მნიშვნელოვანი ინფორმაცია
9
მაისიდღის ზოგადი ასტროლოგიური პროგნოზი
პარასკევი, მთვარის მეცამეტე დღე დაიწყება 17:58-ზე, მთვარე სასწორშია
ნუ წამოიწყებთ ახალ საქმეებს. უმჯობესია, დრო დაშვებული შეცდომების გამოსასწორებლად გამოიყენოთ. მოაგვარეთ ფინანსური საკითხები. უძრავ ქონებასთან დაკავშირებული პრობლემები განხილვა სხვა დღისთვის გადაიტანეთ. კარგი დღეა სწავლისთვის, ცოდნის მისაღებად. კარგია საქმეების შესრულება თანამოაზრებთან ერთად, კოლექტივში. მოერიდეთ საოჯახო საქმეების საჯაროდ განხილვას, ურთიერთობის გარჩევას; მგზავრობას, მოგზაურობის დაწყებას; საქმის, საქმიანობის შეცვლას. გაუფრთხილდით თირკმლებს. მოერიდეთ სითხისა და ალკოჰოლის მიღებას. აგრეთვე სუსტდება ენდოკრინული სისტემა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"უკრაინაში ბედნიერება ვერ იპოვა, სანაცვლოდ შეხვდა ბოროტ ხალხს... "ძაღლს ძაღლური სიკვდილი" - "ვაგნერის" სისასტიკე, "სიკვდილით დასჯის" კადრები და რუსეთში შიშის დათესვის მცდელობა
20:26 / 15-11-2022
სოციალურ ქსელებში საზოგადოების განხილვის საგანია ვიდეო, სადაც უკრაინის მხარეს გადასული (ტყვედ ჩაბარებული) რუსული კერძო სამხედრო კომპანია "ვაგნერის" დაქირავებული მებრძოლის, ევგენი ნუჟინის სავარაუდო სიკვდილით დასჯაა ასახული.
ვიდეო 13 ნოემბრის ღამეს, "ტელეგრამზე" "ვაგნერთან“ დაკავშირებულმა არხმა - Grey Zone გამოაქვეყნა. კადრებში ადამიანის სასტიკად წამებაა აღბეჭდილი, ამიტომ Ambebi.ge-ს რედაქცია მის ბმულს არ აზიარებს.
ვიდეოში ნაჩვენებია სამხედრო ფორმაში გამოწყობილი მამაკაცი, რომელსაც თავზე აგურები აქვს წებოვანი ლენტით დამაგრებული. ის ამბობს, რომ 1967 წელს დაბადებული ევგენი ანატოლიევიჩ ნუჟინია. ასევე საუბრობს, რომ "წავიდა ფრონტზე, რათა გადასულიყო უკრაინის მხარეს." მისივე თქმით, 4 სექტემბერს მან თავისი გეგმა განახორციელა და "უკრაინის მხარეს გადავიდა."
მამაკაცის თქმით, 11 ნოემბერს კიევში, ქუჩაში იმყოფებოდა, როდესაც მოულოდნელად თავში რაღაც ჩაარტყეს, შედეგად გონება დაკარგა. მოგვიანებით კი სარდაფში გაეღვიძა, სადაც უთხრეს, რომ გაასამართლებდნენ. ამის შემდეგ ვიდეოში ჩანს, რომ მას ფიზიკურად სასტიკად უსწორდებიან და თავში უროს ურტყამენ.
- ვინ არის ევგენი ნუჟინი?
უკრაინული მედია ნუჟინის შესახებ ჯერ კიდევ სექტემბერში წერდა. ტყვეობაში ყოფნისას მას უკრაინელი ჟურნალისტი იური ბუტუსოვი ესაუბრა. ნუჟინი მაშინ ამბობდა, რომ "ვაგნერის" დამაარსებელმა, ევგენი პრიგოჟინმა ციხის კოლონიიდან წაიყვანა, სადაც მკვლელობისთვის იხდიდა სასჯელს. ნუჟინი ამბობდა, რომ უკრაინაში საბრძოლველად წავიდა, რათა უკრაინელ სამხედროებს დანებებოდა და ტყვედ ჩაბარებოდა.
"ეს იყო ჩემი განზრახვა", - ამბობდა ის. ამავე ინტერვიუში იმედი გამოთქვა, რომ ომის დასრულების შემდეგ დარჩებოდა უკრაინაში, სადაც მისი ნათესავები - და და ბიძა ცხოვრობენ.
ოფიციალურად, ნუჟინის გარდაცვალება არავის დაუდასტურებია, არც რუსულ სამართალდამცავ ორგანოებს გაუკეთებიათ რაიმე კომენტარი. როგორც გამოცემა "სოტა“ "ტელეგრამში" წერს, უროთი მკვლელობა "ვაგნერის“ ერთგვარი "საფირმო ნიშანია."
- "ვაგნერი“ რუსული არაოფიციალური შეიარაღებული ქვედანაყოფია, რომელიც არ ირიცხება არც რუსეთის სამხედრო უწყების ბალანსზე და არც იურიდიულ პირთა რეესტრში, მაგრამ მისი მებრძოლები აქტიურად მონაწილეობენ ომებში უკრაინასა და სხვა ქვეყნებში, მათ შორის სირიაში.
ამ ისტორიაში ბევრი პასუხგაუცემელი კითხვაა. მაგალითად, გაუგებარია, როგორ მოხვდა ნუჟინი უკრაინაში ტყვედ ჩაბარების შემდეგ კვლავ "ვაგნერის" ხელში.
უცნაურია ისიც, რომ სამხედრო ტყვეს თავისუფლად შეეძლო კიევის ქუჩებში სიარული. არის ვარაუდები, რომ უკრაინულმა მხარემ ის ტყვეებში გაცვალა, მაგრამ ამ საქმესთან დაკავშირებით უკრაინის მხრიდან ოფიციალური კომენტარი ჯერჯერობით არ გაკეთებულა.
ევგენი ნუჟინის შვილმა, ილიამ, ჯერ კიდევ ოქტომბერში სთხოვა რუსეთის ხელისუფლებას, რომ დახმარებოდა მამის პოვნაში. "როდესაც უკრაინაში ტყვედ ჩავარდნილი მამაჩემის ვიდეო ვნახე, მაშინვე დავრეკე თავდაცვის სამინისტროში, სადაც მითხრეს: "ჩვენ არაფერი გვაქვს საერთო ვაგნერელებთან, ეს არ არის ჩვენი პრობლემა. დავრეკე კოლონიაში, სადაც ის სასჯელს იხდიდა. როდესაც მისი სახელი გაიგეს, მითხრეს, - "არაფერი ვიცით" და გამითიშეს", - ამბობს ილია.
კრემლის პროპაგანდისტმა მარგარიტა სიმონიანმა გუშინ, ინტერნეტში გავრცელებულ ვიდეოზე, სადაც ნაჩვენებია ვაგნერის ყოფილი მებრძოლის ევგენი ნუჟინის სავარაუდოდ სიკვდილით დასჯა, პირველი კომენტარი გააკეთა. სიმონიანის თქმით, "იმისათვის, რომ განსაჯოთ რა ხდება ომში, მათ შორის "სისასტიკე, გაბრაზება...“ საჭიროა, მონაწილეობდეთ ომში."
"მათ, ვინც შეძრწუნებულია "ვაგნერის" დამოკიდებულებით მოღალატეებისადმი, ვეტყვი, რომ რომ არა ვაგნერი, უფრო მეტი სიკვდილი იქნებოდა, უფრო მეტი ცოლები და შვილები ატირდებოდნენ. უფრო მეტი ახალგაზრდა წავიდოდა ფრონტზე და მოკვდებოდა. დიახ, ასე იქნებოდა", - ამბობს სიმონიანი.
ვიდეოს გამოეხმაურა რუსი ბიზნესმენი და კერძო სამხედრო კომპანია "ვაგნერის“ დამფუძნებელი, ევგენი პრიგოჟინიც:
"ამ შოუში ჩანს, რომ მან უკრაინაში ბედნიერება ვერ იპოვა, სანაცვლოდ შეხვდა ბოროტ, მაგრამ სამართლიან ხალხს. მგონი ამ ფილმს ჰქვია "ძაღლს ძაღლური სიკვდილი."
მშვენიერი სარეჟისორო ნამუშევარია, ერთი ამოსუნთქვით შეიძლება ყურება. იმედი მაქვს, გადაღების დროს არც ერთი ცხოველი არ დაშავებულა", – ამბობს პრიგოჟინი
წაიკითხეთ ასევე:
მკითხველის კომენტარები /
18 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
და როგორ მოხდა რომ ეს კაცი კიევში გაიტაცეს ვაგნერელებმა და მოკლეს????
ბოლოს ვრწმუნდები რომ რუსები სულ უფრო წააგვანან კაციჭამია სადისტებს ფილმიდან არასწორი მოსახვევი (wrong turn), მათთვის ორკების და გობლენების წოდება დიდი შეურაცმყოფა იქნებოდა ამ უკანასკნელებისთვის..