უკრაინის მართლმადიდებლური ეკლესია მრევლს ნებას რთავს, რომ შობა 25 დეკემბერს აღნიშნონ - უკრაინელებს ამ გადაწყვეტილებისკენ რუსეთის აგრესიამ უბიძგა

უკრაინის ეკლესიაში ცვლილებებია. მრევლის მხრიდან დიდი მოთხოვნის შემდეგ, ოქტომბერში ჩატარებულ სინოდის სხდომაზე, კიევის მიტროპოლიტმა გამოაცხადა, რომ სურვილის შემთხვევაში, მოსახლეობას შობის 25 დეკემბერს აღნიშვნა შეეძლება. ეს გადაწყვეტილება ქვეყნის მასშტაბით 7 000-მდე ეკლესიას შეეხება.

უკრაინელები საუკუნეების განმავლობაში შობას იულიუსის კალნდრის მიხედვით, 7 იანვარს აღნიშნავდნენ, მაგრამ ქვეყანაში პუტინის ჯარების შეჭრამ უკრაინის მართლმდიდებლურ ეკლესიას უბიძგა, რომ ასეთი გადაწყვეტილება მიეღო. უკრაინელ ხალხს, ისევე, როგორც ეკლესიას, სურს, რომ რუსეთს ჩამოსცილდეს და დასავლეთისკენ აიღოს გეზი.

რაც შეეხება რუსეთის ეკლესიას, მათი პატრიარქი ღიად გამოხატავს პუტინისადმი მხარდაჭერას და ნათქვამი აქვს, რომ რუსი სამხედროები, ომში სიკვდილის შემთხვევაში, ყოველი ცოდვისგან განიწმინდებიან.

Guardian-თან ინტერვიუში უკრაინის ეკლესიის სპიკერმა, არქიეპისკოპოსმა ევსტრატი ზორიამ თქვა, რომ 25 დეკემბერს, ღვთისმსახურებაზე დამსწრეთა რაოდენობის შესამოწმებლად, მონაცემები შეგროვდება:

“არ გვსურს, ვინმეს რაიმე დავაძალოთ. გვესმის, რომ ეს ცვლილება არაფერს წყვეტს. მე პირადად, ჩემს მრევლთან გასაუბრების შემდეგ გადავწყვეტ, როდის ჩავატარო ღვთისმსახურების ცერემონია. სჯობს, რომ ეს პროცესი ნელა და წარმატებულად დავნერგოთ“.

აღსანიშნავია, რომ რუსეთს შემოჭრამდე, მრევლის მესამედს უკვე სურდა შობის დასავლური თარიღით აღნიშვნა. ომის დაწყების შემდეგ კი ამ ცვლილების მსურველთა რაოდენობა, კიდევ უფრო უნდა გაზრდილიყო.

წყარო: theguardian