მნიშვნელოვანი ინფორმაცია
12
მაისიდღის ზოგადი ასტროლოგიური პროგნოზი
ორშაბათი, მთვარის მეთექვსმეტე დღე დაიწყება 21:55-ზე, მთვარე მორიელშია
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ.
კარგი დღეა იურიდიული საკითხების მოსაგვარებლად, სასამართლო პროცესების დასაწყებად. კარგი დღეა შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მოლოდინი გვაქვს, რომ საქმეზე გამამტყუნებელი განაჩენი დადგება" - რას აცხადებს ნიკოლოზ ბასილაშვილის საქმის პროკურორი?
22:55 / 20-10-2022
ფსიქოლოგიურ და ფიზიკურ ძალადობაში ბრალდებული ჩოგბურთელის, ნიკოლოზ ბასილაშვილის საქმის პროკურორის, ნათია გურულის განცხადებით, ბრალდების მხარეს გამამტყუნებელი განაჩენის მოლოდინი აქვს.
გურულის განმარტებით, დასკვნით სიტყვაში მტკიცებულებები დაცვის მხარის მიერ დამახინჯებული ფორმით იყო წარმოდგენილი.
"დღეს დაცვის მხარის დასკვნითი სიტყვა მოვისმინეთ და მინდა გითხრათ, რომ დაცვის მხარის დაახლოებით, 5-საათიან დასკვნით სიტყვაში მტკიცებულებები წარმოჩენილი იყო აბსოლუტურად დამახინჯებული ფორმით. ბრალდების მხარემ დასკვნითი სიტყვის ეტაპზე არგუმენტირებულად შეაფასა, თუ რატომ არის თითოეულ ბრალდებასთან დაკავშირებით დადასტურებული მტკიცებულებებით ნიკოლოზ ბასილაშვილის მიერ დანაშაულის ჩადენა. შესაბამისად, დარწმუნებული ვართ, სასამართლო ნამდვილად სწორ ანალიზს გაუკეთებს წარმოდგენილ მტკიცებულებებს და ბუნებრივია, მოლოდინი გვაქვს, რომ საქმეზე გამამტყუნებელი განაჩენი დადგება. დაცვის მხარე საუბრობს ნელი დოროყაშვილის მხრიდან თითქოს, სისტემატურ სიტყვიერ შეურაცხყოფაზე. ამასთან დაკავშირებით, თავად დაცვის მხარის მტკიცებულებით ნატალია ნაჭყებიას ჩვენებით არის ეს ფაქტი გამორიცხული. ეს გახლავთ ერთ-ერთი იმ უზუსტობათაგანი, ამასთან არის საქმეში წარმოდგენილი არაერთი მტკიცებულება, რაც ადასტურებს, რომ შემთხვევის ადგილის და შემთხვევის დროს, კონკრეტული მოწმე, რომელიც საუბრობს, თითქოს თვითმხილველი იყო, ფიზიკურად ვერ იქნებოდა კონკრეტულ დღეს და დროს შემთხვევის ადგილზე, ეს რამდენიმეა უზუსტობათაგან და ინფორმაციის დამახინჯების მცდელობა, თუმცა, სასამართლო იმისთვისაა, სწორად გაუკეთოს მტკიცებულებებს შეფასება და ანალიზი.
ნელი დოროყაშვილის ჩვენება თანხვედრაშია, როგორც ბრალდების მხარის მიერ წარმოდგენილ მტკიცებულებებთან, ასევე დაცვის მხარის წარმოდგენილ ობიექტურ მტკიცებულებებთან“, - განაცხადა გურულმა.
ნიკოლოზ ბასილაშვილის ბრალდების სისხლის სამართლის საქმეზე მოსამართლე განაჩენს დღეს, 21 ოქტომბერს გამოაცხადებს.
სხდომა თბილისის საქალაქო სასამართლოში რამდენიმე წუთის წინ დასრულდა და მოსამართლე ხათუნა ხარჩილავა განაჩენის გამოსატანად სათათბიროდ გავიდა.
იხილეთ ასევე:
მკითხველის კომენტარები /
6 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აპლიკაცია გველების შესახებ - რა უნდა ვიცოდეთ
კვირის კითხვადი სტატიები
მნიშვნელოვანი ინფორმაცია
მკითხველის რჩევით
დიდის ალბათობით არასაკმარისი მტკიცებულებების გამო ბასილაშვილის მიმართ გამამართლებელი განაჩენი დადგება, მტკიცებულებათა სტანდარტი მნიშვნელოვანია დღეს აღარ არის ის დრო როცა პროკურორის დაკვეთით დაუსაბუთებელ განაჩენებს იღებდნენ.
რატომ გაქ მაგის მოლოდინი შე არასწორო