9
მაისიდღის ზოგადი ასტროლოგიური პროგნოზი
გაერთიანებული სამეფოს თავდაცვის სამინისტროს შეფასებით, ნაკლებად სავარაუდოა, რომ რუსეთმა დონეცკის, ლუგანსკის, ზაპორიჟიესა და ხერსონის ოლქებზე კონტროლი გააფართოოს.
უწყების დაზვერვის ანგარიშში აღნიშნულია, რომ რუსეთი, სავარაუდოდ, კვლავ მიზნად ისახავს კონტროლის გაფართოებას დონეცკის, ლუგანსკის, ზაპორიჟიესა და ხერსონის ოლქებზე, რუსი სამხედრო დამგეგმავები კი, სავარაუდოდ, პრიორიტეტულად დონეცკის სიღრმეში წინსვლას მიიჩნევენ.
ამასთან უწყების შეფასებით, ნაკლებად სავარაუდოა, რომ რუსეთის სტრატეგიამ მიზნებს მიაღწიოს.
"რუსი სამხედროები, დიდი ალბათობით, ამჟამად ვერ შეძლებენ ეფექტური დამრტყმელი ძალის შექმნას, რომელსაც შეუძლია ამ ტერიტორიების აღება. ნაკლებად სავარაუდოა, რომ რუსეთის სახმელეთო ძალებმა, მომდევნო რამდენიმე თვის განმავლობაში, ოპერატიულად მნიშვნელოვან წინსვლას მიაღწიონ“, - აღნიშნულია ანგარიშში.
რუსეთ-უკრაინის ომის გარშემო ორივე მხრიდან ასევე მიდის საინფორმაციო ომიც, რომელიც უმრავლეს შემთხვევაში წარმოადგენს პროპაგანდას, დეზინფორმაციას და ფეიკ-ნიუსებს. მოწინააღმდეგის დაკნინება და დამცირება, მისი სამხედრო წარმატებებისა თუ პოლიტიკური მიღწევების არდანახვა და მიჩქმალვა ჩვეულებრივი ამბავია.
იგივეს აკეთებს მესამე მხარეც, განსაკუთრებით დიდი ბრიტანეთის სპეცსამსახურები, რომლებიც მუშაობენ უკრაინის ხელისუფლების მხარდაჭერაზე.
სრულ სიმართლეს ალბათ ვერასოდეს ვერ გავიგებთ. სიტუაციისა და მდგომარეობის ერთადერთი ინდიკატორია ის რეალობა, რომელიც შექმნილია რუსეთ-უკრაინის ფრონტზე.
მოგვწონს თუ არა, გვინდა თუ არა რეალობა შემდეგშია. საბრძოლო მოქმედებები მიმდინარეობს უკრაინის ტერიტორიაზე, რაც იმას ნიშნავს რომ სტრატეგიული უპირატესობა ყოველ შემთხვევაში ჯერ-ჯერობით რუსეთის მხარეზეა.
რაც შეეხება გაერთიანებული სამეფოს თავდაცვის სამინისტროს შეფასებას, რომ ნაკლებად სავარაუდოა რუსეთმა შეძლოს დონეცკის, ლუგანსკის, ზაპოროჟიესა და ხერსონის ოლქებზე კონტროლის გაფართოება -ამას დრო გვიჩვენებს...
დღესდღეობით ამ ტერიტორიებზე საომარი მოქმედებების გარდა პარალელურად მიმდინარეობს აღდგენითი სამუშაოებებიც. განსაკუთრებით თვალსაჩინოა მარიუპოლი, სადაც ადგილობრივი მოქალაქეებისათვის უკვე აშენდა ექვსი თუ რვა მრავალსართულიანი კორპუსი.
მახსოვს ამბობდა ბრიტანეთის დაზვერვა რუსები სევეროდონეცკს და ლისიჩანსკს ვერ აიღებსო მაგრამ აიღეს ცირკია რა ეს ბრიტანეთის დაზვერვა.