მნიშვნელოვანი ინფორმაცია
13
მაისიდღის ზოგადი ასტროლოგიური პროგნოზი
სამშაბათი, მთვარის მეჩვიდმეტე დღე დაიწყება 23:15-ზე, მთვარე მშვილდოსანს ესტუმრება 12:33-ზე
კარგი დღეა ფინანსური საკითხების მოსაგვარებლად, ახალი საქმეების დასაწყებად.
ვაჭრობა, უძრავ ქონებასთან დაკავშირებული საკითხების მოგვარება. შეხვედრების, ურთიერთობისა და მხიარულების დღეა. მოერიდეთ საქმეების გარჩევას. უფროსთან კონტაქტი კარგს არაფერს მოგიტანთ. კარგი დღეა მოგზაურობის დასაწყებად, საქმიანობის, სამსახურის შესაცვლელად. კარგი დღეა ქორწინებისთვის, ნიშნობისთვის. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას. არ გადაუსხათ სხვას სისხლი და პირიქით.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"შინ შუქი არ გვაქვს. სიბნელეში ჯდომას, აქ ყოფნა სჯობია" - როგორ აღნიშნავენ უკრაინელები შობა-ახალ წელს საჰაერო თავდასხმების ფონზე?
14:20 / 26-12-2022
შობის ღამეს, როცა უკრაინელი კათოლიკეები დღესასწაულის აღსანიშნავად ლვოვის ლათინურ საკათედრო ტაძარში შეიკრიბნენ, ელექტროენერგია გათიშული იყო. სამწუხაროდ, შობის მეორე დღეს, მაცხოვრებლები კვლავ საჰაერო თავდასხმის განგაშის ხმამ გააღვიძა. რუსეთი დღესასწაულის დროსაც განაგრძობდა უკრაინის სამოქალაქო ცენტრების დაბომბვას. შობის ღამეს, ხერსონში, თავდასხმის შედეგად 10 ადამიანი დაიღუპა.
ომის ფონზე ელექტროენერგიის გარეშე დატოვებული უკრაინის მოსახლეობა მაინც ცდილობს, რომ სადღესასწაულო განწყობა შეიქმნას და უიმედობას არ მისცეს თავი. Guardian-ი ლვოვის საკათედრო ტაძრის მრევლს, 50 წლის ოკსანა მიხაილოვნას ესაუბრა ომის პარალელურად მიმდინარე დღესასწაულის შესახებ. ქალის თქმით, მისი ოჯახი წელს ორჯერ აღნიშნავს შობის დღესასწაულს, 25 დეკემბერს და 7 იანვარს: "მოკრძალებულად ვაპირებთ აღნიშვნას. არ გვაქვს სადღესასწაულო განწყობა. ზოგადად, სამსახურში კოლეგები ერთმანეთს რეცეპტებს ვუზიარებთ ხოლმე, ახლა კი მხოლოდ სარაკეტო თავდასხმებზე ვლაპარაკობთ, რაც განწყობას გვიფუჭებს. მიუხედავად ამისა, მაინც ვივახშმებთ 24-სა და 6-ში ღამით, რათა ოჯახს ერთად შეკრების მიზეზი გვქონდეს".
შობის კათოლიკური კალენდრით, 25 დეკემბერს აღნიშვნა, ომის გამო პოლიტიზებული საკითხი გახდა. პუტინის შეჭრის შემდეგ, უკრაინის მართლმადიდებლურმა ეკლესიამ მოსახლეობას ნება დართო, რომ შობა, 7 იანვრის ნაცვლად, 25 დეკემბერს აღენიშნათ. ამგვარი საქციელით, უკრაინელებს სურთ, თავი განარიდონ რუსეთს და დასავლეთს დაუახლოვდნენ.
უკრაინის მოსახლეობისადმი მიძღვნილ ვიდეომიმართვაში, ქვეყნის პრეზიდენტმა, ვოლოდიმირ ზელენსკიმ განაცხადა, რომ მოსახლეობას ზამთართან გამკლავება დასჭირდება და შობის აღნიშვნასთან დაკავშირებით დაამატა:
"ჩვენ ვიმღერებთ საშობაო სიმღერებს - უფრო მხიარულად, ვიდრე ოდესმე - უფრო ხმამაღლა, ვიდრე გენერატორის ხმაა. ტოტალურ სიბნელეშიც კი, ვიპოვით ერთმანეთს იმისთვის, რომ მაგრად ჩავეხუტოთ და თუ გათბობა არ იქნება, ერთმანეთს ჩახუტებით გავათბობთ. აღვნიშნავთ ჩვენს დღესასწაულებს, როგორც ყოველთვის, გავიღიმებთ და ბედნიერები ვიქნებით, როგორც ყოველთვის. განსხვავება ერთია. ჩვენ არ დაველოდებით სასწაულს, ბოლოს და ბოლოს, ჩვენ თვითონ ვქმნით მას“.
კიევის გარეუბანში, VDNG-ის პარკში მისული ოჯახები, ნაძვის ხის წინ საბჭოთა პერიოდის ძეგლების ფონზე იღებდნენ სელფებს. შემდეგ მუშებმა ცარიელი საციგურაო მოედანი გაასუფთავეს და სტენდები დადგეს, რომლებიც გრილზე შემწვარი ხორცისა და ბოსტნეულისგან დამზადებულ ტრადიციულ კერძებს ყიდდნენ. ალინა ვლასიუკი თავის ორ მცირეწლოვან ვაჟთან და ძმასთან ერთად გამოვიდა პარკში, რათა შვილისთვის ტკბილეული ეყიდა:
"ახლოს ვცხოვრობთ და აქ იმიტომ გამოვედით, რომ სახლში შუქი არ გვაქვს. სიბნელეში ჯდომას, აქ ყოფნა ჯობია“, - ქალმა აღნიშნა, რომ წელს მისი ოჯახი შობის დღესასწაულს პირველად აღნიშნავდა 25 დეკემბერს.
რუსეთის თავდასხმის საშიშროების გამო, კიევის სოფიევსკას მოედანზე ბაზრობა არ გაიმართა და მხოლოდ ნაძვის ხე აღმართეს. მერის, ვიტალი კლიჩკოსა და მუნიციპალიტეტის მოლაპარაკების შემდეგ, ხე დადგეს კიევის მთავარ რკინიგზის სადგურთანაც. საახალწლო დეკორაციები გაკეთდა ზოგიერთ მეტროს სადგურზეც, რომლებსაც, საჰაერო თავდასხმებისას, მაცხოვრებლები თავშესაფრებად იყენებდნენ.
წმინდა სოფიას სახელობის ტაძარში მგალობელთა გუნდის დირიჟორი და დამაარსებელი, მიკოლა ჰობდიჩი ამბობს: "წელს მხოლოდ იმისთვის ვლოცულობ, რომ ელექტროენერგია გვქონდეს. 22-ე სართულზე ვცხოვრობ და სახლში მისვლისას სულ კორპუსის ფანჯრებს ვუყურებ, რომ გავიგო, არის თუ არა დენი. ასე ვიგებ, მუშაობს თუ არა ლიფტი, მექნება თუ არა ცხელი სადილი და შეძლებენ თუ არა ოჯახის წევრები და მეგობრები ჩემთან სტუმრობას.“
კატერინა ბალაკაი და მისი ვაჟი, გლები მაინც ცდილობენ საახალწლო განწყობა შეიქმნან ომის ფონზე. სანტა კლაუსისთვის მიწერილ წერილში, გლებმა მას იაფფასიანი ნივთის ყიდვა სთხოვა, რადგან ფიქრობს, რომ წელს, სანტას ძვირიანი საჩუქრის საყიდლად საკმარისი ფული არ ექნება. ბიჭუნამ სანტას ომის დასრულებაც სთხოვა.
ყველა უკრაინელის საშობაო სურვილს კი, იულია ახმოვანებს: "ჩემი და ჩემი ოჯახის ერთადერთი სურვილია, რომ წელს ომში გავიმარჯვოთ და დიდი ხნის ნანატრი მშვიდობა დამყარდეს ქვეყანაში“,- ამბობს იულია ლებედინი, წლინახევრის პოლინას დედა.
წყარო: theguardian
მოამზადა: ანა სიბოშვილმა
მკითხველის კომენტარები /
9 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გაერთიანებული სამეფოს პრემიერ-მინისტრის, კირ სტარმერის ლონდონის სახლში ხანძარი გაჩნდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სამაგიეროდ ნატოში შეხვალთ სამშაბათს და გაბედნიერდებით.
უკრაინელებო, არ დანებდეთ, ბოლოსდაბოლოს ესიმპერიალისტი რუსები უნდა დამარცხდნენ.