"არ მჯერა, რომ არ იცი ჩემი უსახლკარობის შესახებ... არ მჯერა, რომ ერთი ბინა არ გამოინახა ჩემთვის" - ეკა კვალიაშვილი კახა კალაძეს მიმართავს
ეკა კვალიაშვილი თბილისის მერს, კახა კალაძეს მიმართავს. როგორც მომღერალი სოციალურ ქსელში წერს, არ სჯერა, რომ მისთვის აქამდე ერთი ბინა არ გამოინახა. უფრო მეტიც, კვალიაშვილის აზრით, მობეზრდა უყურადღებობა და სხვაგან გარბის. სხვაგან გაქცევაში მომღერალი, სავარაუდოდ, სხვა ქვეყანას გულისხმობს, რადგან ამ თემაზე მას არაერთხელ უსაუბრია.
ეკა კვალიაშვილი:
- მივმართავ თბილისის მერს, კახი კალაძეს. არ მჯერა, რომ არ იცი ჩემი უსახლკარობის შესახებ, არ მჯერა, რომ არც ერთი პოსტი, სადაც მონიშნული ყავხარ უამრავ ადამიანს, არ გინახავს, არ მჯერა, რომ ერთი ბინა არ გამოინახა ჩემთვის. უამრავს აშენებთ, არ მჯერა, რომ ჩემმა ქვეყანამ, ამ უყურადღებობის გამო ისე მომაბეზრა თავი, სხვაგან გავრბივარ!!!
ძალიან შევწუხდი, ძალიან დავიღალე, ადამიანი, რომელსაც, სიმღერის, სითბოს, სიყვარულის, სინათლის, სიკეთის მეტი არაფერი მინდა მივანიჭო ჩემს ქვეყანას, ანუ, მე დამიკიდეთ, ანუ ვერ გავხდი ღირსი, რომ ყურადღება და სითბო მივიღო. კარგი, იყოს ნება თქვენი, მაგრამ, რასაცა გასცემ შენიაო ნათქვამია, კარმა მუშაობს! მადლობა კახი "ყურადღებისთვის".