მნიშვნელოვანი ინფორმაცია
10
მაისიდღის ზოგადი ასტროლოგიური პროგნოზი
შაბათი, მთვარის მეთოთხმეტე დღე დაიწყება 19:15-ზე, მთვარე მორიელში იქნება 23:58-დან
დაგეგმეთ მნიშვნელოვანი საქმეები, შეხვედრები. მოაგვარეთ ფინანსური დოკუმენტები, საკითხები. კარგია ახალი საქმეების დაწყება. უძრავ ქონებასთან დაკავშირებული საკითხების მოგვარება. ცუდი დღეა სასამართლო საქმეებისთვისა და განქორწინებისთვის. მოერიდეთ კონფლიქტს. უფრო მეტი, გაამყარეთ ურთიერთობა ნათესავებთან. კარგი დღეა უფროსთან საქმეების განსახილველად, სამსახურის, საქმიანობის შესაცვლელად. ამ დღეს დაწყებული მოგზაურობა ან მივლინება საინტერესოდ ჩაივლის. არასასურველია ქორწინება და ნიშნობა. არ გადატვირთოთ კუჭი. შეამცირეთ ალკოჰოლის დოზა და სიგარეტის რაოდენობა. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ჯერ საკუთარი საფლავები გაათხრევინეს, შემდეგ კი დახვრიტეს" - "ვაგნერის" სასტიკი შურისძიება საკუთარ მებრძოლებზე: რას ჰყვება რუსი სამხედრო ტყვე?
13:46 / 14-12-2022
უკრაინულმა Telegram-ის არხებმა გამოაქვეყნეს ინტერვიუ კაცთან, რომელიც საზოგადოებას გაეცნო, როგორც რუსი სამხედრო ტყვე, ყოფილი პატიმარი, რომელიც ვაგნერის PMC-მა დაიქირავა უკრაინის ომში მონაწილეობის მისაღებად. ვიდეო 12 დეკემბერს გამოაქვეყნა ტელეგრამის არხმა „ნუ დამელოდები უკრაინიდან“. აღნიშნული არხი აქვეყნებს მონაცემებს დაღუპული ან ტყვედ ჩავარდნილი რუსი სამხედროების შესახებ.
ვიდეოს აღწერაში ნათქვამია, რომ ინტერვიუ აღებულია ვიაჩესლავ იზმაილოვისაგან, მეტსახელად "გოიდა". თუმცა თავად ვიდეოში კაცი თავს ვლადისლავად წარმოგვიდგენს. ხალხის კითხვაზე, თუ რატომ გადაწყვიტა მან ინტერვიუს მიცემა, იზმაილოვი ამბობს, რომ „სიმართლის თქმა უნდოდა“.
იზმაილოვის თქმით, PMC Wagner-ის დამფუძნებელი ევგენი პრიგოჟინი 27 სექტემბერს მივიდა მათთან კოლონიაში, სადაც ის როგორც პატიმარი სასჯელს იხდიდა. ბიზნესმენმა „დაიწყო ხალხის გადაბირება...“
პატიმარმა თქვა, რომ მას შესთავაზეს ექვსთვიანი კონტრაქტი, შემდეგ კი სისხლისსამართლებრივი სასჯელისგან სრული გათავისუფლება. პატიმრებს უთხრეს, რომ მათ 200 000 რუბლს გადაუხდიდნენ და დაჰპირდნენ "მათ ოჯახებს პრივილეგიებს, ასევე, უთხრეს, რომ გაგზავნიდნენ საბრძოლველად სანგრებში მეორე ფრონტის ხაზზე". იზმაილოვის თქმით, მისი კოლონიიდან 300-მდე ადამიანი დათანხმდა ომში წასვლას.
როდესაც ისინი უკრაინაში ჩავიდნენ, "ყველაფერი სხვაგვარად აღმოჩნდა", - ამბობს იზმაილოვი. კაცი ამტკიცებს, რომ პატიმრებმა ორკვირიანი სასწავლო კურსი გაიარეს, რის შემდეგაც ისინი მაშინვე "გადასხეს თავდასხმაზე“ ლისიჩანსკის მახლობლად.
"ისინი ამბობდნენ, რომ სიკვდილიანობა დაბალი იყო, მაგრამ სინამდვილეში, პირიქით. ძალიან ძნელია ექვსთვიანი კონტრაქტის პერიოდში ცოცხლად გადარჩე, ”- თქვა იზმაილოვმა.
კითხვაზე, სანდოა თუ არა ინფორმაცია ომიდან უკან დაბრუნებულ ჯარისკაცებს "ვაგნერი" სიკვდილით სჯის, პატიმარმა უპასუხა: "პირველ თავდასხმაში მე ვიყავი მეორე ჯგუფში. ევაკუაციის ჯგუფი ჩემს წინ იყო. ორ მებრძოლს ძალიან შეეშინდა, პირველად იყვნენ ომში. მოგვიანებით ისინი ბაზაზე მოკლეს. ჯერ საკუთარი საფლავები გაათხრევინეს, შემდეგ კი უბრალოდ, დახვრიტეს და დამარხეს“.
ვიდეოს დასასრულს იზმაილოვმა თქვა, რომ დაღუპული სამხედრო მოსამსახურეების რაოდენობა სწორად არ არის შეფასებული. „ჩემს ოცეულში 90 კაცი მყავდა. ამ 90-დან მაქსიმუმ 20 დარჩა“, - განაცხადა მან.
Верстка-ს გამოცემამ ვიდეოზე გადაღებული პირის ვინაობა დაადასტურა. ჟურნალისტების ცნობით, ეს არის 26 წლის სამარაში მცხოვრები ვლადისლავ იზმაილოვი. გამოცემაში არ წერია, რომელ კოლონიაში მოიხადა სასჯელი.
იზმაილოვის მეგობარმა გამოცემას დაუდასტურა, რომ ვიდეოზე მისი მეგობარია, რომელიც კოლონიაში იხდიდა სასჯელს. „ის კოლონიაში იყო, ბოლოს ივლისში ვესაუბრე მას. თუ არ ვცდები, ქურდობისთვის დაიჭირეს ციხეში. მშობლები არ ჰყავს, მხოლოდ ბებია ჰყავს. მას ორი შვილიც ჰყავს, ცოლს გაშორებულია“, - თქვა მან.
ჟურნალისტებმა გაარკვიეს, რომ 2017 წელს მეგობრის გაძარცვისა და მანქანის ქურდობისთვის მიესაჯა ერთი წლით და რვა თვით თავისუფლების აღკვეთა. ყოფილი პატიმრის შეყვარებულის თქმით, მან კოლონიაში მოიხადა სასჯელი, მაგრამ მოგვიანებით ისევ ციხეში დაბრუნდა, ოღონდ სხვა დანაშაულისთვის.
იზმაილოვის ბებიის თქმით, აგვისტოში მათი ბოლო საუბრისას, შვილიშვილმა თქვა, რომ "უკრაინაში წავიდოდა, თუ ასეთი შესაძლებლობა იქნებოდა".
იმ ფაქტზე, რომ რუს ტყვეებს უკრაინის ომში მონაწილეობის მისაღებად რეკრუტირება უტარდებათ, მედია ხშირად წერს.
ნოემბერში მედიაზონამ ყურადღება გაამახვილა იმაზე, რომ სექტემბერ-ოქტომბერში რუსეთის გამოსასწორებელ კოლონიებში პატიმართა რაოდენობა 23 000 ადამიანით შემცირდა. პუბლიკაცია ამ შემცირებას უკავშირებდა ვაგნერის PMC-ის მიერ პატიმრების დაქირავების ფაქტებს.
იზმაილოვი არ არის პირველი ყოფილი პატიმარი, რომელიც დაიქირავა ვაგნერის PMC-მა და დათანხმდა ინტერვიუს მიცემას უკრაინის ტყვეობაში. სექტემბერში, ყოფილმა პატიმარმა IK-3-დან რიაზანის რეგიონში, ევგენი ნუჟინმა ჟურნალისტ იური ბუტუსოვს განუცხადა, თუ როგორ მოხვდა ომში და რა მოხდა ფრონტზე.
ნოემბერში, მედიაში გავრცელდა ნუჟინის სასტიკი მკვლელობის ვიდეო, რომელიც დასათაურებული იყო, როგორც "მოღალატის სასჯელი". მაშინ ევგენი პრიგოჟინმა განაცხადა, რომ აშშ-ს სადაზვერვო სამსახურები შესაძლოა მონაწილეობდნენ ნუჟინის გატაცებასა და მკვლელობაში. უკრაინის პრეზიდენტის ოფისში განაცხადეს, რომ ყოფილი პატიმარი ნებაყოფლობით დათანხმდა რუსეთში დაბრუნებას პატიმრების გაცვლის ფარგლებში.
იხილეთ ასევე:
- ევგენი ნუჟინის ჩაქუჩით მკვლელობის უმძიმესი ამბავი: რატომ გაცვალა უკრაინამ ტყვე, რომელმაც რუსეთის წინააღმდეგ არაერთი ინტერვიუ მისცა: "როგორ მოექცევიან რუსები რუსებს, ეს მათი პრობლემაა...“
- "უკრაინაში ბედნიერება ვერ იპოვა, სანაცვლოდ შეხვდა ბოროტ ხალხს... "ძაღლს ძაღლური სიკვდილი" - "ვაგნერის" სისასტიკე, "სიკვდილით დასჯის" კადრები და რუსეთში შიშის დათესვის მცდელობა
მკითხველის კომენტარები /
18 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ამხელი ერი, ამხელა რესურსებით და რაოდენ ტვინგამორეცხილები არიან ვერ ააწყვეს იმპერიალისტურმა ვნებებმა დააჩაჩანაკა! სახელმწიფო სადაც ხალხი გაუბედურებული და გამათხოვრებული ყავთ. რუსული "გლუბინკა" შიმშილობს.. უნიტაზი უკვირთ და ოქროსფერი ჩანგლები ... ოქრო გონოთ!!! ილოცონ რომ უკრაინამ დაამარცხოს რუსეთი.. იქნებ რაღაც გამოუსწორდეთ მაგ გაუბედურებულ მონებს....
რა დაემართა ამ ერს , რამ გაამხეცა.. ნუთუ არ შეიძლება ომი პირობებშიც კანონს დაემორჩილო და ისევ სტალინის დროს რომ იყო ეგრე.წ. "დამსჯელი ბატალიონები" იგივე არ გააკეთო. ეს კადიროვი როგორ მოირგეს, როგორ მოწონთ. და აქ უკრაინაზე ღლიცინობს ზოგიერთი!! დააკვირდით რუსების ბრძოლის ფორმას ეს რის სრული უკონტროლობა და სიმხეცე...