"ლაზარე ყოველ დღე იღებს ტელეფონს და გირეკავს... სჯერა, რომ დაბრუნდები" - ერთი წელი ნიკა ქაცარიძის გარდაცვალებიდან და მეუღლის ემოციური პოსტი
5 იანვარს, ნიკა ქაცარიძის გარდაცვალებიდან ერთი წელი გავიდა. მსახიობის გარდაცვალების მიზეზი გულის შეტევა გახლდათ. 43 წლის ნიკას მეუღლე და ორი მცირეწლოვანი შვილი დარჩა. მსახიობის მეუღლე ნინო ბერიძე სოციალურ ქსელში წერს, რომ ბავშვებს დღემდე სჯერათ, რომ მამა დაბრუნდება.
ნინო ბერიძე:
- ერთი წელი უშენოდ ტკივილით და ცრემლებით სავსე წელი, მძულს ეს დღე, ეს დილა გაუხარელი ჩემო გაუხარელო ნიკა. როგორ გვაკლიხარ, ნეტა იცოდე, ლაზარე ყოველ დღე იღებს ტელეფონს და გირეკავს, გიყვება ამბებს და სჯერა რომ დაბრუნდები, გეუბნება: „მამა, მალე მოდი, რატომ არ მოდიხარ, მე ხომ მომენატრე...”
ჩემი გული ვეღარ უძლებს ამდენს, ბედისწერამ რატომ გაგიმეტა ასე? იმხელა სითბო და სიყვარული დატოვე ამ მოკლე ხანში, რომ დღესაც შენი სახელით ვცხოვრობთ, მეხმარებიან და გვერდში მიდგანან ნათესავები, მეგობრები და მსახიობები, მადლობა მინდა გადავუხადო ყველას!
არ ჩამოვთვლი მათ სახელებს, რადგან არ მინდა ვინმე გამომრჩეს, მადლობა ყველას მხარში დგომისთვის, პირველ რიგში, ნიკასი და მერე მისი ოჯახის დაფასებისთვის. შენ კი ჩემო გაუხარელო სიყვარულო მარადიული სასუფეველი დაგიმკვიდროს უფალმა, სადაც მართალნი განისვენებენ, ილოცე შენი შვილებისთვის ჩვენო ანგელოზო ამინ!!!