9
მაისიდღის ზოგადი ასტროლოგიური პროგნოზი
ხარისხიანი სამედიცინო მომსახურების მიღება საკმაოდ დიდ გამოწვევებთანაა დაკავშირებული. ამა თუ იმ სერვისით სარგებლობამდე არაერთი კრიტერიუმი უნდა გაითვალისწინოთ. ანალოგიურად უნდა მოიქცეთ სტომატოლოგიური კლინიკის შერჩევის დროსაც. დღეს საქართველოში და განსაკუთრებით, თბილისში ძალიან ბევრი სტომატოლოგიური კლინიკაა და კონკურენციაც საკმაოდ მძაფრია. ამ ფაქტმა შეიძლება გაფიქრებინოთ, რომ სტომატოლოგიურ კლინიკას განსაკუთრებული შერჩევა არ სჭირდება და ამა თუ იმ მანიპულაციის ჩატარებას ნებისმიერ მათგანში შეძლებთ. სტომატოლოგიურ მომსახურებას მართლაც ყველა მათგანში მიიღებთ, თუმცა სხვადასხვა კლინიკის მომსახურება ერთმანეთისგან მნიშვნელოვნად შეიძლება განსხვავდებოდეს.
სტომატოლოგიური კლინიკის არჩევის დროს მართლაც ბევრი საკითხი უნდა გაითვალისწინოთ, მათ შორის სამ უმნიშვნელოვანეს საკითხს ამ სტატიაში განვიხილავთ.
- ტექნიკური აღჭურვილობა და სამუშაო მასალები
მედიცინა მუდმივად ვითარდება და მათ შორისაა სტომატოლოგიაც. დღეს თანამედროვე სტომატოლოგიური კლინიკები სრულად ციფრული ტექნოლოგიით მუშაობენ. მაგალითად, ასეთია CEREC სისტემა. ის ტრადიციული მეთოდისგან რადიკალურად განსხვავდება. თუ ტრადიციული მეთოდით მუშაობის დროს სპეციალისტი ანაბეჭდის ასაღებად იყენებს თაბაშირს ან სილიკონს, ახალი ტექნოლოგიით მუშაობის დროს პროცესი სრულად ციფრულია. სპეციალური აპარატის საშუალებით ხდება პირის ღრუს ციფრული სკანირება, რაც ცდომილებას მინიმუმამდე ამცირებს. ციფრულ ფორმატში მიღებული შედეგი ციფრულადვე იგზავნება ლაბორატორიაში, სადაც კბილების მოდელირება/დამზადება ხდება. პროცესი სრულად ავტომატიზებულია, რაც შედეგის სიზუსტეს განსაზღვრავს. საქართველოში ციფრული ტენოლოგით მომუშავე წამყვანი სტომატოლოგიური კლინიკა - Blits dental clinic გახსნის დღიდან სწორედ ამ ტექნოლოგიით მუშაობს. Blits Dental მსოფლიოში პროფესიონალური სტომატოლოგიური აპარატურის ერთ-ერთი ყველაზე მსხვილი მწარმოებლის, Dentsply Sirona-ს სტრატეგიული პარტნიორია კავკასიის რეგიონში.
თანამედროვე ტექნიკური აღჭურვილობის გარდა, მნიშვნელოვანია, რომ კლინიკა უახლესი სამუშაო მასალებით მუშაობდეს. ასეთი პროდუქცია არის ჰიპოალერგიული, ბიოთავსებადი, მდგრადი და ბუნებრივი კბილის ვიზუალურ მახასიათებლებთან მაქსიმალურად მიახლოებული.
- სტომატოლოგის კვალიფიკაცია
ხარისხიანი სტომატოლოგიური მომსახურების გაწევა მხოლოდ მაღალკვალიფიციურ სპეციალისტს შეუძლია. მაღალკვალიფიციური კი არ ნიშნავს იმას, რომ ექიმმა სამედიცინო განათლება მიიღო უნივერსიტეტში და განათლების პროცესი ამით დასრულდა. ექიმისთვის გამოცდილება ბევრს ნიშნავს, თუმცა მნიშვნელოვანია, რომ ის უწყვეტი განათლების პროცესში იყოს ჩართული. როგორც უკვე აღვნიშნეთ, სტომატოლოგიური აპარატურა და სამუშაო მასალები მუდმივად ვითარდება. სწორედ ამიტომ მნიშვნელოვანია, რომ სხვადასხვა მიმართულების სტომატოლოგები გადიოდნენ მუდმივ გადამზადებას ახალ აპარატურასა და მასალებთან მუშაობის შესახებ. ამ მიმართულებით განვითარებისთვის კარგი საშუალებაა კლინიკების წამყვან უცხოურ კლინიკებთან თანამშრომლობა. ეს უზრუნველყოფს, რომ მათ მიერ გაწეული მომსახურება იყოს ხარისხიანი, შედეგი კი - მდგრადი და ხანგრძლივი.
- სერვისი დონე
სტომატოლოგია არაა მხოლოდ კბილის დაბჟენა, რასაც სტომატოლოგ-თერაპევტი აკეთებს. ის ბევრად უფრო რთულ სამედიცინო მანიპულაციებს მოიცავს. ამ პროცესში ხშირად სხვადასხვა სპეციალისტის ჩართულობაა საჭირო. როგორც წესი, გადაწყვეტილების მიღების პროცესში ერთობლივად ჩართული არიან: თერაპევტი, ქირურგი, ორთოდონტი, ორთოპედი, გნათოლოგი, პაროდონტოლოგი, რომელთა ერთობლივ მუშაობაზეა დამოკიდებულია გაწეული მომსახურების დონე. სწორედ ამიტომ, სტომატოლოგიური კლინიკის შერჩევისას გაითვალისწინეთ აღნიშნული საკითხიც. კლინიკაში დასაქმებული უნდა იყვნენ სხვადასხვა მიმართულების მაღალკვალიფიციური სპეციალისტები. სასურველია, ცალკე მიმართულებად იყოს ბავშვთა სტომატოლოგიაც.
სერვისის დონეს განსაზღვრავს გარემოც, რომელიც მაქსიმალურად მომხმარებელზე უნდა იყოს მორგებული.
გარდა აღნიშნული საკითხებისა, ცხოვრების თანამედროვე სტილიდან გამომდინარე საკმაოდ მნიშვნელოვანია სტომატოლოგიური კლინიკის მდებარეობა, შშმ პირებზე ადაპტირებული გარემო და საპარკინგე სივრცის არსებობის საკითხიც.
(R)
