მოძალადე ქმარი, ღალატი და სენატორთან ნაპოვნი ბედნიერება - ლათინო-ამერიკული სერიალების ვარსკვლავის მდიდრული ცხოვრება მძიმე წარსულის შემდეგ: როგორ გამოიყურება დღეს "უბრალო მარია"?

ალბათ უფროს თაობას განსაკუთრებულად ახსოვს სერიალი "უბრალო მარია", რომელიც ბევრი ქალისთვის შთაგონების წყაროდ იქცა. სოფელში მცხოვრები მკერავის მარია ლოპესის თავგადასავალი მსოფლიოში პოპულარული გახდა. მექსიკური სერიალი 1993-94 წლებში გადიოდა და საღამოობით ოჯახის წევრები ერთად იკრიბებოდნენ და ყოველ ახალ სერიას მოუთმენლად ელოდნენ. ვიქტორია რუფოს მორცხვ ღიმილზე კი უამრავი მამაკაცი იყო შეყვარებული.

ალბათ იმ თაობას ყველაზე მეტად აინტერესებს, როგორ ცხოვრობს დღეს ქალი, რომელიც მექსიკაში ყველაზე მაღალანაზღაურებადი მსახიობია და რამდენიმე თვის წინ 60 წელი შეურსულდა. ვიქტორია რუფო მშობლიურ მექსიკაში ნომერ პირველი ვარსკვლავია. ის აგრძელებს სერიალებში გადაღებას, თუმცა ბოლო წლებში მისი მთავარი სამუშაო მაინც რეიტინგული სატელევიზიო შოუ გახდა.

რუფო პოპულარულია არა მხოლოდ უფროსი თაობის აუდიტორიაში, რომელიც მას ძალიან კარგად იცნობს ტელენოველებიდან, არამედ ახალგაზრდებშიც. ეს ყველაფერი იმ ვიდეოების წყალობით, რომლებსაც ტელევარსკვლავი TikTok-ისთვის სპეციალურად იღებს. მისი ვიდეოები, სადაც კოლეგებთან ერთად ცეკვავს, ვირუსულად ვრცელდება სოციალურ ქსელში.

პანდემიის დროს ვიქტორიამ უარი თქვა თმის შეღებვაზე და ასე წარსდგა თაყვანისმცემლების წინაშე. მის გამბედაობას მიმდევრები განსაკუთრებული მადლიერებით შეხვდნენ, რადგან მან დაანგრია სტერეოტიპი, რომ ჭაღარა ქალი, აუცილებლად მოუვლელსა და ხანდაზმულს ნიშნავს.

ვიქტორია მშვიდ, ზომიერ ცხოვრებას ეწევა თავის ულამაზეს აგარაკზე. ის მეორედ არის დაქორწინებული, სენატორ ომარ ფაიადიზე. როდესაც წყვილი ერთმანეთს შეხვდა, რუფოს უკვე ჰყავდა პირველი ქორწინებიდან შვილი ხოსე ედუარდო, რომელიც კომიკოს ევგენიო დერბესისგან შეეძინა.

"ეკრანზე მხიარული ევგენიო, ცხოვრებაში მოღალატე აღმოჩნდა და ვიქტორიას გული გაუტეხა, - წერს მექსიკური მედია.

ვიქტორია მაშინ 27 წლის იყო. მიუხედავად იმისა, რომ ბევრ მამაკაცს მოსწონდა, მისი პირადი ცხოვრება არ შედგა. ქალი ერთხელ ამ თემაზე გულახდილად ესაუბრა 57 წლის მსახიობ სილვია დერბეზს, რომელიც მექსიკური კინოს ლეგენდა გახლდათ და ისინი ერთად თამაშობდნენ სერიალში "უბრალოდ მარია..." სილვიამ ქალს თავისი ვაჟი ევგენიო გააცნო, რომელიც კომიქსის ჟანრის მსახიობად მუშაობდა. ახალგაზრდებს ერთმანეთი ერთი ნახვით შეუყვარდათ და რომანი ქორწინებით დასრულდა.

სილვია დერბეზი ვიქტორიას დედამთილი რეალურ ცხოვრებაშიც გახდა. მალე პირველი შვილი ხოსე ედუარდო შეეძინათ. ვიქტორია ძალიან ბედნიერი იყო - მდიდარი, ცნობილი, მოსიყვარულე ქმარი და მშვენიერი ვაჟი. მეგობრები, ნაცნობები და კოლეგები აღფრთოვანებული იყვნენ მათი ოჯახით და რუფოს ცოლ-ქმრულ ცხოვრებას ოჯახის იდეალად თვლიდნენ.

რეალურად კი ამ ბრწყინვალების მიღმა სერიოზული პრობლემები იმალებოდა. ბავშვი ერთი წლისაც არ იყო, როდესაც ვიქტორია ეკრანს დაუბრუნდა, შვილის აღზრდა კი ძიძას ანდო. მეუღლეებს შორის ურთიერთობა ყოველდღიურად უარესდებოდა. ქმარი გამუდმებით ჩიოდა, რომ ის ცუდი ცოლი და დედა იყო, ასევე ძალიან ეჭვიანობდა. უწყობდა სკანდალებს, აყენებდა შეურაცხყოფას უცხო ადამიანების თანდასწრებითაც კი. ამავე დროს მუდმივად ღალატობდა ცოლს.

ვიქტორიას ძალიან უყვარდა ევგენიო, ამიტომ მუდმივად პატიობდა სკანდალებს, ღალატს და საშინელ ხასიათსაც კი. მოღალატე ქმარს მას შემდეგაც არ უსაყვედურა, როდესაც გაიგო, რომ საყვარლისგან შვილი შეეძინა. რაც უფრო მეტად ცდილობდა ქალი ოჯახური ცხოვრების გამოსწორებას, მით უფრო შეუწყნარებელი ხდებოდა ქმარი ვიქტორიას მიმართ. ევგენიოს აღიზიანებდა ცოლის წარმატებული კარიერა. მიუხედავად იმისა, რომ თავადაც პოპულარული იყო. ქმარი მუდმივად ზარმაცს და უსაქმურს უწოდებდა ვიქტორიას, ეუბნებოდა, რომ წარმატება მხოლოდ გარეგნობამ და იღბალმა მოუტანა, თავად კი ნიჭიერსა და ფუტკარივით შრომისმოყვარეს, მაგრამ არ გაუმართლა.

უფრო მეტიც, კაცი მუდმივად დასცინოდა რუფოს სერიალებს, ეფლირტავებოდა ქალებს მის თვალწინ და თვლიდა, რომ ამაში მისი ცოლი იყო დამნაშავე...

სხვადასხვა ქვეყნებში სტუმრად ჩასულ რუფოს თაყვანისმცემლების არმია ხვდებოდა, მაგრამ მის ქმარს ვერავინ ცნობდა და ის მისი მძღოლი ან დაცვის წევრი ეგონათ, რასაც ევგენიო სიგიჟემდე მიყავდა. 1996 წელს წყვილი განქორწინდა. ხოსე ედურადო დედასთან დარჩა. ეს ფაქტი მამაკაცმა სათავისოდ გამოიყენა, უარი თქვა ალიმენტის გადახდაზე და საზოგადოებას ეუბნებოდა, თუ რა ცუდი ცოლი და დედა იყო ვიქტორია რუფო. რომ მან გამოიყენა ქმარი საკუთარი მიზნებისთვის, აიძულა შვილი გაეზარდა, რის გამოც მან ვერ შეძლო კარიერის გაკეთება. ყოფილი ქმარი ამბობდა, რომ ვიქტორიას კარიერაში გავლენიანი საყვარლები ეხმარებოდნენ...

მსახიობი აღიარებს, რომ მტკივნეულმა განქორწინებამ იგი მთლიანად გაანადგურა და ჯანმრთელობის სერიოზული პრობლემები შეექმნა. გადაწყვიტა ბოლო მოეღო მყუდრო ოჯახური ბუდის აშენების მცდელობისთვის და მთელი სიყვარული შვილზე ხოსე ედუარდოზე გადაიტანა, მაგრამ 2000-იანი წლების დასაწყისში ვიქტორია პოლიტიკოს ომარ ფაიადს შეხვდა. მალე მეგობრობა რომანში გადაიზარდა. მამაკაცმა მოახერხა მსახიობის შვილთან ხოსე ედუარდოსთან დამეგობრება. 2001 წელს, შეყვარებულები დაქორწინდნენ. ქალის მეჯვარე ვერონიკა კასტრო იყო, რომელიც რეალურ ცხოვრებაშიც მისი მეგობარია.

სამი წლის შემდეგ, ომარსა და ვიქტორიას ტყუპები ვიქტორია და ანუარი შეეძინათ. ორსულობა ადვილად არ დამდგარა, ვიქტორია ამ დროს 42 წლის იყო, მაგრამ მას ძალიან უნდოდა საყვარელი მამაკაცისთვის შვილი გაეჩინა.

"ხშირად ქალები დიდ შეცდომას უშვებენ როდესაც მეუღლისგან ღალატს, დამცირებას და შეურაცხყოფას იტანენ იმ იმედით, რომ „დროთა განმავლობაში ყველაფერი გამოსწორდება“ ან "გაიგებს, რომ შეცდა..." - ამბობდა ქალი მოგვიანებით.

ვიქტორიამ ბედნიერება იპოვა, მაგრამ ტყუპები სუსტები დაიბადნენ, ბავშვებს სერიოზული ჯანმრთელობის პრობლემა შეექმნათ, რის გამოც, ვიქტორიამ კარიერა დიდი ხნით მიატოვა და მთლიანად მათზე ზრუნვას მიუძღვნა. ეკრანზე კი მხოლოდ მაშინ დაბრუნდა, როდესაც ტყუპები გაიზარდნენ და ქალი დარწმუნდა, რომ მათ ჯანმრთელობას საფრთხე აღარ ემუქრებოდა.

საინტერესო ფაქტები:

რუფო ლათინური ამერიკის ერთ-ერთი ყველაზე მაღალანაზღაურებადი მსახიობია. გასულ წელს მისი ქონება 82 მილიონ დოლარად შეფასდა. 2021 წელს მისმა ქმარმა მსახიობს ვილა უყიდა ნიუ მექსიკაში, რომელშიც 500 000 დოლარი გადაიხადა. წყვილი ამჟამად მექსიკის ქალაქ პაჩუკაში მდიდრულ სასახლეში ცხოვრობს, სადაც ვიქტორიას ორ ძაღლსაც კი, კოკოს და შანელს, საკუთარი ოთახები აქვთ. რუფომ უფროს ვაჟს აჩუქა ორსართულიანი პენტჰაუსი მექსიკის დედაქალაქში.

მსახიობს უყვარს ექსტრემალური სპორტი და არ მალავს რომ მავნე ჩვევები აქვს...

- ნაოჭები არ მაწუხებს. ვიცი, რომ მოწევა კანს აუარესებს, მაგრამ სკოლის ასაკიდან ვეწევი და არ ვაპირებ თავის დანებებას. პლასტიკური ქირურგიის წინააღმდეგი არ ვარ, მაგრამ ძალიან მორცხვი ვარ და ქირურგთან ნაოჭების გამო არ წავალ. ვაკვირდები რას ვჭამ და ვცდილობ მაკიაჟით არ დავიძინო, რაც არ უნდა გვიან მივიდე სახლში. თმას ვუვლი, მაგრამ ვარჯიში და ფიტნესი სულაც არ არის ჩემი, მოსაწყენია.

რუფოს წვრილი ნაწლავის განუკურნებელი დაავადება - ცელიაკი აწუხებს.

"მე არ შემიძლია ვჭამო ის, რაც გლუტენს შეიცავს. პური, მაკარონი, მარცვლეული და ა.შ. ამ დროს მეწყება საშინელი ფაღარათი, ანემია და გულისრევა. ხანდახან მუცელი ორსულივით მებერება. თითქოს ცხრა თვის ორსული ვარ. ამის გამო, ხშირად არ მძინავს" - ამბობს რუფო.

ვიქტორიას არ შეუძლია საჭმლის მომზადება. ყავის მოდუღებაც კი... მსახიობის სამზარეულოზე პასუხისმგებლები დიასახლისები არიან...