მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"სირცხვილია უკრაინისთვის "ბუკ“-ის სისტემების მიცემაზე უარის თქმა - პრეზიდენტ იუშჩენკოს დახმარებით ჩვენ ისინი მინიმალურ ფასში ვიყიდეთ" - სააკაშვილი
14:12 / 10-01-2023
სირცხვილია უკრაინისთვის "ბუკ“-ის სისტემების მიცემაზე უარის თქმა!- ამის შესახებ საქართველოს მესამე პრეზიდენტი, მიხეილ სააკაშვილი სოციალურ ქსელში წერს.
როგორც ის აღნიშნავს, პრეზიდენტ იუშჩენკოს დახმარებით საქართველომ ისინი მინიმალურ ფასში იყიდა თავის დროზე.
"სირცხვილია უკრაინისთვის "ბუკ“-ის სისტემების მიცემაზე უარის თქმა! პრეზიდენტ იუშჩენკოს დახმარებით ჩვენ ისინი მინიმალურ ფასში ვიყიდეთ თავის დროზე. როდესაც უკრაინაში იანუკოვიჩი მოვიდა, იუშჩენკოს წინააღმდეგ საქმეც კი აღძრეს "ბუკ“-ის საქართველოსთვის გადმოცემის გამო და ეს გააკეთეს რუსეთის დავალებით. უფრო მეტიც, ინსტრუქტორი - პოლკოვნიკი მამჩური, რომელიც "ბუკ“-ის გამოყენებას გვასწავლიდა, რუსეთის აგენტებმა მოკლეს როვნოში 2017 წელს.
ახლა ამერიკელებმა უკრაინას გადასცეს დიდი რაოდენობით რაკეტები "ბუკ“-ისთვის. რაც მთავარია, ამ ნაბიჯით ჩვენ არა მხოლოდ უკრაინელებს ვუთხარით უარი, არამედ ამერიკელებსაც, მათი "ჯაველინების“ უკრაინისთვის სესხებაზე.
ეს არის ღალატი და ასეთი ღალატის ეპიზოდები მძიმე ლაქად დარჩება საქართველო-უკრაინის ურთიერთობების ისტორიაში“,- წერს სააკაშვილი.
ცნობისთვის, საქართველოში უკრაინის საქმეთა დროებითმა რწმუნებულმა ანდრეი კასიანოვმა გუშინ აღნიშნა, რომ კიევმა ითხოვა "ბუკის“ კომპლექსების გადაცემა, რომლებიც უკრაინამ საქართველოს 2008 წლის ომის დროს გადასცა. მისივე თქმით, უკრაინის თხოვნა მოიცავდა ამერიკის შეერთებული შტატების მიერ საქართველოსთვის გადაცემულ Javelin-ის სისტემებს და ამ უკანასკნელთან დაკავშირებით იყო არა მხოლოდ თანხმობა შეერთებული შტატების მხრიდან, არამედ მათი ახალი კომპლექსებით ჩანაცვლების წინადადებაც კი.
ასევე იხილთ:
მკითხველის კომენტარები /
41 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
საზოგადოების გარკვეული ნაწილისათვის ალბათ საინტერესო იქნება ჩვენთვის საგულისხმო სტატია „საქართველო არ მოდის კონტაქტზე: რა დგას უკრაინისათვის უარის თქმის უკან“, რომელიც გუშინ (11.01.22) გამოქვეყნდა უკრაინულ საიტზე კორესპონდენტ. ნეტ.
აღნიშნულ სტატიაში განხილულია ის მიზეზები, რომლის გამოც ქვეყნის ხელმძღვანელობა უკრაინას არ უბრუნებს (???) თავის დროზე მისგან გაყიდულ და ჩვენს მიერ შესყიდულ თვითმავალ საზენიტო (ჰაერსაწინაღო) სარაკეტო სისტემებს სახელწოდებით „Бук-М1“.
დასახელებულია სავარაუდო 20 მილიონი დოლარი, რომელიც გადახდილია მის შეძენაში.
შესაძლოა, რომ ისინი მართლაც მინიმალურ ფასში იყიდა სააკაშვილის ყოფილმა ხელისუფლებამ, პირადად მე ნამდვილად არ ვიცი...
მოკლედ, გამომდინარე შექმნილი სიტუაციიდან დასაშვებად მიმაჩნია ჰაერსაწინაღო რაკეტული სისტემა „ბუკების“ გადაცემა, ანუ ჩუქება, ვინაიდან ისინი ერთმნიშვნელოვნად წარმოადგენენ ლეტალურ, მაგრამ საბოლოო ჯამში თავდაცვით იარაღს.
ასევე დასაშვებად მიმაჩნია „ჯაველინების“ გადაცემაც - ოღონდ აშშ-თან შეთანხმებით. აღნიშნული ტანკსაწინააღმდეგო სარაკეტო სისტემები ასევე წარმოადგენენ ლეტალურ, მაგრამ საბოლოო ჯამში თავდაცვით იარაღს.
რა "მინიმალურ" ფასში. თავდაცვის სამინისტრომ ისრაელის "რაფაელები", რომლებიც გაცილებით ხარისხიანია, 1978 წელს გამოშვებულ, მეორად საბჭოთა "ბუკ"-ზე იაფად შეიძინა. უკრაინასთან "ატკატები" რომ გაადვილებულიყო, 2007 წელს შუამავალი კომპანია ოფშორში, სეიშელის კუნძულებზე დაარეგისტრირეს.