მნიშვნელოვანი ინფორმაცია
13
მაისიდღის ზოგადი ასტროლოგიური პროგნოზი
სამშაბათი, მთვარის მეჩვიდმეტე დღე დაიწყება 23:15-ზე, მთვარე მშვილდოსანს ესტუმრება 12:33-ზე
კარგი დღეა ფინანსური საკითხების მოსაგვარებლად, ახალი საქმეების დასაწყებად.
ვაჭრობა, უძრავ ქონებასთან დაკავშირებული საკითხების მოგვარება. შეხვედრების, ურთიერთობისა და მხიარულების დღეა. მოერიდეთ საქმეების გარჩევას. უფროსთან კონტაქტი კარგს არაფერს მოგიტანთ. კარგი დღეა მოგზაურობის დასაწყებად, საქმიანობის, სამსახურის შესაცვლელად. კარგი დღეა ქორწინებისთვის, ნიშნობისთვის. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას. არ გადაუსხათ სხვას სისხლი და პირიქით.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ვსხედვართ მიშა და სხვები და ვმსჯელობთ, შალვა რომ გამოვუშვათ, გაჩერდებაო? უგულავა ამბობს, არაა სანდოო" - რას იხსენებს რამიშვილის შეწყალების თემაზე მისი ექსმეუღლე?
11:07 / 05-11-2022
შალვა რამიშვილის ყოფილი მეუღლე თეა აბაშმაძე, სოციალურ ქსელში ვრცელ სტატუსს აქვეყნებს, სადაც იხსენებს იმ ამბავს, როგორ სთხოვა მეუღლის შეწყალება პირდაპირ ეთერში ნინო ბურჯანაძეს. თეას თქმით, მაშინ ამის გამო მეუღლისგან საყვედურიც მიიღო. ის ასევე იხსენებს იმ ადამიანებს, რომლებიც მისგან გარანტიას ითხოვდნენ, რომ ციხის დატოვების შემთხვევაში შალვა ძველებურად აღარ გააგრძელებდა საქმიანობას...
თეა აბაშმაძე:
- ერთი ამბავი უნდა გავიხსენო ჩემი წარსული ცხოვრებიდან. ეს ამბავი უკავშირდება ბოლო წლების განმავლობაში ჩვენი ქვეყნის ყველაზე კრიზისულ პერიოდს, რომელიც 2006 წელს გირგვლიანისა და სხვა ახალგაზრდების გახმაურებული მკვლელობებით დაიწყო, გაგრძელდა მაშტაბური სახალხო პროტესტების დარბევებით და 2008 წლის ომით დაგვირგვინდა. ქართულ პოლიტიკაზე წლებია აღარ ვსაუბრობ საჯაროდ, ამიტომ მშრალად შევეხები ფაქტებს, ხოლო ვისაც მეტი კონკრეტიკა დააინტერესებს, უამრავი მასალაა ნეტში და თავადაც ნახავს.
2007 წლის 3 ნოემბერს დაწყებული ხალხმრავალი პროტესტი რუსთაველზე, 7 ნოემბრის დილას სასტიკი დარბევით დამთავრდა, იმავე ღამეს კი "იმედის" ტელევიზია დაარბიეს და დახურეს. ეს ყველაფერი საერთაშორისო ორგანიზაციების მიერ იმდენად მძიმედ შეფასდა, რომ სააკაშვილი იძულებული გახდა გადამდგარიყო და რიგგარეშე არჩევნები დაენიშნა. პრეზიდენტის მოვალეობის შემსრულებელი ნინო ბურჯანაძე გახდა. 2008 წლის 5 იანვარს ჩატარდა არჩევნები, სადაც ისევ სააკაშვილმა გაიმარჯვა. მის ინაუგურაციამდე კი ბურჯანაძე ინარჩუნებდა პრეზიდენტის მოვალეობის შემსრულებლის პოზიციას. ამ პერიოდში ინგა გრიგოლიას მიყავდა რეიტინგული თოქშოუ საზოგადოებრივ მაუწყებელზე და არჩევნების მეორე დღეს, როცა ხალხის მღელვარება პიკში იყო, მთელი საქართველო ელოდა ამ გადაცემას, სადაც ბურჯანაძე უნდა გამოსულიყო.
ამ დროს ჩემი ყოფილი ქმარი, შალვა რამიშვილი იმყოფებოდა პატიმრობაში და მისჯილი 4 წლიდან მოხდილი ქონდა 2, 5 წელი. მე მყავდა სამი მცირეწლოვანი შვილი, ვცხოვრობდი ნაქირავებ ბინაში და გაჭირვებით ვინახავდი შვილებსაც და ქმარსაც ციხეში. "შეწყალებისა" და ე.წ. "უდოს" შესახებ, შალვას გაგონებაც არ სურდა, მე მაინც არ ვყრიდი ფარ-ხმალს და ვაგროვებდი ცნობადი სახეების ხელმოწერებს, სადაც ისინი ეთანხმებოდნენ შალვას გათავისუფლებას, რადგან არ მიაჩნდათ ის, საზოგადოებისთვის საშიშ პიროვნებად.
6 იანვრის დილას ინგამ დამირეკა და მომიწვია გადაცემის მეოთხე ბლოკში პოლიტ-პატიმრების თემებზე სასაუბროდ, სახალხო დამცველთან ერთად. პირველი ბლოკი კი ბურჯანაძის გამოსვლას ეთმობოდა. გადაცემის დაწყებამდე ინგას ვთხოვე, იქნებ საგრიმიოროში შემახვედრო ბურჯანაძეს, როგორც მოქმედ უმაღლეს პირს რომ ვთხოვო, შალვას გათავისუფლება-თქო. ინგამ უცებ მითხრა: - "დარბაზში რომ იჯდები მისი გამოსვლისას, ადექი და პირდაპირ მიმართეო." ეს იყო სრულიად სპონტანური გადაწყვეტილება, რომელმაც საშინლად დამძაბა და ბურჯანაძის მონოლოგის დასრულებისას, უკვე ისეთი განერვიულებული ვიყავი, რომ მივხვდი, ვერ შევძლებდი საჯაროდ პირდაპირ ეთერში მიმართვას. გვერდით ჩემი საყვარელი მეგობარი მეჯდა - მიშა გასიტაშვილი, რომელმაც ჩემს მაგივრად ასწია ხელი და ფეხზე ძალით ამაყენა.
დაბნეულმა და აკანკალებულმა ძლივს მოვახერხე ერთი წინადადების თქმა: "შალვას ნახევარზე მეტი მოხდილი აქვს, სამი პატარა შვილით ძალიან მიჭირს ცხოვრება მარტოს, როგორც დედამ გამიგეთ და გაათავისუფლეთ, თქვენ ხომ შეგიძლიათ ეხლავე მიიღოთ ეს გადაწყვეტილება-თქო", თან გული მებჯინებოდა ყელში. ხელში დიდი წვალებით, კარდაკარ სიარულით შეგროვებული ხელმოწერები მეჭირა, სადაც განსხვავებული პოლიტიკური შეხედულებების მქონე საზოგადო მოღვაწეებიც მიჭერდნენ მხარს. ბურჯანაძე ისე დააბნია ჩემმა გულწრფელმა თხოვნამ, სადაც არ იყო არანაირი პოლიტიკური პათოსი, მხოლოდ ერთი ახალგაზრდა ქალის ტკივილი, რომ დამეთანხმა - "აუცილებლად გავათავისუფლებთ, ოღონდ არ ვიცი, რა დრო დასჭირდებაო.“
გადაცემიდან რომ გამოვედი, ტელეფონზე 300 ზარი და მესიჯი დამხვდა, მირეკავდა უამრავი უცნობი ადამიანი და დახმარებას მთავაზობდა, იმდენად შთამბეჭდავი აღმოჩნდა მათთვის ჩემი სპონტანური გამოსვლა. იმ ღამეს, გვიან დამირეკა ერთმა ცნობილმა პიროვნებამ და მითხრა: "ახლა ვსხედვართ მიშა და სხვები და ვმსჯელობთო, შალვას გამოშვება პოლიტიკურად კი აწყობს მიშას, მაგრამ გარანტიას მოგვცემთ რომ გაჩერდებაო? გიგი უგულავა ამბობს, არაა სანდო და დავტოვოთ ციხეშიო." მე ვიფიცე, ოღონდ გამოუშვით და ქვეყნიდან წავალთ-მეთქი, სხვა რა შემეძლო... მეორე დღეს შალვამ დამირეკა და მეჩხუბა, რატომ დაიმცირე თავი, ხალხი იფიქრებს, რომ მე დაგავალეო. რამდენიმე დღეში კი შალვას მიმართვა გამოქვეყნდა ერთ-ერთ გაზეთში სათაურით - "არ გაბედოს მოქალაქე სააკაშვილმა ჩემი შეწყალება."
რა თქმა უნდა, არც შეუწყალებიათ, სრულად მოიხადა მან მისჯილი 4 წელი. რაც მოვყევი ასე იყო ეს ამბავი, რომლის მოწმეცაა ინგა, მიშა გასიტაშვილი, ის პიროვნება ვინც დამირეკა და თავად სააკაშვილი, გიგი უგულავასთან ერთად. ეს ამბავი დღევანდელი ხმაურის გამო მოვყევი. ეკა კვესიტაძე ამბობს, შალვამ ითხოვა შეწყალებაო და მე მიმოწმებს, უგულავა კი წერს, რომ შევიწყალეთო. არასოდეს მომიყოლია ეს ამბავი და კიდევ უამრავი რამ, მაგალითად ის, რომ შალვას დაჭერამდე ერთი თვით ადრე ერთ-ერთი მაღალჩინოსანი მაფრთხილებდა, მაქვს ინფორმაცია რომ შალვას დაიჭერენ, თუ არ შეწყვეტს 202-ის ეთერში "60 წუთის" მიერ გადაღებული ფილმის ტრანსლაციას, ჟვანიას მკვლელობის შესახებო.
ფილმში ამერიკელი ექსპერტების დასკვნაც იდო - "სხეულში აღმოჩენილი მომწამვლელი ნივთიერება არ იყო საკმარისი მისი გარდაცვალებისთვისო". ამ ფილმს შალვა თითქმის ყოველ დღე უშვებდა ეთერში, რაზეც მიშას საშინელი რეაქცია ქონდა თურმე. შალვას დაჭერისთანავე ამ ფილმის ავტორმა შვეიცარიაში ითხოვა თავშესაფარი პოლიტიკური სარჩულით. მე არც შალვას ვაფასებ და არც სხვას, დავწერე სიმართლე როგორც იყო და შეფასებები თქვენ გააკეთეთ. არავის ციხეში ყოფნა არ მიხარია, ვწუხვარ ჩვენი ქვეყნის მდგომარეობაზე და ძალიან მინდა, როდესმე მაინც შევძლოთ პასუხისმგებლობის აღება საკუთარ საქციელებზე და სიმართლით ცხოვრება. ყველას ვუთანაგრძნობ განურჩევლად შეხედულებებისა და ვოცნებობ ჩენი საზოგადოების დიდ შერიგებაზე, რომელიც მხოლოდ მაშინ მოხდება, როცა ჩვენი პრიორიტეტი ქვეყანა და ხალხი გახდება.
მკითხველის კომენტარები /
36 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გაერთიანებული სამეფოს პრემიერ-მინისტრის, კირ სტარმერის ლონდონის სახლში ხანძარი გაჩნდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
და რა მაგით? გამოსაშვები იყო? რისი ღირსიც იყო კი ვიცი და უნდა მიეღო წესით
გაფართოებული უნდა ქონდეს წესით ერთი ადგილო
რა იყო ახლა ეს? შვილი რომ მამას გადამწყვეტ მომენტში დანას ზურგში ჩასცემს და დედა ამას რომ მოუწონებს, როგორი გამორთული უნდა იყო ყველა ადამიანური ქვეცნობიერიდან. ოჯახში რომ დაეტიათ ეს საქმე არა? მაგრამ ვისაც თავს აწონებენ , ისინი დაუფასებენ, ალბათ. ნახეთ რა მოხდება, თუ ნაცმოძრაობამ ლეგალურად იმოძრავა...90-იანები დაგვავიწყდება.