მნიშვნელოვანი ინფორმაცია
12
მაისიდღის ზოგადი ასტროლოგიური პროგნოზი
ორშაბათი, მთვარის მეთექვსმეტე დღე დაიწყება 21:55-ზე, მთვარე მორიელშია
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ.
კარგი დღეა იურიდიული საკითხების მოსაგვარებლად, სასამართლო პროცესების დასაწყებად. კარგი დღეა შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"პრეზიდენტმა აქამდეც არაერთი ნაბიჯი გადადგა, რომელიც "ქართულ ოცნებას“ გულზე არ ეხატებოდა. ახლაც აჯობებს, შეიწყალოს, ეს ქვეყანას სჭირდება!" - რატომ უნდა შეიწყალოს პრეზიდენტმა ნიკა გვარამია?
11:07 / 03-11-2022
სააპელაციო სასამართლომ ნაწილობრივ შეცვალა პირველი ინსტანციის სასამართლოს გადაწყვეტილება და "მთავარი არხის“ დირექტორს, ნიკა გვარამიას პატიმრობა იმ ეპიზოდზეც მიუსაჯა, რომელზეც საქალაქო სასამართლომ ჯარიმა გამოიყენა. კერძოდ, ტელეკომპანია "რუსთავი 2“-ის დირექტორობისას უფლებამოსილების ბოროტად გამოყენებისთვის გვარამია დამნაშავედ ორ ეპიზოდში ცნეს და მას სასჯელის საბოლოო სახედ კვლავ 3 წლითა და 6 თვით პატიმრობა განესაზღვრა.
ადვოკატ დიმიტრი საძაგლიშვილის შეფასებით, სასამართლომ ხელისუფლების გზავნილების შესაბამისად შეცვალა პირველი ინსტანციის გადაწყვეტილება და ის პოლიტიკურ დღის წესრიგს უფრო მოარგო.
"მათ გადაწყვიტეს უსამართლობა კი არ გამოესწორებინათ, არამედ ახლა სხვა ეპიზოდზეც გამოეყენებინათ პატიმრობა, თითქოსდა, რამენაირად შეეცადონ თავის გამართლებას, რომ ის არა მარტო ავტომობილის გამოყენების გამოა პატიმრობაში“.
ტელეკომპანია "მთავარი არხის“ დირექტორის, ნიკა გვარამიას პატიმრობაში დატოვების შესახებ თბილისის სააპელაციო სასამართლოს გადაწყვეტილებას საქართველოში აშშ-ის საელჩო გამოეხმაურა და განაცხადა, რომ იმ დროს, როდესაც საქართველოს ერთგულება მიუკერძოებელი სასამართლოსა და მედია პლურალიზმის მიმართ "განსაკუთრებული დაკვირვების საგანია“, ნიკა გვარამიას მიმდინარე პატიმრობა რისკის ქვეშ აყენებს ქართველი ხალხის მკაფიო არჩევანსა და საქართველოს ლიდერების გაცხადებულ მიზანს - უფრო უსაფრთხო, დემოკრატიული, ევროპული მომავლისა. საელჩომ კიდევ ერთხელ გამოხატა ღრმა შეშფოთება სასამართლოს გადაწყვეტილებასთან დაკავშირებით და აღნიშნა, რომ "შერჩევითი გამოძიების, სისხლის სამართლებრივი დევნისა და მსჯავრდების აღქმაც კი ასუსტებს საზოგადოების ნდობას სამართალდამცავების, პროკურატურის, სასამართლოებისა და თავად ხელისუფლების მიმართ“. საელჩოს თქმით, შეერთებული შტატები გააგრძელებს მედიის თავისუფლებისა და სასამართლო სისტემის რეფორმის მხარდაჭერას, რაც "აუცილებელია სტაბილური და წარმატებული დემოკრატიის ასაშენებლად და რაც ქართველი ხალხის მკაფიო სურვილია“.
ნიკა გვარამიას შეწყალების მოთხოვნით, ოპოზიცია აპირებს პრეზიდენტ სალომე ზურაბიშვილს მიმართოს. სხვადასხვა პარტიების წარმომადგენლები ფიქრობენ, რომ მოსამართლეთა კოლეგიამ პოლიტიკური გადაწყვეტილება მიიღო. მათი შეფასებით, "მთავარი არხის“ დამფუძნებლის პატიმრობაში ყოფნა საქართველოს ევროინტეგრაციის პროცესს აფერხებს.
პოლიტოლოგ ვახტანგ ძაბირაძის აზრით, ხელისუფლებამ რადგან სიფრთხილე არ გამოიჩინა მედიასაშუალებების მიმართ, უმჯობესია, ეს გააკეთოს პრეზიდენტმა. მომგებიანი იქნება, პრეზიდენტი გვარამიას თუ შეიწყალებს სახელმწიფოს და არა ბრალდებულის ინტერესებიდან გამომდინარე.
"პრეზიდენტმა, დიდი ალბათობით, უნდა შეიწყალოს ნიკა გვარამია, მან ეს ნაბიჯი უნდა გადადგას. დარწმუნებული ვარ, გვარამიას შეწყალება ოპოზიციურ პოლიტიკურ სპექტრში სურათს დიდად ვერ შეცვლის, მაგრამ იმის გათვალისწინებით, რასაც ჩვენი პარტნიორები მიიჩნევენ (რომ ეს ნაბიჯი გადასადგმელია და ეს ფაქტი ხელს უშლის საქართველოს ევროინტეგრაციისაკენ სვლას), ჯობია და უფრო მომგებიანი იქნება, ზურაბიშვილმა ის შეიწყალოს (თუმცა ამაში დარწმუნებული არ ვარ). უნდა ითქვას, რომ ეს ფაქტი არასასიამოვნოა და გვარამიას საქმეც ცოტა წყალწყალაა. თან როცა საკითხი შეეხება მედიასაშუალებებს, აქ თავიდანვე სიფრთხილე იყო საჭირო. ხელისუფლებამ რადგან სიფრთხილე არ გამოიჩინა, ჯობია, ეს გააკეთოს პრეზიდენტმა. ევროპარლამენტს რომ თავი დავანებოთ, ჩვენ ხომ არ ვართ ჩამოყალიბებული დემოკრატიული ქვეყანა, ჩვენ გარდამავალ ფაზაში ვართ, რაც იმას ნიშნავს, რომ ასეთი საქმეებისადმი (მედია, არჩევნები, ადამიანის უფლებები...) უნდა იყოს ძალიან ფრთხილი დამოკიდებულება. ასეთ შემთხვევაში, ჯობია, უფრო ლიბერალიზაციისკენ გადავდგათ ნაბიჯი. სხვათა შორის, პრეზიდენტმა აქამდე რამდენიმე ისეთი ნაბიჯი გადადგა, რომელიც "ქართულ ოცნებას“ მაინცდამაინც გულზე არ ეხატებოდა. ამ კერძო შემთხვევაში რას იზამს, ვერ გეტყვით, მაგრამ ალბათ აჯობებს, შეიწყალოს სახელმწიფოს და არა გვარამიას ინტერესებიდან გამომდინარე. თუმცა პრეზიდენტმა წინასწარ რომ გააკეთოს განცხადება, თუ მომმართავენ, შევიწყალებო, ეს არ იქნება მისი მხრიდან სწორი განცხადება“, - ამბობს პოლიტოლოგი.
საერთაშორისო ურთიერთობის სპეციალისტ თენგიზ ფხალაძის აზრით, დასავლეთის მხრიდან გაკეთებული განცხადებები და შეფასებები მოწმობს იმას, რომ ეს ფაქტი საქართველოს საერთაშორისო იმიჯს აზიანებს, ხოლო პრეზიდენტი იმისთვისაა პრეზიდენტი, რომ მან შეაფასოს ფართო სურათი, არა - ვიწრო პარტიული, თუ პოლიტიკური კონიუნქტურა და ამ ყველაფრის გათვალისწინებით მიიღოს შესაბამისი გადაწყვეტილება.
"შეწყალება არის პრეზიდენტის დისკრეცია და მისი გადასაწყვეტი. შეწყალება არ არის მეოთხე ინსტანცია, ესაა აქტი, რომელიც გამოიყენება იმ ადამიანის მიმართ, რომელსაც, როგორც წესი, მისჯილი აქვს სასჯელი. ამ შემთხვევაში, ჰუმანური აქტის განხორციელებისას ხდება კონკრეტული გარემოებების გათვალისწინება. პრეზიდენტი რას გაითვალისწინებს და რას - არა, გამიჭირდება ამაზე კომენტარის გაკეთება. რაც შეეხება საგარეო კუთხით რა იქნება, ზოგადად, ამაზე განაჩენის გამოცხადების დღესვე გაკეთდა განცხადებები - აშშ-ს საელჩომაც გააკეთა განცხადება, იყო ევროპარლამენტარების შეფასებები და ვერ ვიტყვი, რომ ეს ყველაფერი ხელს უწყობს საქართველოს საერთაშორისო იმიჯის გაუმჯობესებას. ამას მოწმობს ეს განცხადებები, რაც დღეს გაკეთდა, მაგრამ კიდევ ერთხელ ვამბობ, რომ პრეზიდენტი რას გაითვალისწინებს და რას - არა, ეს მისი უფლებაა. ევროპარლამენტის რეკომენდაციებიდან რას გაითვალისწინებენ ქართველი კოლეგები, საბოლოოდ, ქვეყნის გადასაწყვეტია. შესაბამისად, გათვალისწინება-არგათვალისწინებას აქვს თავისი შედეგი. ასე რომ, ეს ყველაფერი დასაფიქრებელია. პრეზიდენტი იმისთვისაა პრეზიდენტი, რომ მან შეაფასოს ფართო სურათი და არა ვიწრო პარტიული, თუ პოლიტიკური კონიუნქტურა. მან უნდა დაინახოს ეს ყველაფერი ფართო სურათში, დაინახოს და შეაფასოს როგორც ქვეყნის შიგნით, ისე მის ირგვლივ მიმდინარე პროცესები და ამ ყველაფრის გათვალისწინებით მიიღოს შეწყალების გადაწყვეტილება“, - ამბობს თენგიზ ფხალაძე.
მკითხველის კომენტარები /
101 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ვერ ვხვდები რატომ უნდა შეიწყალონ გვარამია,ისევ ისე რომ გააგრზელოს ადამიანების ლანძღვა-გინება და შეურაწყოფა?????
ქალბატონო სალომე უთხარით ელჩებს, რომ ის არის სადისტი და ახალი თაობის მკვლელი. იქნებ გაიგონ რასთან აქვთ საქმე და ხალხს გაუწიონ ანგარიში. ფულს ოცნებაც მისცემს.