მნიშვნელოვანი ინფორმაცია
13
მაისიდღის ზოგადი ასტროლოგიური პროგნოზი
სამშაბათი, მთვარის მეჩვიდმეტე დღე დაიწყება 23:15-ზე, მთვარე მშვილდოსანს ესტუმრება 12:33-ზე
კარგი დღეა ფინანსური საკითხების მოსაგვარებლად, ახალი საქმეების დასაწყებად.
ვაჭრობა, უძრავ ქონებასთან დაკავშირებული საკითხების მოგვარება. შეხვედრების, ურთიერთობისა და მხიარულების დღეა. მოერიდეთ საქმეების გარჩევას. უფროსთან კონტაქტი კარგს არაფერს მოგიტანთ. კარგი დღეა მოგზაურობის დასაწყებად, საქმიანობის, სამსახურის შესაცვლელად. კარგი დღეა ქორწინებისთვის, ნიშნობისთვის. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას. არ გადაუსხათ სხვას სისხლი და პირიქით.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ხერსონის ოლქში, სასამართლოსთან, რუსებმა უკრაინელი ექიმი ქალი ჩამოახრჩვეს - სასტიკი დანაშაულის დეტალები
10:35 / 21-10-2022
ხერსონის ოლქის ოკუპირებულ სკადოვსკში, რუსმა ოკუპანტებმა 56 წლის ქალი ჩამოახრჩეს. უკრაინის მიერ კონტროლირებად ტერიტორიაზე მცხოვრები ნათესავები რამდენიმე დღის განმავლობაში ცდილობდნენ გაეგოთ, რა დაემართა ტატიანა მუდრენკოს.
ხერსონის ოლქის ოკუპირებული სკადოვსკის მკვიდრი ექიმი 7 ოქტომბერს გაუჩინარდა. დაკარგულის ტყუპისცალი და, ნატალია "ფეისბუქის" ადგილობრივ ჯგუფებში წერდა და დახმარებას ითხოვდა. ქალაქის ერთ-ერთმა მცხოვრებმა მას აცნობა, რომ დაინახა, თუ როგორ გააჩერა "პოლიციამ" მანქანა, რომლითაც ტატიანა და მისი ქმარი - ანატოლი გადაადგილდებოდნენ.
"ამბობენ, რომ ე.წ. პოლიციის მანქანას გადაუსწრეს, რაც დამპყრობლებს არ მოეწონათ. მანქანა გააჩერეს და ცოლ-ქმრის გადაყვანა სცადეს, თუმცა გარშემო უამრავი ადამიანი მოგროვდა და მათი უკმაყოფილების შემდეგ გაუშვეს. ორ საათში "პოლიცია" მათ სახლში შევარდა, ჩხრეკა ჩაატარეს და ტატიანას ქმარი სცემეს. ოჯახს წაართვეს ორი ველოსიპედი და მანქანა. ამ დროს ტატიანამ დაიყვირა: "სკადოვსკი არასოდეს იქნება რუსეთის. სკადოვსკი უკრაინაა.“ ამის შემდეგ ცოლ-ქმარს ბორკილები დაადეს და წაიყვანეს.
რამდენიმე დღის განმავლობაში მათ სახლს ერთ-ერთი მეზობელი უვლიდა, მაგრამ ვერავინ გაბედა წასულიყო და ეკითხათ, რა დაემართა ცოლ-ქმარს.
მოგვიანებით, გავრცელდა ინფორმაცია, რომ ტანია სკადოვსკში, სასამართლოს გვერდით ჩამოახრჩვეს. ამის შესახებ თვითმხილველებმა დაწერეს. ეს შოკი იყო ოჯახისთვის და მეგობრებისთვის.
ცნობილია, რომ რამდენიმე დღის წინ დამპყრობლებმა ტატიანას ქმარი გაათავისუფლეს, რომელმაც ცოლის ცხედარი დაკრძალა.
ოჯახის ახლობელი ამბობს, რომ ყველაფერი 3 მარტს დაიწყო, როდესაც რუსული ჯარები სკადოვსკში შევიდნენ.
"გვეუბნებოდნენ, - ჩუმად იყავით, შეიძლება თქვენს სიცოცხლეს საფრთხე დაემუქროსო, მაგრამ ტატიანამ უკრაინული პოზიცია დაიკავა, არ გაჩუმებულა. თავდაპირველად აქციებზე დადიოდა, შემდეგ კი მომწერა, რომ მასთან "ვაიბერით" აღარ მეკონტაქტა და მხოლოდ "ტელეგრამზე" მიმეწერა. ეგონა, რომ იქ ნაკლებად უსმენდნენ. როდესაც ვკითხე, თუ რა მოხდა, მითხრა, რომ იდენტიფიცირებული იყო, დეტალები არ უთქვამს, მხოლოდ თქვა, რომ ყველაფერის დასრულების შემდეგ შეგვხვდებოდა და მოგვიყვებოდა. თან დაამატა: "ამისთვის ცოცხალი უნდა დავრჩეო“, - იხსენებს ნათესავი.
"ის მრავალი წლის განმავლობაში მუშაობდა დნეპრის ინფექციურ საავადმყოფოში. სამი წლის წინ კი პენსიაზე გავიდა, რადგან ინფექციურ საავადმყოფოში მუშაობა ჯანმრთელობისთვის საზიანოა, ექიმებს შეუძლიათ ადრეულად დამსახურებულად დაისვენონ. ამის შემდეგ სკადოვსკში თავის ქმართან, ანატოლისთან წავიდა, რომელიც ყოფილი მეზღვაური იყო. მათ ძალიან რომანტიკული ურთიერთობა ჰქონდათ. ტატიანა ზაფხულში საბავშვო ბანაკებში ნახევარ განაკვეთზე მუშაობდა", - ამბობს მეგობარი.
როდესაც სკადოვსკი დაიკავეს, ოჯახს გადარჩენისთვის ბრძოლა უწევდა, რადგან უკრაინულ პენსიას ვერ იღებდნენ, ბანკები არ მუშაობდა. ტატიანას ჰქონდა პატარა ფერმა, ბაღი. ფუნთუშებსაც აცხობდა, ანატოლი კი ღვინოს ამზადებდა, პროდუქტს ბაზარზე ყიდდნენ.
"ის არასდროს მალავდა უკრაინულ შეხედულებებს. ველოსიპედზე უკრაინის პატარა დროშაც კი ჰქონდა მიმაგრებული. მიტინგებზე ცრემლსადენი გაზიც კი შეასხეს. ძალიან ნაწყენი და გაბრაზებული იყო მეზობლებზე, რომლებიც უკრაინის მომხრეები იყვნენ, მაგრამ ოკუპაციის დროს რუსეთის მხარე დაიკავეს“, - ამბობს მეგობარი.
ახლობლები და მეგობრები ამბობენ, რომ მათ არ შეუძლიათ ბოლომდე დაიჯერონ, რომ ტატიანა ასე სასტიკად მოკლეს რუსმა დამპყრობლებმა. ასეთი სიკვდილი 21-ე საუკუნეში წარმოუდგენელია!
მკითხველის კომენტარები /
38 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გაერთიანებული სამეფოს პრემიერ-მინისტრის, კირ სტარმერის ლონდონის სახლში ხანძარი გაჩნდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
კაცო ქმარი გაუშვეს და ცოლი ჩამოახრჩვეს? რაღაცა უცნაური ამაბავია.
აფხაზეთში და ცხინვალის რეგიონში რა გააკეთეს რუსებმა 90-იან წლებში.