნები იმყოფებიან შესაბამის პირობებში და კლიმატის ცვლილების გათვალისწინებით ხდება მათი მოვლა.
"სოციალურ ქსელში ჭიათურის მუნიციპალიტეტთან დაკავშირებით მორიგი დეზინფორმაცია ვრცელდება. გამოგონილი ამბავი იმის შესახებ, რომ გედების ტბასთან დაბინავებული მაიმუნები "უპატარავეს გალიებში, მინუს გრადუსში იყინებიან", აბსოლუტური სიცრუეა და საერთო არაფერი აქვს სინამდვილესთან.
რეალობა კი ასეთია - ისინი იმყოფებიან შესაბამის პირობებში და კლიმატის ცვლილების გათვალისწინებით ხდება მათი მოვლა, იზოლირებული არიან ენოტებისგან, მათი სამყოფელი თბება ნორმის ფარგლებში. ჩვენს მინი-ზოოპარკში დაბინავებულ ყველა ცხოველს და ფრინველს მეთვალყურეობას უწევს სპეციალისტი.
ეს არ არის პირველი შემთხვევა, როდესაც ჩვენს მუნიციპალიტეტთან დაკავშირებით მიზანმიმართულად ხდება მსგავსი აბსურდული თემების წამოწევა, თუმცა სიმართლე მალევე ირკვევა, რადგან ჩვენ საქმეს არ ვაკეთებთ ფასადურად, ვინმესთვის თავის მოსაწონებლად, ჩვენ ვშრომობთ ჩვენი მუნიციპალიტეტისთვის, ჩვენი მოქალაქეებისთვის და ამის გადაფარვა სიცრუით შეუძლებელია" - წერს ჭიათურის მერიის თანამშრომელი მარიკა ხვედელიძე და ფოტოებს აქვეყენებს.
სამაგიეროდ პარლამენტში აქვთ მაიმუნებს შესანიშნავი პირობები!
რა უნდა ჭიათურაში მაიმუნს?