მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
როგორ მოვემზადოთ ბრეკეტებისთვის? - ბრეკეტების გაკეთებამდე გასათვალისწინებელი რჩევები
11:34 / 22-11-2022
თუ თქვენი ან თქვენი შვილების კბილები ერთმანეთზე მჭიდროდაა მიწყობილი, არეულია კბილთა მწკრივი და დარღვეულია პირის ღრუს სიმეტრია, მაშინ ბრეკეტები გჭირდებათ. ამისთვის კი მაღალკვალიფიციურ ორთოდონტს უნდა მიმართოთ სტომატოლოგიურ კლინიკაში, რომელიც ხარისხის სტანდარტებს აკმაყოფილებს.
ბრეკეტები შეიძლება იყოს მეტალის, კერამიკული ან ლინგვალური. ლინგვალური ბრეკეტები კბილების შიგნითა მხრიდან მაგრდება და სხვა ანალოგებთან შედარებით ძვირი ღირს. ზოგადად, სხვადასხვა ტიპის ბრეკეტსსტემის ფასი ერთმანეთისგან მნიშვნელოვნად განსხვავდება. ყველაზე ხელმისაწვდომი მეტალის ბრეკეტებია. თუმცა, ბოლო პერიოდში, განსაკუთრებით პოპულარული კერამიკული ბრეკეტებია, რომელიც კბილის ზედაპირზე ნაკლებად ჩანს.
ორთოდონტთან კონსულტაცია და ბრეკეტის გაკეთება რეკომენდებულია მაშინ, როდესაც ფიქსირდება დარღვეული თანკბილვა, კბილების ან ყბის ასიმეტრია სახის ოვალთან მიმართებით, პირით სუნთქვა და ღეჭვითი პრობლემები. ბრეკეტების გაკეთება 11-12 წლიდან არის შესაძლებელი და ნებისმიერ ასაკში ეფექტურია. მკურნალობა ერთი ან მეტი წელი გრძელდება. ზუსტი პერიოდი პირის ღრუს კონკრეტული პათოლოგიის სირთულეზეა დამოკიდებული.
ბრეკეტების გაკეთებამდე საჭიროა მომზადება, რათა წარმატებული შედეგი დადგეს. პირველ რიგში ექიმის რეკომენდაციით აუცილებელია 3D სტომატოლოგიური დიაგნოსტიკის ჩატარება. ეს ექიმს საშუალებას აძლევს ზუსტად განსაზღვროს, დეტალურად დაათვალიეროს თითოეული კბილის მდებარეობა და მდგომარეობა, შედეგად კი განსაზღვროს როგორ უნდა დამაგრდეს ბრეკეტები.
სასურველი შედეგის მისაღებად შეიძლება 1 ან მეტი კბილის ამოღებაც დაგჭირდეთ. ამ საკითხმა არ დაგაბნიოთ და იცოდეთ, რომ ეს პრობლემა არ არის. თქვენი კბილები სწორ რკალში რომ განთავსდნენ, მათ თავისუფალი სივრცე სჭირდებათ, რაც კბილების ამოღებით არის შესაძლებელი. გამონთავისუფლებული ადგილი ნელ-ნელა შეივსება და კბილთა რკალი სრული და სწორი გახდება.
ბრეკეტების გაკეთებამდე აუცილებელია პირის ღრუში არსებული პრობლემების მოგვარება - პირის ღრუს სრული სანაცია. უნდა მოხდეს კბილებზე არსებული ყველა, მათ შორის, მცირე კარიესების დაბჟენა. ამ პრობლემის მოგვარება აუცილებელია, რადგან როდესაც კბილებზე ბრეკეტსისტემაა დამაგრებული, კბილების დაბჟენა ვერ ხერხდება. ბრეკეტებით მკურნალობის დროს კი შეიძლება დატოვებული მცირე კარიერები გართულდეს და პრობლემა შეექმნას როგორც ერთ კონკრეტულ კბილს, ისე მის მეზობელ კბილებს.
არანაკლებ მნიშვნელოვანია ღრძილების პრობლემების მოგვარება. ამ პროცესში ორთოდონტთან ერთად ერთვება ექიმი თერაპევტი, პაროდონტოლოგი, ქირურგი. სწორედ ამიტომ, ბრეკეტების გასაკეთებლად არა მხოლოდ კარგი ორთოდონტი უნდა აარჩიოთ, არამედ კლინიკა, სადაც მაღალკვალიფიციური ექიმების გუნდი უახლესი მასალებითა და ინოვაციური აპარატურით მუშაობს. თქვენი პირის ღრუს ჯანმრთელობა და ესთეტიკა საიმედო ხელში უნდა იყოს.
ბრეკეტსისტემით წარმატებით მკურნალობისთვის მნიშვნელოვანია, რომ მისი დაყენება კბილის სუფთა ზედაპირებზე მოხდეს. ამიტომ ბრეკეტების დაყენებამდე აუცილებელია კბილების პროფესიონალური წმენდა. ქვებისა და ნადების მოშორების შემდეგ ბრეკეტი კბილს უფრო მყარად უმაგრდება. საბოლოოდ სხვადასხვა სპეციალისტის ჩართულობით, პირის ღრუ სრულად სანირებული და მოწესრიგებული ხდება და ბრეკეტების დასაყენებლად მზადაა.
ბრეკეტების დაყენების პროცედურის ხანგრძლივობა დამოკიდებულია პაციენტის პირის ღრუს სპეციფიკასა და ჩასატარებელი სამუშაოს სირთულეზე. შესაბამისად ყოველი პროცედურა ინდივიდუალურია, თუმცა, როგორც წესი, 1 საათამდე დრო საკმარისია.
გარკვეული რეკომენდაციების დაცვა ბრეკეტების დაყენების შემდეგაც მოგიწევთ. პირის ღრუს მოვლის წესებსა და რეკომენდაციებს თქვენი ორთოდონტი დეტალურად გაგაცნობთ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
