მნიშვნელოვანი ინფორმაცია
10
მაისიდღის ზოგადი ასტროლოგიური პროგნოზი
შაბათი, მთვარის მეთოთხმეტე დღე დაიწყება 19:15-ზე, მთვარე მორიელში იქნება 23:58-დან
დაგეგმეთ მნიშვნელოვანი საქმეები, შეხვედრები. მოაგვარეთ ფინანსური დოკუმენტები, საკითხები. კარგია ახალი საქმეების დაწყება. უძრავ ქონებასთან დაკავშირებული საკითხების მოგვარება. ცუდი დღეა სასამართლო საქმეებისთვისა და განქორწინებისთვის. მოერიდეთ კონფლიქტს. უფრო მეტი, გაამყარეთ ურთიერთობა ნათესავებთან. კარგი დღეა უფროსთან საქმეების განსახილველად, სამსახურის, საქმიანობის შესაცვლელად. ამ დღეს დაწყებული მოგზაურობა ან მივლინება საინტერესოდ ჩაივლის. არასასურველია ქორწინება და ნიშნობა. არ გადატვირთოთ კუჭი. შეამცირეთ ალკოჰოლის დოზა და სიგარეტის რაოდენობა. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ამერიკაში როცა იძალადა, მაშინვე პოლიციას რატომ არ მიმართაო... არცერთი ქალი არ რეკავს პოლიციაში, როცა მარტოა უცხო ქვეყანაში" - რას წერს დოროყაშვილის ადვოკატი?
08:36 / 22-10-2022
ნელი დოროყაშვილის ადვოკატი ანა არღანაშვილი სოციალურ ქსელში პოსტს აქვეყნებს, სადაც მოსამართლის გუშინდელ გადაწყვეტილებასა და ხათუნა ხარჩილავას მიერ ამ გადაწყვეტილების დასაბუთებას ეხმაურება.
"არაიურისტებისთვის, მოკლედ რომ შევაჯამოთ, რატომ არ დაადგინა ძალადობა:
1. მსხვერპლმა დაზიანებების ფოტოები რომ გადაიღო, იქ მისი სახე არ ჩანდაო ("ფორმულას" ჩანაწერი 54-ე წუთი) - ანუ, ამის მერე, სელფებია საჭირო. როცა გცემენ და დალურჯებას გადაიღებთ - თან უნდა გაიღიმოთ და “ჩიიზ” თქვათ.
2. ძალადობის მერე, რამდენიმე საათში დაბადების დღეზე წასვლის და გაღიმების უნარი არ უნდა ჰქონოდაო (49-ე წუთი) - ანუ როცა იძალადებენ, მერე ინსტრუქციაა როგორ უნდა მოიქცეთ. თუ სადმე გაიღიმებთ, ესე იგი არ გეტკინათ და დაივიწყეთ გასაჩივრება.
3. ამერიკაში როცა იძალადა, მაშინვე პოლიციას რატომ არ მიმართაო ანუ, 911 -ზე რატომ არ დარეკა. ამაზე კომენტარის გაკეთება მიჭირს: ჯერ ერთი, არცერთი ქალი არ რეკავს პოლიციაში, როცა შეშინებულია და მარტოა, უცხო ქვეყანაში.
4. თუ პოლიციაში არ მიჰქონდა ის ჩანაწერი, მაშინ რატომ იღებდაო (47-ე წუთი)- ანუ, მსხვერპლო ქალებო, არ შეაგროვოთ მტკიცებულებები თუ მაშინვე პოლიციაში არ წაიღებთო.
5. დაზიანებებს სასწრაფოს ექიმმა სხვა სახელი (ექსკორიაცია) რომ უწოდა და ექსპერტიზამ სისხლნაჟღენთი - რა არის ეს ორი სათაური, ეტყობა, საერთოდ ბავშვის უხერხულად ხელში ჭერისგან გაუჩნდაო (59-ე).
კადრებში არ ჩანს, მაგრამ ვერც გამოვრიცხავ ასე ყოფილიყოო. აქ ბავშვიანებმა მოიფიქრეთ, ბავშვი ისე როგორ უნდა დაიჭირო, რომ სისხლნაჟღენთები გაგიჩნდეს.
სხვა უამრავ საოცრებაზე მერე დავწერ.
"რამდენად არის გამართლებული პოლიციისთვის დაგვიანებით მიმართვა" (47-ე წუთი) მოსამართლე სვამს კითხვას - ოჯახში ძალადობასთან თუ ოდესმე შეხება გქონია, სიმწრით გაგეცინება ამაზე. ხანდახან ჯობია იურისტი არც იყო, რომ ამ მსჯელობის უკანონობა ბოლომდე ვერ გაიგო" - წერს ადვოკატი.
ცნობისთვის, ფიზიკურ და ფსიქოლოგიურ ძალადობაში ბრალდებული ჩოგბურთელი ნიკოლოზ ბასილაშვილი სასამართლომ უდანაშაულოდ ცნო. განაჩენის გამოცხადებას მხოლოდ ბრალდებული ნიკოლოზ ბასილაშვილი ესწრებოდა, სასამართლოზე არ გამოცხადებულა ნელი დოროყაშვილი.
მოსამართლემ განაჩენის გამოცხადების შემდეგ ვრცლად ისაუბრა იმაზე, თუ რატომ მიიღო გამამართლებელი ვერდიქტი. ისაუბრა რამდენიმე ეპიზოდზე, მათ შორის სასტუმროში გადაღებულ ვიდეოჩანაწერსა და ამერიკაში მომხდარ ფაქტზე.
მოსამართლის განმარტებით, ბრალდების მხარემ სასამართლოს ჰაბიდოსკოპიური ექსპერტიზის დასკვნა არ წარუდგინა, რომელიც დაადგენდა, ნამდვილად ასახავდა თუ არა ჩანაწერი ძალადობას.
"ეს ვიდეოჩანაწერი გახდა სპეკულაციის ნაწილი, ბრალდების მხარე ბრძანებდა, რომ ჩანს ამ ჩანაწერში ძალადობა, დაცვა ბრძანებდა, რომ ძალადობა არ ჩანს. სიმართლე გითხრათ, ობიექტური დამკვირვებლის თვალში აშკარად და ერთმნიშვნელოვნად ძალადობის ფაქტი არ ჩანს" - აღნიშნა მოსამართლემ.
ამასთან, მოსამართლის განცხადებით, არსებობს ჩანაწერის თანადროული ფოტო, რომელშიც ნელი დოროყაშვილს სხეულზე ძალადობის კვალი არ ჩანს.
მოსამართლემ განაჩენის გამოცხადების შემდეგ ბრალის ეკონომიკური დანაშაულის ნაწილზეც ისაუბრა და აღნიშნა, რომ გონივრულ ეჭვს მიღმა სტანდარტით ვერ დადასტურდა ეკონომიკური ძალადობის ფაქტი.
"დაზარალებული ბრძანებდა, რომ თანაცხოვრების პირობებში მასზე მისი მეუღლე ნიკოლოზ ბასილაშვილი ახორციელებდა ეკონომიკურ ძალადობას, უბლოკავდა მას შესაბამის „კარტას“ და იგი იძულებული ხდებოდა, რომ დახმარება მიეღო მეგობრებისგან, ახლობლებისგან და განსაკუთრებით საყურადღებოა ამერიკის ეპიზოდი. დაზარალებული ბრძანებდა, რომ აშშ-ში ფიზიკური ძალადობის განხორციელების შემდეგ ნიკოლოზ ბასილაშვილმა მას დაუბლოკა ბარათი და იგი იძულებული გახდა დახმარება მიეღო მამის მეგობრის მხრიდან. სასამართლოს ჰქონდა მოლოდინი, რომ ჩვენ მოვისმენდით იმ პირის ვინაობას, ვინ იყო მამის მეგობარი, რამეთუ დაცვის მხარე, რომელიც ატარებს ალტერნატიულ გამოძიებას, მას უნდა ჰქონდეს შესაძლებლობა, ეს მოწოდებული ინფორმაცია გადაამოწმოს, თუმცა სასამართლოს გასაოცრად, არაერთი მოწოდების მიუხედავად დაზარალებულმა არ დაასახელა ამ ადამიანის სახელი და გვარი. შესაბამისად იმთავითვე გაჩნდა ეჭვი დაზარალებულის სანდოობაში" - აღნიშნა ხათუნა ხარჩილავამ.
მკითხველის კომენტარები /
77 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ქალო ქორწინების პირველ წუთებიდან ვიდეოებს იღებდი რაღაც სისულელეებს და....შენ ვინმეს გვჯერავს ნიკას ხელი აექნია და სპეც რაზმს არ გამოიძახებდი? სამართალმა იზეიმა...სასაცილო ცრუპენტელამ მიიღე პასუხი..შვილს რამხელა ტრავმა მიაყენე მამას ასეთ დღეში რომ უგდებდი ქვეყნის დასაცინი და გასარჩევი გახადე თქვენი ოჯახის ამბები არადა მშვიდად ადამიანურად რომ ყოფილიყავი ....ვფიქრობ ერთადაც იქნებოდით
ნიკას მოცემული ფულებით ნიკას უჩივი და ადვოკატებს ქირაობ?????????? ნიკას მოცემული ფულებით იმენნა გულაობ და სხვას და სხვებსაც აგულავებ და უჩივი უფრო მეტი მომეციო ?????????? რისი ღირსიც ხარ ყველამ იცის..............