მნიშვნელოვანი ინფორმაცია
12
მაისიდღის ზოგადი ასტროლოგიური პროგნოზი
ორშაბათი, მთვარის მეთექვსმეტე დღე დაიწყება 21:55-ზე, მთვარე მორიელშია
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ.
კარგი დღეა იურიდიული საკითხების მოსაგვარებლად, სასამართლო პროცესების დასაწყებად. კარგი დღეა შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მიშა კი არა, ჩვენი თავები უნდა გადავარჩინოთ... ახალაიას და მერაბიშვილს ციხეში ხმა არ გაუღიათ, მიშამ მალევე ხელი ჩაიქნია" - რას წერს "ნაციონალების" დროინდელი მაღალჩინოსანი?
12:55 / 03-12-2022
"ერთიანი ნაციონალური მოძრაობის" ყოფილი წევრი, პრეზიდენტის ადმინისტრაციის ყოფილი უფროსი ანდრო ბარნოვი მიხეილ სააკაშვილის გარშემო განვითარებულ მოვლენებსა და დაგეგმილ აქციას ეხმაურება.
მისი თქმით, ექსპრეზიდენტმა საკუთარი ინტერესები საზოგადოებრივ ინტერესებზე წინ დააყენა. როგორც ბარნოვი წერს, არასწორია, როცა სააკაშვილი თავისუფლების სანაცვლოდ პოლიტიკიდან წასვლის პირობას დებს.
"თავად სააკაშვილისთვის რომ გეკითხათ, საზოგადოების ინტერესი უფრო მნიშვნელოვანია თუ ერთი ადამიანის ინტერესი, კეთილდღეობა ან, თუნდაც, სიცოცხლე, როგორ გგონიათ, რას გიპასუხებდათ? სწორია: საზოგადოების. იმიტომ, რომ თეორიულად ეს ყველამ იცის. დაურღვევია მიშას ეს პრინციპი ოდესმე? სამწუხაროდ არაერთხელ და ახლაც არღვევს, როცა თავისუფლების სანაცვლოდ პოლიტიკიდან წასვლას გვპირდება.
მძიმეა მისი არჩევანი, თუმცა ჩვენს თვალწინ ახალაია 10 წელი იჯდა, მერაბიშვილი - 6. ხმა არ გაუღიათ. ახალაიამ შეწყალებაზე საჯარო უარი თქვა, მერაბიშვილმა გარიგებაზე უარი თქვა, მსოფლიოს არაერთ ლიდერს გაიხსენებთ, ათწლეულები რომ გაუტარებიათ საკანში და გაუმარჯვიათ. მიშამ, სამწუხაროდ, მალევე ხელი ჩაიქნია. არ განვსჯი, მისი არჩევანია, თუმცა უნდა გვესმოდეს, რომ ეს დამაზიანებელია საზოგადოებისთვის და იმ იდეისთვის, რომელსაც ის განასახიერებს. წარმოვიდგინოთ ერთი წუთით, რომ ჩვენ ვართ რაციონალური და შეკრული საზოგადოება.
რას შეცვლიდა ჩვენთვის სააკაშვილის არჩევანი? სწორია: არაფერს! ჩვენთვის ისევე მიუღებელი იქნებოდა უდანაშაულო ადამიანის რიტუალური მკვლელობა, როგორც მაშინ, ის რომ კლდესავით უტყვი, ბრძოლას აგრძელებდეს! ამიტომ ყველა, ვინც გვიკიჟინებს, აქციები არ ჩავატაროთ, მიშასთვის ეს დამაზიანებელიაო, ან უტვინოა, ან - გაყიდული. საზოგადოება ერთი ადამიანის ინტერესით ვერ იხელმძღვანელებს, ვინც გინდა იყოს ის!
დიახ, აქციები უნდა ჩატარდეს და ეს მთავრობა მოშორდეს, რადგან საზოგადოებას სჭირდება ეს! ასევე ყველა, ვინც გვიკიჟინებს, მიშა უნდა გადავარჩინოთო, ჩვენს ემოციებზე თამაშობს, დაგვცინის და გვატყუებს! მიშა კი არა, ჩვენი თავები უნდა გადავარჩინოთ გაქსუებული, მტრის მონა ფეოდალისგან, რომელიც პირადი მტრების რიტუალურ მკვლელობასაც აღარ ერიდება.
ჩვენ, საზოგადოება, მისთვის არ ვარსებობთ. ჩვენ კი სწორედ ეს უნდა დავამტკიცოთ, რომ დიახ, ვარსებობთ და გადაწყვეტილებებს ამ ქვეყანაში ჩვენ ვიღებთ!ერთი სიტყვით, ყველაფერი უკუღმა, მახინჯურად და ყალბად მიდის. სავარაუდოდ, სწორედ ესაა უკვე ჩვევაში გადასული ჩასვრილობის მიზეზი. მტრის მონა ოლიგარქს მკვლელობის უფლება არ უნდა მივცეთ, სუსტი ნებისყოფის პოლიტიკოსებს კი - ლიდერობის ილუზია. რაც მთავარია, ჩვენს თავს უნდა მივცეთ თავისუფლება, რომ მომავალი არსებობდეს ამ ქვეყანაში" - წერს ბარნოვი.
მკითხველის კომენტარები /
25 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აპლიკაცია გველების შესახებ - რა უნდა ვიცოდეთ
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ახალ წელს იცოდეთ მთელი ღამე გარეთ იდექით, ბელადს საკანთან სანთლებით უმღერეთ. აბა ბელადი მარტო ხომ არ შეხვდება ახალწელს
უგრძვნია კაცს:)))