მნიშვნელოვანი ინფორმაცია
25
აპრილიდღის ზოგადი ასტროლოგიური პროგნოზი
პარასკევი, მთვარის ოცდამეშვიდე დღე დაიწყება 05:13-ზე, მთვარე 11:20-ზე ესტუმრება ვერძს
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის. მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად, ყვავილების დასარგავად; ქორწინებისა და ნიშნობისათვის. თავის ტკივილი რომ აირიდოთ, არ გადაიღალოთ გონებრივი სამუშაოთი. მოერიდეთ დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ახლა ცხოვრებაში სრულიად განსხვავებული ეტაპი მაქვს... ისეთი, როგორიც არასოდეს მქონია" - რატომ დატოვა ტელევიზია გვანცა დარასელიამ?
09:54 / 08-10-2022
15 წლის შემდეგ, პირველი შემთხვევაა, როდესაც გვანცა დარასელია "რუსთავი 2"-ზე ახალ სატელევიზიო სეზონს აღარ შეურთდა. რატომ შეწყვიტა ტელევიზიასთან თანამშრომლობა და რა გეგმები აქვს მომავალში, ამ თემაზე ტელეწამყვანი ჟურნალ "გზას" ესაუბრა.
- ახლა ცხოვრებაში სრულიად განსხვავებული ეტაპი მაქვს, ისეთი, როგორიც არასოდეს მქონია. 15 წლიანი შეუჩერებელი მუშაობის შემდეგ, პაუზა ავიღე და სრულიად განსხვავებულ რეჟიმში ვიმყოფები. გადასარევად დავისვენე ბავშვებთან, მეუღლესთან ერთად. პრინციპში, ახლაც ვისვენებ.
- ტელევიზია რატომ დატოვეთ?
- უპირველეს ყოვლისა, მინდა, თქვენმა მკითხველმაც იცოდეს, რომ პროფესიიდან არ წავსულვარ. უბრალოდ ძალიან გადავიღალე და ცხოვრებაში ცვლილებები, რაღაც ახალი მინდოდა. პაუზის აღება და რუტინისგან, რომელიც უკვე ძველებურ სიამოვნებას აღარ მანიჭებდა, დასვენება ამიტომ გადავწყვიტე. ეს იმას არ ნიშნავს, რომ პროფესიაზე უარს ვამბობ ან ვიღაცაზე გაბრაზებული ვარ. ცხოვრებაში ყველაფერი ხდება. ბედნიერი გახლავართ, რომ თამამი ნაბიჯი გადავდგი და ასე გადავწყვიტე. დარწმუნებული ვარ, სატელევიზიო კარიერას აუცილებლად გავაგრძელებ, ოღონდ - არ ვიცი, როდის, სად და რა პირობებში.
- 15 წლის განმავლობაში სხვა დროსაც გიფიქრიათ ტელევიზიის დატოვებაზე თუ ახლა გადაწყვიტეთ?
- არა, ასეთი ფიქრები არასოდეს მქონია. ეს ეტაპი ახლა და მგონია, რომ სწორ დროს მაქვს. რადგან არც ძალიან პატარა ვარ და არც ძალიან დიდი. გამოცდილება მაქვს, მაგრამ ყველაფერი წინ არის.
- კოლეგები თქვენს გადაწყვეტილებას როგორ შეხვდნენ?
- კოლეგებს, ვისთანაც დღემდე ახლო და მეგობრული ურთიერთობა მაქვს, ამ გადაწყვეტილებასთან შეგუება ძალიან გაუჭირდათ, მაგრამ მეგობრობა არ მთავრდება. საერთოდაც, მიმაჩნია, რომ კარგი იქნება თუ სამსახური და ურთიერთობები მაინც გამიჯნული იქნება. რადგან იმის გამო, რომ ჩემი სამსახური ოჯახივით იყო, რაღაცები მიჭირდა, მაგალითად - კრიტიკა. ჩვენი მეგობრობა აუცილებლად გაგრძელდება.
მეუღლეს რომ ვუთხარი, სამსახურიდან წამოსვლას ვაპირებ-მეთქი, მიპასუხა, რა თქმა უნდა, შენი გადასაწყვეტიაო. სხვათა შორის, ამას წინათ თიკა ფაცაციას შევხვდით. თიკამ ჩემ მეუღლეს უთხრა, აი, გვანცა მთელი დღე ჩემთან იყო ხოლმე, ახლა კი - ძალიან მენატრებაო. ვახომ უპასუხა, - სამაგიეროდ ახლა ჩემთან ერთადააო.
- გავრცელდა ჭორები, რომ ტელევიზიაში თქვენთვის უსიამოვნო სიტუაცია შეიქმნა და იქაურობა ამიტომ დატოვეთ...
- ტელევიზიიდან წამოსვლა ჩემი გადაწყვეტილება იყო. რა თქმა უნდა, ამას მიზეზები ჰქონდა. ხელს ვერავის დავადებ. უბრალოდ, გარკვეული სიტუაცია იყო, რომელიც ყველგან ხდება და რომელიც ვიღაცისთვის - მისაღებია, ვიღაცისთვის - არა, მაგრამ კონფლიქტი არავისთან მომსვლია. არავისზე გავნაწყენებულვარ. ამ ტელევიზიაზე ვგიჟდები - ეს ჩემი მშობლიური არხია და არც იმას გამოვრიცხავ, რომ ოდესმე სწორედ მანდ დავბრუნდე. ამ არხის მიმართ მხოლოდ სიყვარული მამოძრავებს. ამ ტელეარხმა გამზარდა პიროვნულადაც და პროფესიულადაც, რა თქმა უნდა...
მკითხველის კომენტარები /
22 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
განსხვავებით ბევრისგან ჭკუით და გონიერებით გამოირჩეოდა.სილამახით ძალიან ლამაზი გოგოა
ვფიქრობ, გვანცას ტელევიზიიდან წასვლა ქსოვრელებთან ერთად სიმღერის წარუმატებლობამ გამოიწვია, მაგრამ არაფერია, გვანცა ისევ დაგვიბრუნდება!💖