მნიშვნელოვანი ინფორმაცია
9
მაისიდღის ზოგადი ასტროლოგიური პროგნოზი
შაბათი, მთვარის მეთოთხმეტე დღე დაიწყება 19:15-ზე, მთვარე მორიელში იქნება 23:58-დან
დაგეგმეთ მნიშვნელოვანი საქმეები, შეხვედრები. მოაგვარეთ ფინანსური დოკუმენტები, საკითხები. კარგია ახალი საქმეების დაწყება. უძრავ ქონებასთან დაკავშირებული საკითხების მოგვარება. ცუდი დღეა სასამართლო საქმეებისთვისა და განქორწინებისთვის. მოერიდეთ კონფლიქტს. უფრო მეტი, გაამყარეთ ურთიერთობა ნათესავებთან. კარგი დღეა უფროსთან საქმეების განსახილველად, სამსახურის, საქმიანობის შესაცვლელად. ამ დღეს დაწყებული მოგზაურობა ან მივლინება საინტერესოდ ჩაივლის. არასასურველია ქორწინება და ნიშნობა. არ გადატვირთოთ კუჭი. შეამცირეთ ალკოჰოლის დოზა და სიგარეტის რაოდენობა. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"თეორიულად შესაძლებელია, ხელისუფლებამ კანდიდატის სტატუსზე მიხეილ სააკაშვილის საკითხით ივაჭროს" - რას შეიძლება გეგმავდეს "ქართული ოცნება"?
16:06 / 30-11-2022
მიხეილ სააკაშვილის ჯანმრთელობის გართულებული მდგომარეობა კვლავ აქტუალურია. 29 ნოემბერს იუსტიციის მინისტრმა რატი ბრეგაძემ განაცხადა, რომ მზადაა ჩამოიყვანოს ნებისმიერი უცხოელი ექიმი საქართველოში, ვინც მე-3 პრეზიდენტს ან მის ოჯახს სურს და საქართველოში მოხდეს მისი მკურნალობა. არსებობს ეჭვი, რომ ხელისუფლება სააკაშვილის თემით ევროპასთან პოლიტიკურ ვაჭრობას გეგმავს.
მიხეილ სააკაშვილის ადვოკატი შალვა ხაჭაპურიძე ექიმების დასკვნების გაცნობის შემდგომ აპირებს, შუამდგომლობა დააყენოს, რომ სააკაშვილს სასჯელი ჯანმრთელობის გაუარესების გამო გადაუვადდეს.
Ambebi.ge ამ საკითხებზე პოლიტოლოგ გია ხუხაშვილს ესაუბრა.
"ხელისუფლება სააკაშვილის ფაქტორს წმინდა პოლიტიკურ ასპექტში განიხილავს. მიხეილ სააკაშვილის სასჯელის გადავადება ან უცხოეთში სამკურნალოდ გადაყვანა, მხოლოდ რაიმე სარგებლის მიღების შემდეგ მოხდება. დავინახეთ, რომ "ქართული ოცნების“ თავმჯდომარე ირაკლი კობახიძე, საქართველოს პრეზიდენტს სალომე ზურაბიშვილს პირდაპირ დაემუქრა, რომ მე-3 პრეზიდენტის შეწყალება არც კი გაბედოს. როცა ამ ტონალობაში მიდის საუბარი, ჩანს, რომ მათ ძალიან ენანებათ სააკაშვილის ფაქტორის მოხსნა ქართული პოლიტიკიდან.
ხელისუფლების არგუმენტები კი, სრულიად აბსურდულია. სააკაშვილის თემას 3 განზომილება აქვს: პოლიტიკური, სამართლებრივი და ჰუმანიტარული. სააკაშვილის ჯანმრთელობის მდგომარეობიდან გამომდინარე, მისი პოლიტიკური აქტივობა ჯერჯერობით გამორიცხულია. სააკაშვილს დღეს ასამართლებენ ის ადამიანები, რომლებიც ადრე მისგან იღებდნენ პოლიტიკურ დავალებებს. ამის შემდეგ მართლმსაჯულების სანდოობაზე ლაპარაკიც კი ზედმეტია. ხელისუფლება ცდილობს საზოგადოებაში შექმნას განცდა, რომ პოლარიზაციას მიხეილ სააკაშვილის გათავისუფლება გამოიწვევს. მინდა გითხრათ, რომ პოლარიზაციის მეტი ხარისხის წარმოდგენა, რაც დღეს არსებობს, შეუძლებელია.
საზოგადოება მუდმივი იწილო-ბიწილოთი დაიღალა. თუ მიხეილ სააკაშვილის ფაქტორი მოიხსნება პოლიტიკური დღის წესრიგიდან, საზოგადოება დამშვიდდება. მეც და ჩემი თანამებრძოლებიც, რომლებიც ვებრძოდით სააკაშვილის მოძალადე რეჟიმს, მივიჩნევთ, რომ მან პოლიტიკური ფასი უკვე გადაიხადა და მზად ვართ, რომ გაათავისუფლონ და დაგვანებონ ამ თემით თავი.
გვინდა, პოზიტიურ დღის წესრიგზე ორიენტირებული პოლიტიკური პროცესი. რა თქმა უნდა, საზოგადებაში არსებობს ადამიანთა რაოდენობა, რომლებსაც სააკაშვილისთვის სამაგიეროს გადახდა სურთ, მაგრამ ირაკლი კობახიძე და არჩილ თალაკვაძე რამ აღაშფოთა, ვერ გავიგე. როგორც ვიცი, თალაკვაძე სააკაშვილის ცოლს ყავას უდუღებდა და მისი თანაშემწე იყო, მაშინ არ გასჩენია არანაირი პროტესტის გრძნობა იმჟამინდელი რეჟიმის მიმართ, კობახიძე კი ბუჩქებში იმალებოდა. მათ მხოლოდ ირაციონული შიში აქვთ ძალაუფლების დაკარგვის." - განაცხადა გია ხუხაშვილმა.
კითხვაზე, ცდილობს თუ არა ხელისუფლება სააკაშვილის მდგომარეობით ვაჭრობას, გვპასუხობს:
"თეორიულად შესაძლებელია, რომ ხელისუფლებამ კანდიდატის სტატუსზე მიხეილ სააკაშვილის საკითხით ივაჭროს. მმართველ პარტიას არანაირი პირობის შესრულება არ უნდა, რომ ქვეყანამ ამ გზით მიიღოს კანდიდატის სტატუსი. ხელისუფლების ერთადერთი მიზანი ის არის, რომ ძალაუფლება სიცოცხლის ბოლომდე შეინარჩუნოს".
პოლიტოლოგმა, ასევე ისაუბრა რატი ბრეგაძის განცხადებასა და უცხოელი ექიმების საქართველოში ჩამოყვანაზე:
"მნიშვნელოვანია ითქვას, რომ აქ ექიმის კვალიფიკაციაზე არ არის ლაპარაკი. არაჩვეულებრივი ექიმები გვყავს. უბრალოდ, არ გვაქვს ის ინფრასტრუქტურა, რომელიც სააკაშვილის რეაბილიტაციას სჭირდება".
- ავტორი: ლუკა ცხვედიანი
მკითხველის კომენტარები /
28 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
kartulo ocneba shadziruli xar ver miigeb xmebs
თალაკვაძე სააკაშვილის ცოლს ყავას უდუღებდა. . . .
სარკეში ჩაიხედეთ და საკუთარ ცოდვებს მიხედეთ, ყავის ადუღება მგონი ეპატიება სხვას